Luke 1:32 - New Testament in Braid Scots 1904 (William Wye Smith)

³² “He sal be great, anʼ sal be caʼd ‘The Son oʼ the Maist Heigh;’ and the Lord sal gie to him the thron oʼ his faither Dauvid.

Luke 1:32 Iomraidhean Croise

Matthew 1:1

The buik oʼ the generation oʼ Jesus the Christ, Dauvidʼs son, the son oʼ Abʼram.

Matthew 12:42

“The Queen oʼ the Sooth‐land sal rise up iʼ the Judgment wiʼ this race, and condemn it; for she airtit hersel frae the ends oʼ the yirth to hear Solomonʼs wisdom; and tent ye? Ane greater than Solomon is here!

Matthew 28:18

And Jesus, drawin nar, spak to them, sayin, “Thar has been gien to me aʼ pooer in Heeven, and on yirth!

Matthew 3:11

“I, indeed, div in watir bapteeze ye intil repentance; but he wha follows me is sterker nor mysel; whase shoon Iʼse no fit to cairry; he sal bapteeze ye wiʼ Holie Spirit, and flaughts oʼ fire.

Mark 14:61

But he stude quate, and said nocht. Again the Heigh‐priest speirʼt at him, “Are ye the Anointit, the Son oʼ the Blessed?”

Mark 5:7

And cryʼt oot wiʼ a lood voice, “What is thar atween thee and me, Jesus? Son oʼ God maist heigh! I adjure thee by the name oʼ God, torment‐me‐na!”

Luke 1:15

“For he sal be michty afore the Lord, and heʼse drink nae wine nor strong drink; and he sal be fuʼ oʼ the Holie Spirit, eʼen frae the womb.

Luke 1:35

And the Angel answerin, says, “The Holie Spirit sal come, and the pooer oʼ the Maist Heigh sal descend upon ye; and sae that that is to be born sal be caʼd holie, the Son oʼ God!

Luke 1:76

“And ye, bairn, sal be caʼd the Prophet oʼ the Maist Heigh; for ye sal gang on afore him, to mak ready his gangins;

Luke 3:16

John answerʼt, sayin till ane‐and‐aʼ, “I, indeed, bapteeze ye wiʼ watir; but Ane comes wha is michtier than I; the whang oʼ whase shoon I am‐na fit to lout doon and lowse. He sal bapteeze ye wiʼ Holie Spirit and wiʼ fire.

Luke 6:35

“But loʼe yeʼre enemies, and do them gude, and lend, lookin for naething back; and yere meed sal be great, and ye sal be bairns oʼ the Maist Heigh; for he is kindlie to the ungratefuʼ and the reprobate.

John 12:34

And aʼ the folk answerʼt him, “We hae heard oot oʼ the Law that the Anointit Ane bides for aye; and hoo say ye, ‘The Son oʼ Manʼs to be upliftit?’ Wha is this Son oʼ Man?”

John 6:69

“And we lippen and ken that ye are The Anointit Ane, the Son oʼ the Leevin God!”

Acts 16:17

This ane, followin Paul and us, was aye crying oot, “Thir men are servants oʼ the Maist Heigh God; wha are airtin ye iʼ the way oʼ salvation!”

Acts 2:30

“But bein a prophet, and kennin that God had sworn wiʼ an aith to him, that amang his bairns Ane soud sit on his thron;

Acts 2:36

“Noo than, lat aʼ Israelʼs hoose ken for a certaintie, that God has made him baith Maister and Anointit — this Jesus, wham ye crucifyʼt.”

Acts 7:48

“But yet the Maist High dwalls‐na in hooses made wiʼ hauns; conform to what the prophet says, —

Romans 1:4

Wha was owned to be Godʼs Son wiʼ micht, eʼen as to the Spirit oʼ Holiness, by a Risin‐frae‐the‐deid — Jesus Christ oor Lord:

Revelation 3:7

“And to the messengers oʼ the Kirk in Philadelphia write ye: Thir things says the Holie Ane, the True Ane, he that has the key oʼ Dauvid, he that opens and nane can steek, and steek and nane can open: