Luke 12:15 - New Testament in Braid Scots 1904 (William Wye Smith)

¹⁵ And he said to them aʼ, “Tak tent, and keep yersels frae being sellie; for a manʼs life disna bide in his haddin or his gear.”

Luke 12:15 Iomraidhean Croise

Mark 7:22

“Adulteries, covetins, knaveries, deceit, wantonness, envy, evil?-?speakin, loftiness, foolishness;

Luke 12:16

And he spak a parable to them, sayin, “A particular rich manʼs grunʼ bure unco weel.

Luke 16:14

Noo the Pharisees, wha war lovers oʼ gear, hearin thir things, geckʼt at him.

Luke 21:34

“But tak ye tent to yere sels! that yere hearts be‐na owercome wiʼ debauch and druckenness, and fash aboot this life, and that day come on ye aʼ at ance, as a snare.

Luke 8:14

“And thir that fell amang the thorns, are they that hear; and as they gang on their way, are smoorʼd wiʼ cark and care, and the gear and the joys oʼ this life, and bring nae frute to the ripenin.

1 Corinthians 6:10

Nor thieves, nor sellie, nor the drucken, nor thae that curse, nor extortioners, sal come to possess the Kingdom oʼ God.

Colossians 3:5

Slay, than, yere members, as to things on the yirth: lachery, impurity, passion, base desires, and greed, whilk is eidol‐servin.

2 Timothy 3:2

For men wull be lovers oʼ their sels, lovers oʼ siller, boastfuʼ, prood, miscaʼers, undutifuʼ to parents, thankless, unholie.

Hebrews 13:5

Lat yere life no be iʼ the way oʼ loeʼin siller; bein content wiʼ what ye hae; for he has said, “In naegate wull I leaʼ ye! Na, in naegate wull I forsake ye!”

2 Peter 2:14

Eʼen takin‐up wi an adulteress, and that winna cease frae sin; wheedlin sauls that are waff; wiʼ a heart schuled by greed; bairns that are accurst;

2 Peter 2:3

And in their menseless greed, wiʼ twafauld words, wull they mak trokin‐ware oʼ ye: whase condemnation oʼ auld days isna gane‐by, and their destruction sleeps‐na.