Luke 5:17 - New Testament in Braid Scots 1904 (William Wye Smith)

¹⁷ And it cam aboot on ane oʼ thae days, that he was teachin, and thar war sittin Pharisees and Writers, wha war come oot oʼ ilka toun oʼ Galilee and Judea, and Jerusalem; and the Lordʼs pooer was thar to heal them.

Luke 5:17 Iomraidhean Croise

Matthew 11:5

“The blinʼ are gettin their sicht, the lameters walk aboot, the lepers are made clean, the deif are hearin, the deid are raised up, the puir and destitute hae the Blythe‐message proclaimʼt till them!

Matthew 15:1

Than cam Writers and Pharisees oʼ Jerusalem to Jesus; and quoʼ they,

Mark 1:45

But he gaed oot, and begude to spread abreid the tale, sae that Jesus coud‐na gang intil ony citie, but was oot‐by in desert‐places: and they war comin till him frae aʼ pairts.

Mark 16:18

“They sal tak up vipers; and gin aiblins they drink ony deidly draught, it sal be nae ill to them; they sal lay hauns on the sick, and they sal be weel!”

Mark 3:22

And the Scribes — the anes that cam doon frae Jerusalem — said, “He has Beelzebul;” and, “by the prince oʼ the demons, the demons are cuisten oot.”

Mark 5:30

And Jesus, takin tent oʼ pooer gaun oot frae him, turned aboot iʼ the thrang, and said, “Wha touched me?”

Mark 7:1

And thar are gatherʼt aboot him the Pharisees, and the Scribes that had come doon frae Jerusalem.

Luke 15:2

And baith the Writers and the Pharisees war yammerin at him, “This ane taks in ill‐leevin folk, and eats meat wiʼ them!”

Luke 2:46

And eftir thrie days they faund him iʼ the Temple, sittin wiʼ the Doctors, baith hearin them and speirin quaistens at them.

Luke 5:21

And the Writers and the Pharisees begude to dispute, “Wha is this utterin profaneness? Wha can forgie sins but God allenar?”

Luke 5:30

And the Pharisees and their Writers war yammerin at his disciples, sayin, “Hoo isʼt that ye eat and drink wiʼ tax‐men and reprobates?”

Luke 6:19

And aʼ the thrang socht to touch him, for thar gaed forth pooer frae him, and healed aʼ.

Luke 7:30

But the Pharisees and the Writers pat aside the coonsel oʼ God again their sels, no bein bapteezʼt oʼ him.

Luke 8:46

But Jesus said, “Some ane touched me; for I tak tent oʼ pooer gaun oot frae me!”

John 3:10

Quoʼ Jesus to him, “Can ye be a Maister oʼ Israʼl, and ken‐na thir things?

John 3:21

“But the man wha has the truth seeks the licht, that aʼ his deeds may be plainly seen, that they are dune iʼ the pooer oʼ God.”

Acts 19:11

And God did warks oʼ pooer, ayont the ordinar, by the hauns oʼ Paul.

Acts 4:30

“Eʼen while thou sal rax oot thy haun to heal; and that tokens and ferlies may be dune iʼ the name oʼ thy Holie Ane, Jesus.”

Acts 5:34

But thar raise ane oʼ the Heigh‐Cooncil, a Pharisee, Gamaliel, a doctor oʼ the Law, hauden in honor oʼ aʼ the folk, and gae orders to pit the men oot for a wee.