Luke 10:42 - New Testament in Braid Scots 1904 (William Wye Smith)

⁴² “But thar is ae thing aye needit; and Mary waled oot the gude pairt, and it isna to be taen awa frae her!”

Luke 10:42 Iomraidhean Croise

Mark 8:36

“For what sal a man be betterʼt, gin he win the hail warld, and tine his ain saul?

Luke 10:39

And she had a sister caʼd Mary, wha was aye sittin nar‐by the feet oʼ Jesus, hearin his words.

Luke 11:1

And it cam aboot, whan he was in a particular place, prayin, as he endit ane oʼ his disciples said to him, “Lord! tell us hoo to pray; eʼen as John tellʼt his disciples!”

Luke 12:20

“But God says to him, ‘Fule! on this vera nicht yere saul are they seekin frae ye! and whatna things ye hae preparʼt, whase sal they be?’

Luke 12:33

“Sell yere plenishin, and gie awmons: mak to ye wallets that dinna wax auld; gear nevir‐failin aboon! whaur nae reiver comes nar, nor moth dis destroy!

Luke 16:2

“And haein him afore him, he said, ‘Whatna clash aboot ye is this I hear! Gie in yere reckonin as grieve; for yeʼse be grieve nae mair!’

Luke 16:25

“But Abraʼm said, ‘Bairn! caʼ ye to minʼ that ye gat aʼ yere gude things iʼ yere lifetime; and Lazarus the ill things: and noo he is at rest, and ye are in sair pyne.

Luke 18:22

And, listenin to him, Jesus said, “Ae thing, yet, dae ye want! Sell ye aʼ things that ye hae, and divide wiʼ the needy, and yeʼse hae gude gear in Heeven! And come! follow ye me!”

Luke 8:18

“Tak tent, than, hoo ye hear! for to wha has sal rowth be giʼen; and wha has‐na, frae him sal be taʼen awa eʼen what he seems to hae!”

John 11:1

Noo, a particular ane was ill; Lazarus, oʼ Bethanie; Maryʼs toon, and her sister Marthaʼs toon.

John 11:19

And mony folk oʼ the Jews had come oot to Martha and Mary to console them ower their brither.

John 12:3

Than Mary took a pund oʼ ointment, the raal nard, unco precious, and anointit Jesusʼ feet; and dichtit his feet wiʼ her hair; and the hail hoose was fuʼ oʼ the perfume oʼ the ointment.

John 17:3

“And here is Life‐for‐Aye, that they soud ken thee, wha art the true God aboon, and Jesus the Christ, sent by thee.

John 4:14

“But wha drinks oʼ the watir I gie him, sal be drouthie nevirmair; for the watir I gie him sal be in him an unseen waal, springin up intil Life Eternal!”

John 5:24

“Truly, truly say I tʼye, The man wha hears my word, and lippens on him wha sent me, has Life for Aye, and comes‐na intil condemnation; but he is come oot oʼ death intil Life.

John 6:27

“Seek‐na for perishin meat, but for that meat that bides until Eternal Life, whilk the Son oʼ Man sal gie ye: for him has the Faither, eʼen God, sealed.”

1 Corinthians 13:3

And gin I morsel‐oot aʼ I hae intil hungʼry monʼs, and gie up my body to the lowin fire, and hae‐na love, I am nane the better!

Galatians 5:6

For in Christ Jesus, naither circumceesion coonts for ocht, nor uncircumceesion; but faith, wrocht inwardly by love.