Luke 21:12 - New Testament in Braid Scots 1904 (William Wye Smith)

¹² “And, afore aʼ thae things, they wull lay hauns on ye; and wull persecute — giean ye up to kirks and dungeons — leadin awa afore kings and governors for my nameʼs sake.

Luke 21:12 Iomraidhean Croise

Matthew 22:6

“And the lave grippit his servin‐men, and ill‐treatit them, and slew them.

Matthew 24:8

“Noo, aʼ thir things schaw the oncome oʼ travail.

Luke 21:11

“And eke great yirdins, and plagues, and famines wull thar be; unco things oʼ dreid, and great tokens iʼ the lift wull thar be.

John 15:20

“Keep mind oʼ the word I gied ye, ‘The servant isna aboon the Maister!’ Gin they hae persecutit me, they wull eʼen persecute you; gin they mind my sayin, they wull mind yours.

John 15:21

“But aʼ sic things wull they do tʼye for sake oʼ my name, eʼen for that they ken‐na him wha sent me.

Acts 22:30

And on the morn, wantin to ken till a certaintie why he was wytit by the Jews, he lowsed him frae his bonds; and orderin aʼ the Heigh‐priests, and aʼ their Cooncil, to come thegither, he feshʼt Paul doon, and set him in their mids.

Acts 5:40

And to him they greeʼd; and, bringin forrit the Apostles, they bade them be cloured, and chairged them no to be speakinʼ iʼ the name oʼ Jesus; and loot them gang.

Acts 8:3

But as for Saul, he made waste oʼ the kirk, gangin intil aʼ hooses, and harlin aff men and weemen to prison.

Acts 9:4

And, faʼin to the yirth, he heard a voice sayin to him, “Saul! Saul! why are ye pursuin me?”

1 Peter 2:13

Obey‐ye aʼ human ordinances, for the Lordʼs sake; gin it be to a Sovereign, as ower aʼ,

Revelation 2:10

“Be‐na‐fleyʼt as to whatna things ye are to dree. And look! the Enemy is aboot to cast some oʼ ye intil thrall, that ye may be testit; and yeʼse hae dool ten days. Be ye leal to death, and I wull gie ye the croon oʼ Life!