Luke 2:10 - New Testament in Braid Scots 1904 (William Wye Smith)

¹⁰ And the Angel said, “Be‐na gliffʼd; for I bring ye gude tidins oʼ muckle joy to the hail warld!

Luke 2:10 Iomraidhean Croise

Matthew 14:27

And at ance Jesus spak to them, “Be oʼ gude heart! It is I; fear‐na!”

Matthew 28:18

And Jesus, drawin nar, spak to them, sayin, “Thar has been gien to me aʼ pooer in Heeven, and on yirth!

Matthew 28:5

But the angel, speaking to the weemen, said, “Be‐na ye fleyʼt! For I ken ye are seekin Jesus, the crucifyʼt.

Mark 1:15

And sayin, “The waitin‐time is by‐past, and the Kingdom oʼ God has come; turn ye, and lippen the Joyfuʼ‐Message!”

Mark 16:15

And he said to them, “Gang ye to aʼ the warld, and preach the Gude‐Tidins to the hale creation!

Luke 1:13

But the Angel says to him, “Be‐na fleyt, Zachariah! for yere prayer has been heard, and yere wife Elizabeth sal bear a son tʼye, and his name yeʼse caʼ John:

Luke 1:19

And answerin, quoʼ the Angel to him, “I am Gabriel, that staun afore God! and I hae been sent te speak to ye, and to fesh ye thir gude tidins.

Luke 1:30

And the Angel said, “Fear‐na, Mary! for ye hae gotten favor wiʼ God!

Luke 2:11

“For thar is born tʼye this day, in Dauvidʼs toun, a Saviour, wha is the Anointit Lord.

Luke 24:47

“And that repentance and the pittin awa oʼ sins soud be proclaimed in his name till aʼ nations; beginnin at Jerusalem.

Luke 8:1

And it cam aboot that in due coorse he gaed throwe aʼ cities and villages preachin, and bringin the Gude‐tidins oʼ the Kingdom oʼ God, and the Twalʼ war wiʼ him;

Acts 13:32

“And to you we are giean the Blythe‐message, as to the promise made to the faithers,

Romans 10:15

And hoo sal they publish, gin they warna sent oot? Eʼen as it is putten doon, “Hoo bonnie are the feet oʼ thae bringin us a Joyfu‐message o gude things!”

Ephesians 3:8

To me, wee‐er than the wee‐est oʼ aʼ saunts, was gien this gude‐favor, to bring to the nations the Gude‐word oʼ the uncoontit riches oʼ Christ.

Colossians 1:23

Gin at least ye bide iʼ the faith, sterk and steive, and no dung?-?awa frae the hope oʼ the Gude‐word ye heard, that was preached till aʼ the creation ʼneath the heevens; oʼ whilk I Paul becam a servitor.