Luke 12:32 - New Testament in Braid Scots 1904 (William Wye Smith)

³² “Be‐na fearʼt, ye wee hirsel, mickle lovʼd! for weel‐pleased was yere Faither to gift ye the Kingdom.

Luke 12:32 Iomraidhean Croise

Matthew 14:27

And at ance Jesus spak to them, “Be oʼ gude heart! It is I; fear‐na!”

Matthew 20:16

“Sae the hinmaist sal be first, and the first hinmaist. For mony are bidden, but no aʼ acceptit.”

Matthew 25:34

“Then wull the King say to them on his richt haun, ‘Come ye, aʼ blessed oʼ my Faither! Inherit the Kingdom made ready for ye frae the up‐biggin oʼ the warld!

Matthew 7:15

“Tak ye tent oʼ fause‐prophets, whilk come tʼye in sheepʼs‐cleedin, but iʼ the hinner‐end are devoorin wolves!

Luke 10:21

In that vera ʼoor joyʼd he iʼ the Holie Spirit, and said, “I own to thee, Lord oʼ Heeven and Yirth, that thou did hide thir things frae the wyss and the discernin, and did mak them plain to the bairn‐like! Eʼen sae, my Faither! for sae it was weel iʼ thy sicht!

John 18:36

Jesus answerʼt, “My Kingdom isna oʼ this warld: gin my Kingdom was oʼ this warld, my servants wad fecht, that I soudna be gien up to the Jews: but noo is my Kingdom no frae here?”

Acts 20:28

“Tak tent, than, to yersels, and to aʼ the hirsel, in whilk the Holie Spirit has set ye for bishops; to shepherd the Kirk oʼ the Lord, whilk he coft for his sel wiʼ his ain blude.

Acts 20:29

“I ken, that whan I am gane, unco wolves sal come intil yere mids, devoorin the flock.

Romans 6:23

For the fee oʼ sin is death; but Godʼs gree is Eternal Life, in Jesus Christ, oor Lord!

1 Corinthians 1:21

For, seein that iʼ the wisdom oʼ the warld, the warld kent‐na God throwe its wisdom, it was Godʼs gude pleasur, throwe the witlessness oʼ preachin, to save them that hae faith.

Philippians 2:13

For God it is wha is workin in ye, baith the ettlin and the inward doin conform to his gude pleasur.

2 Thessalonians 1:11

To whilk end we are eʼen prayin at aʼ times anent you, that oor God may reckon ye wordie oʼ yere joyfuʼ‐biddin, and fill up aʼ the pleasur oʼ his gudeness, and wark oʼ faith in pooer;

2 Thessalonians 1:5

A token oʼ the just judgment oʼ God; to the end that ye soud be reckoned wordie oʼ Godʼs kingdom, on behauf oʼ whilk ye suffer.

Hebrews 12:28

And sae, seein we are to hae a kingdom that canna be shucken, lat us hae lovin‐favor, that we may render service weel‐pleasin until God, wiʼ reverence and godly fear.

James 2:5

Hearken, my beloved brethren! Hasna God taen the puir oʼ the warld to be rich in faith, and to hae the kingdom he has promised to thae that loʼe him?

2 Peter 1:11

For sae sal unco richly be supplyʼt tʼye a graun enterin‐in to the evir‐bidin kingdom oʼ oor Lord and Saviour Jesus Christ.

Revelation 1:6

And made oʼ us a kingdom! priests to his God and Faither; to him be glorie and dominion for evir and aye. Amen!

Revelation 22:5

And nae nicht sal faʼ mair; and they need nae licht oʼ lamp nor shine oʼ sun; for the Lord God wull shed licht upon them; and they sal reign for evir and aye.