47 “And the servant wha cam to ken his lordʼs wull, and naither gat his sel ready, nor wrocht oot his wull, sal be sair cloured.
And Peter spak: “Lord div ye speak this parable to us, or to aʼ the folk?”
“The lord oʼ that servant wull come hame in a day he looks‐na for him, and in an ʼoor when he isna takin tent; and wull cut him sindry, and wull gie him his pairt wiʼ the fause anes!
“Wha winna hear me, and winna hae my words, has ane to judge him: the word I hae gien oot, that sal condemn him iʼ the Last Day.
Jesus answerʼt, “Ye coud hae nae pooer ava again me, gin it warna gien ye frae Aboon: sae he wha deliverʼt me to ye has the chief sin.”
Jesus says to them, “Gin ye war blinʼ, the sin wadna be on ye; but noo ye say, ‘We see!’ yere sin is whaur it was!”
“The times oʼ ignorance God heedit‐na; noo, he chairges aʼ men, in aʼ places, to repent:
To ane, than, wha kens hoo to do a gude thing, and dis‐it‐na, it is a sin to him!