Luke 18:12 - New Testament in Braid Scots 1904 (William Wye Smith)

¹² “ ‘Twice in ilka week fast I; I gie a tenth oʼ aʼ things I obteen!’

Luke 18:12 Iomraidhean Croise

Matthew 5:20

“For I say till ye, Gin yere gudeness gang‐na yont the Scribes and Pharisees, neʼer sal ye win intil the kingdom oʼ Heeven!

Matthew 6:1

“Tak tent no to do yere gude warks iʼ the sicht oʼ men, that ye may be seen by them; else hae ye tint reward frae yere Faither wha is in Heeven.

Matthew 6:16

“And again, whan ye are fastin, ye arena to be as the pretenders, wiʼ wae iʼ yere faces; for they mar their looks, that they may kythe afore men as fastin. Aye, aye! say I, they too hae their reward!

Matthew 6:5

“And whaneʼer ye pray be‐na as the pretenders; for weel they like to pray iʼ the kirks, and at the corners oʼ the braid causeys, sae as folk soud see them. Aye, aye! say I; they hae gotten their reward!

Matthew 9:14

Than the disciples oʼ John cam till him; and quoʼ they, “Hoo isʼt that we fast muckle — and the Pharisees — but yere disciples haena to fast?”

Luke 11:42

“But wae for ye, Pharisees! for ye pit mint, and rue, and ilka gairden yerb under the tithe; and gang‐by true judgment and the love oʼ God. Thir things, hoobeit, it was needfuʼ to do; no to be gaun‐by thae!

Luke 17:10

“Eʼen sae, ye too, whan ye hae dune aʼ the things commandit ye, say, ‘Unprofitable servants are we aʼ, we hae but dune what it becam oor duty to do.’ ”

Romans 3:27

Whaur comes in gloryin, than? It is putten awa! On whatna principle? Oʼ warks? Nay! But throwe the principle oʼ faith.

1 Corinthians 1:29

Sae as nae flesh soud boast in Godʼs presence.

Galatians 1:14

And was gaun on in Judaism ayont my marrows amang my ain folk, bein unco zealous for the traditions oʼ my forebears.

Ephesians 2:9

No frae warks, least ony ane soud boast;

1 Timothy 4:8

For bodily exerceeses profit but a wee; but godliness is profitable for aʼ things; haen a promise oʼ life, noo and comin.