Luke 11:19 - New Testament in Braid Scots 1904 (William Wye Smith)

¹⁹ “But gif I, in Beelzebul, am castin oot the demons, in wham are yere ain sons castin them oot? Sae sal they be yere doomsters.

Luke 11:19 Iomraidhean Croise

Matthew 10:25

“Eneuch that the learner sud fare as dis the teacher, and the servant like his maister. Gin they caʼ the maister oʼ the hoose Beelzebul, hoo muckle mair them oʼ his househauld?

Matthew 4:24

And the sough oʼ him gaed oot intil aʼ Syria: and they feshʼt till him aʼ wha war ill wiʼ aʼ diseases and pains, and thae possessʼt wiʼ demons, and dementit, and that had a stroke: and he healed them.

Luke 19:22

“He says to him, ‘Oot oʼ yere ain mouʼ wull I judge ye; ill servant! Ye ken I was an exactin man, takin‐up whaur I pat‐na‐doon, and shearin whaur I didna saw! —

Luke 9:49

And John spak up, “Maister! we saw ane by wham demons were cuisten oot iʼ thy name. And we challenged him, for he was‐na followin wiʼ us?”

Acts 19:13

But particular anes oʼ the gangrel Jews, exorcists, took on them to caʼ ower thae haeinʼ foul spirits, the name oʼ the Lord Jesus, sayin, “I depone tʼye by Jesus, preached oʼ Paul!”

Romans 3:19

Noo we ken that whatsoeʼer the Law says, it says it to thae that are aneath the Law; sae that ilka mouʼ may be stoppit, and the hail warld may come aneath the judgments oʼ God.