Luke 14:21 - New Testament in Braid Scots 1904 (William Wye Smith)

²¹ “Sae, returnin, the gillie tellʼt to his lord thir things. Than, bein vexed, the gudeman said to his gillie, ‘Haste ye oot intil the throwe‐gangs and closes oʼ the citie, and bring in the gangrels, and the silly, the blinʼ and the lameters!’

Luke 14:21 Iomraidhean Croise

Matthew 11:28

“Come ye to me, aʼ ye wha toil and moil wiʼ heavy burdens, and I wull gie you rest!

Matthew 11:5

“The blinʼ are gettin their sicht, the lameters walk aboot, the lepers are made clean, the deif are hearin, the deid are raised up, the puir and destitute hae the Blythe‐message proclaimʼt till them!

Matthew 15:12

Than cam his disciples, and quoʼ they, “Kennʼst thou the Pharisees war ill‐pleased, whan they heard yon sayin?”

Matthew 18:31

“Sae whan his fellow‐servants saw what was dune, they war unco wae, and cam and tellʼt their maister aʼ that was dune.

Matthew 20:7

“They say, ‘For that nae man feeʼd us!’ He says to them, ‘Gang ye as weel intil the vine‐yaird; and whateʼer is richt, that sal ye hae!’

Luke 14:13

“But whan ye mak an enterteenment, bring in the destitute, the silly anes, the lameters, and the blinʼ.

Luke 14:20

“And anither said, ‘I hae mairryʼt a wife, and sae I canna come.’

Luke 14:22

“And the gillie said, ‘My lord! it has aʼ been dune as ye orderʼt; and still there is room!’

Luke 14:24

“ ‘For I say tʼye, No ane oʼ thae men wha had a bode sal pree my supper!’ ”

Luke 24:47

“And that repentance and the pittin awa oʼ sins soud be proclaimed in his name till aʼ nations; beginnin at Jerusalem.

Luke 9:10

And the Apostles, returnin, tellʼt him aʼ things they had dune. And he took them aside, and gaed awaʼ, unkent, to a city caʼed Bethsaida.

John 9:39

And quoʼ Jesus, “For judgment cam I tae this warld; that the blinʼ may see, and the seein be made blinʼ.”

Hebrews 13:17

Obey them that hae the airtin oʼ ye, and gie‐in to them; for they are takin tent for yere sauls, as haein an accoont to gie; that they may do siclike wiʼ joy, and no wiʼ dool; for that war nae profit for you!

Hebrews 2:3

Hoo sal we ʼscape, gif we gie the gang‐by to sae great a salvation; whilk in truth, begude to be spoken throwe the Lord by they wha heard, and to us was made siccar:

James 2:5

Hearken, my beloved brethren! Hasna God taen the puir oʼ the warld to be rich in faith, and to hae the kingdom he has promised to thae that loʼe him?

Revelation 19:15

And oot oʼ his mooth gangs a shairp twa‐moothʼt sword, that sae he may smite the nations; and he wull shepherd them wiʼ a sceptre oʼ airn, while he tramps the press oʼ the wine oʼ the wrath oʼ God the Almichty.

Revelation 22:17

“And the Spirit and the Bride say, ‘Come ye!’ And he wha hears, lat him say, ‘Come ye!’ And he that is drouthie, lat him be comin! He that wull, lat him hae the Watir oʼ Life freely!