Luke 20:6 - New Testament in Braid Scots 1904 (William Wye Smith)

⁶ “And gin aiblins we soud say, ‘Frae men,’ the folk ane‐an‐aʼ wull stane us to deid; for they are aʼ perswadit that John was a Prophet.”

Luke 20:6 Iomraidhean Croise

Matthew 11:9

“But what gaed ye oot for to see? A prophet? Aye! say I tʼye; mair nor a prophet!

Matthew 14:5

And whan he wad hae putten him to deid, he was fleyʼt oʼ the people, for they reckonʼd him a Prophet.

Matthew 21:26

“But gin we say, ‘Frae men,’ we are fleyʼt oʼ the people; for they aʼ haud John as a Prophet.”

Matthew 21:46

But whan they socht to grip him, they fearʼt the crood; for they did haud him as a Prophet.

Matthew 26:5

“But,” quoʼ they, “no at the Feast‐time; or thar wad be a stramash amang the people.”

Mark 12:12

And they ettled to lay haud oʼ him; but they war fleyʼt oʼ aʼ the folk; for they saw he had spoken this parable anent them: and leavin him, they gaʼed aff.

Luke 1:76

“And ye, bairn, sal be caʼd the Prophet oʼ the Maist Heigh; for ye sal gang on afore him, to mak ready his gangins;

Luke 20:5

But they coonsellʼt thegither by their sels, and said, “Gin we sal say ‘Frae Heeven,’ he wull answer, ‘Why believed‐ye‐na in him?’

Luke 20:7

And they answerʼt that they coudna tell whence he was.

Luke 7:30

But the Pharisees and the Writers pat aside the coonsel oʼ God again their sels, no bein bapteezʼt oʼ him.

John 10:41

And mony folk cam till him; and quoʼ they, “John schawed nae ferlies; but aʼ things that John spak aboot this man war true!”

Acts 5:26

Than gaed the Captain, wiʼ the officers, and feshʼt them wiʼ aʼ courtesie — for they war fleyʼd oʼ the folk, least they micht hae been staned.