Luke 3:11 - New Testament in Braid Scots 1904 (William Wye Smith)

¹¹ And he answerʼt, “He that has twa coats, lat him bestow on him that has nane: and he that has meat, lat him dae the same.”

Luke 3:11 Iomraidhean Croise

Matthew 25:40

“Then sal he answer them, sayin, ‘Truly say I tʼye, in‐as‐muckle as ye did it to ane oʼ thae my brethren, eʼen they least anes, ye did it to me!’

Luke 11:41

“Gie noo yere substance as awmous; and aʼ things are pure tʼye.

Luke 18:22

And, listenin to him, Jesus said, “Ae thing, yet, dae ye want! Sell ye aʼ things that ye hae, and divide wiʼ the needy, and yeʼse hae gude gear in Heeven! And come! follow ye me!”

Luke 19:8

But, staunin afore him, Zaccheus said, “Lord! I gie the hauf oʼ my gear to the puir; and gin frae ony ane I hae taen by fause dealin, I gie him back fowr‐fauld!”

John 13:29

For some thocht, seein Judas bure the wallet, that Jesus had tellʼt him, “Buy what we need anent the Feast”; or that he was to gie to the puir.

Acts 10:2

Devout, and fearin God, wiʼ aʼ his hoose; giean aumous to the folk and prayin to God aye.

Acts 10:31

“And said, ‘Cornelius! yere prayer is heard; and yere aumouses are keepit in mind oʼ God.

Acts 10:4

Noo he, settin his een on him, and bein unco fleyʼt, said, “What isʼt, my Lord?” And he said to him, “Yere prayers and aumouses are come up to be keepit in mind afore God.

Ephesians 4:28

Lat him that staw steal nae mair, but raither toilin, workin wiʼ his ain hauns at what is fit, that he may hae to gie to him wha has‐na.

1 Timothy 6:17

Them that are rich in this present world, chairge ye no to be prood, nor lippen to the uncertaintie oʼ riches; but on God, wha gies us a rowth oʼ aʼ things to enjoy:

1 Timothy 6:18

To be doin gude, to be rich in warks oʼ nobleness; to be free in impairtin, ready to co‐operate;

Hebrews 6:10

For God is no ill‐deedie to be forgettin yere wark and love that ye schawed forth for his name; in serʼin the saunts, and still serʼin.

James 1:27

The service oʼ religion, pure and perfete afore oor God and Father is this: To be visitin faitherless and widows iʼ their dool, to keep his sel unstained frae the warld.

James 2:14

What the profit, my brethren, gin ane says he has faith, but has nae warks? Isʼt possible for this aneʼs faith to save him?

1 John 3:17

But whasae has this warldʼs gear, and sees his brither in need, and steeks oot his tender affections awa frae him, hoo dwalls Godʼs ain love in him?

1 John 4:20

Gin aiblins any ane soud say, “I loʼe God!” and is hatin his brither, he is a leear; for he that loʼes‐na his brither wham he has seen, hoo can he be loʼein God wham he hasna seen?