Luke 16:25 - New Testament in Braid Scots 1904 (William Wye Smith)

²⁵ “But Abraʼm said, ‘Bairn! caʼ ye to minʼ that ye gat aʼ yere gude things iʼ yere lifetime; and Lazarus the ill things: and noo he is at rest, and ye are in sair pyne.

Luke 16:25 Iomraidhean Croise

Matthew 27:63

“Sir, we mind weel that yon deceiver said whan he was yet leevin, ‘Eftir thrie days I wull arise!’

Mark 9:45

“And gin yere fit ensnare ye, aff wiʼt! it is bonnier for ye enterin into life haltin, than wiʼ twa feet to be cuisten intil hell, intil lowe unquenchable.

Luke 16:20

“And a particular beggar‐man, caʼd Lazarus, was sutten doon by his yetts, fuʼ oʼ sairs.

Luke 16:23

“And in hell he raised his een, bein noo in torments, and sees Abraʼm far awa, and Lazarus in his bosom.

Luke 16:26

“ ‘And forby, atween us and you an unco void has been set; that thae wha wad gang ower frae here to you, canna be able; nor thae frae you to us canna come ben!’

Luke 6:24

“But wae for you, ye rich anes! for ye are noo haein yere consolation.

John 16:33

“But thir things hae I said tʼye, that ye micht hae peace. Iʼ the warld ye hae dool and sorrow eneuch; but blythely haud yersels; I hae grippit the warld, and putten it doon.”

Acts 14:22

Makin steive the sauls oʼ the disciples, entreatin them to bide iʼ the faith; sayin, “Throwe a hantle oʼ afflictions maun we win to the Kingdom oʼ God.”

Romans 8:7

For what the flesh prefers is at enmity wiʼ God; seein it disna gie itsel ower to Godʼs law — nor in fact, can it sae dae.

Philippians 3:19

Whase hinner end is destruction, whase god is their wame, and whase glorie is in their shame; wha mind things oʼ the yirth.

1 Thessalonians 3:3

Sae that nae ane soud be dauntit by their afflictions; for ye ken yersels that we war appointit for the same.

Hebrews 11:25

Makin choice raither to dree wiʼ the folk oʼ God their ill‐treatment, than to be enjoyin for a wee the pleasurs oʼ sin.

1 John 2:15

Love‐ye‐na the world, nor yet the things iʼ the world; gin ony ane is lovinʼ the warld, the love oʼ the Faither isna in him.

Revelation 7:14

And quoʼ I tae him, “My lord, ye ken!” And quoʼ he tae me, “Thir are the anes that cam oot oʼ sair and unco tossins‐aboot, and hae made their cleedin white iʼ the blude oʼ the Lamb.