Luke 12:4 - New Testament in Braid Scots 1904 (William Wye Smith)

⁴ “But I say tʼye, my freends, be na fleyʼt oʼ them wha kill the body, and eftirhaun can dae nae unco thing.

Luke 12:4 Iomraidhean Croise

Matthew 10:28

“And dreid‐na them wha slay the body, but canna slay the saul! but raither dreid ye him wha is able to wreck saul and body in hell!

John 15:13

“Nae man has evir mair love than this — to lay doon his life for his freends.

Acts 20:24

“Yet, on nae accoont, dae I haud my life loʼesome to mysel, gin sae I may end weel my coorse, and the darg gien me by the Lord Jesus; to testify to the Blythe‐message oʼ Godʼs favor!

Acts 4:13

Noo, whan they saw the boldness oʼ Peter and John, and deteckit that they wantit lear, and war common folk, they ferlied at them; and they took tent that they had been wiʼ Jesus.

Philippians 1:28

And no bein fleyʼt in ony thing by thae opposin their sels: whilk, in truth, is for them a token oʼ destruction, but oʼ yere salvation; and this frae God.

James 2:23

And the Scriptur was fulfilled whilk said, “And Abraʼm believed God; and it was reckoned till him as richtousness,” and “Freend oʼ God” was his name.

1 Peter 3:14

But gin eʼen ye soud dree ill for that whilk is gude, happy are ye! “But their dreid, dreid ye‐na! nor be ye put‐tillʼt;

Revelation 2:10

“Be‐na‐fleyʼt as to whatna things ye are to dree. And look! the Enemy is aboot to cast some oʼ ye intil thrall, that ye may be testit; and yeʼse hae dool ten days. Be ye leal to death, and I wull gie ye the croon oʼ Life!