Luke 20:16 - New Testament in Braid Scots 1904 (William Wye Smith)

¹⁶ “He wull come, and mak an end oʼ thae gairdeners; and wull gie the vine‐yaird to ithers!” But whan they heard it, they cryʼt, “Lat it no sae be!”

Luke 20:16 Iomraidhean Croise

Matthew 21:34

“And whan the time oʼ frutinʼ drew nar, he sent his servants to the crofters to receive his frutes.

Matthew 21:41

They say to him, “Unco destruction sal he bring on thae wicked men; and wull lat oot the vine‐yaird to ither crofters, wha wull render him the frutes iʼ their seasons!”

Matthew 22:7

“And the King was sair angerʼt; and he sent oot his airmies and destroyed thae men‐slayers, and brunt their toon.

Mark 12:9

“And noo, what sal the laird oʼ the vine‐yaird do? He wull come, and destroy the crofters, and gie the vine‐yaird ower to ithers.

Luke 19:27

“ ‘But they, my faes, wha wadna hae me to be made King ower them, fesh ye here, and slay them afore me!’ ”

Luke 20:15

“And, castin him oot oʼ the vine‐yaird, they slew him! And what, noo, sal the laird oʼ the vine‐yaird do to them?

Acts 13:46

And Paul and Barnabas, wiʼ great freedom oʼ speech, said, “It was necessar that the word oʼ God soud first be spoken to you: seein ye hae cuisten it frae ye, and adjudge yersels no wordie oʼ eternal life — than, turn we to the Gentiles!

Romans 11:1

I speir than, Has God cuisʼen awa his folk? Far frae it! I mysel am an Israʼlite, oʼ Abraʼmʼs seed, oʼ Benjaminʼs tribe.

Romans 11:11

But I say, Stumblʼt they to the end they micht faʼ? Far frae it! But throwe the ill‐daen oʼ them, salvation cam to the nations, to steer them up to be jealous.

Romans 3:31

Are we, than, makin the Law naething? No sae! On the contrar, we are makin siccar the Law.

Romans 3:4

Never! But lat God be true and ilka man a leear; eʼen as it is putten doon, “To the end thy words soud be uphauden, and thou soud prevail whan thou contends.”

Romans 3:6

Far frae it! Or hoo soud God judge the warld?

Romans 6:15

And what than? Are we to sin, for that we are‐na aneath the Law, but aneath Free‐Favor? Far frae that!

Romans 6:2

Awa wiʼ it! Hoo sal we, wha deeʼt to sin, be leevin ony langʼr inʼt?

Romans 7:13

Weel, than, did the gude become death to me? Far frae it! On the ither haun, it was sin, that it soud kythe as sin throwe that whilk was gude, workin oot death in me; that by the commandment, sin soud be seen to be unco sinfuʼ.

Romans 7:7

What, than, are we to say? that the Law is sinfuʼ? Far frae it! On the contrar, I had neʼer taen tent oʼ sin, gin it warna by the Law. For I hadna ony thocht oʼ covetin, gin the Law hadna said, “Ye sanna covet!”

Romans 9:14

What, than, sal we say? Is ony wrang‐doin wiʼ God? Far frae it!

1 Corinthians 6:15

Ken‐ye‐na that aʼ yere pairts are pairts oʼ Christ? Takin than the pairts oʼ Christ, sal I mak them the pairts oʼ a harlot?

Galatians 2:17

“Gin, hoobeit, thoʼ seekin for justification in Christ, eʼen we oorsels are fund sinners, is Christ than a bringer‐in oʼ sin? Far frae it!

Galatians 3:21

Was the Law, than, contrar to the promises oʼ God? Far frae it! for gin a law war gien that had pooer to gie life, truly, than, by Law soud hae been richtousness.

Galatians 6:14

But wiʼ me, lat it be far frae boastin, gin it be‐na in the cross oʼ oor Lord Jesus Christ, throwe wham the warld to me is crucifyʼt, and I to the warld.