Luke 16:2 - New Testament in Braid Scots 1904 (William Wye Smith)

² “And haein him afore him, he said, ‘Whatna clash aboot ye is this I hear! Gie in yere reckonin as grieve; for yeʼse be grieve nae mair!’

Luke 16:2 Iomraidhean Croise

Matthew 12:36

“And I say tʼye, Ilka lowse word that men sal say, they sal gie accoont oʼt at the Day oʼ Judgment!

Matthew 20:8

“Sae whan gloamin was come, the laird oʼ the vine‐yaird says to his grieve, ‘Caʼ the workers; and gie them their fee; beginnin frae the hinmaist doon to the first.’

Luke 12:20

“But God says to him, ‘Fule! on this vera nicht yere saul are they seekin frae ye! and whatna things ye hae preparʼt, whase sal they be?’

Luke 12:42

And the Lord says, “Wha than, is the true leal steward, the canny ane, wham his maister wull set ower his hame‐servants, to gie them at due times the portion oʼ their meat?

Luke 16:1

And he was sayin till his ain disciples, “A rich man thar was, wha had a grieve; and he was wytit wiʼ wastin his haddin.

Luke 16:3

“But the grieve said till his sel, ‘My lord taks awa my office frae me: what sal I do? I am‐na fit to delve; I wad be shamʼd to beg!

Romans 14:12

And sae ilka ane oʼ us sal for himsel gie an account to God.

1 Corinthians 1:11

For it has been signifyʼt to me, anent ye, my brethren, by thae oʼ Chloe, that strifes are amang ye.

1 Corinthians 4:2

And here, too, it is necessar that awmoners be fund honest.

1 Corinthians 4:5

And sae, judge nocht ower?-?sune, till the time the Lord comes, wha wull baith mak plain the hidlin things oʼ the mirkness, and wull schaw the thochts oʼ the hearts: and than, ilk aneʼs commendin sal come frae God.

2 Corinthians 5:10

For we maun aʼ be made seen at the bar oʼ Christ, that ilk ane may hae conform to the things dune iʼ the body, eʼen as he has dune, be they gude or ill.

1 Timothy 4:14

Neglect‐na the gift in ye, that was gien ye throwe prophecie, wiʼ the layin‐on oʼ hauns oʼ the Eldership.

1 Timothy 5:24

Some menʼs sins are openly seen, gaun on till judgment; and wiʼ some, they follow eftir:

1 Peter 4:10

Ilk ane, eʼen as he has had gien to him a free gift, sharin it wiʼ ithers, as leal stewards oʼ Godʼs mony‐fauld favors:—

1 Peter 4:5

Wha sal gie up an accoont to him wha is haudin himsel ready to judge leevin and deid.

Revelation 20:12

And I saw the deid, the great and the smaʼ, staun afore the Thron, and buiks war unsealʼt; and anither buik was unsealʼt, whilk is the Buik‐oʼ‐Life; and the deid war judged oot oʼ the things that war putten‐doon iʼ the buiks, conform to their warks.