James 3:2 - New Testament in Braid Scots 1904 (William Wye Smith)

² For in mony‐fauld things ane‐and‐aʼ aft stoiter. Gin ony ane stoiters‐na in his words, the same is a weel‐ripened man, able to bridle the hail body.

James 3:2 Iomraidhean Croise

Matthew 12:34

“Ye spawn oʼ vipers! hoo are ye, bein ill, to speak gude things? for oʼ the overcome oʼ the heart the mouʼ wull speak.

Matthew 12:37

“For by yere words sal ye be acceptit, and by yere words sal ye be hauden guilty.”

Romans 3:10

Eʼen as it is putten doon: “Thar is nane holie; na, no ane!

Romans 7:21

And sae, I fin thar is a principle, that whan I wad dae gude, the ill lies nar me!

1 Corinthians 9:27

But I am haudin my body under, and garrin it do service; least in onywise, haein proclaimed the Joyfuʼ‐message to ithers, I mysel soud be cuisten aside!

Galatians 3:22

But the Scriptur steekit up aʼ things as aneath sin, that the promise by faith in Jesus Christ soud be gien to thae that hae faith.

Galatians 5:17

For the flesh has desires contrar to the Spirit, and the Spirit contrar to the flesh: for thir again ane anither are set; that ye may‐na do the things ye wad itherwise do!

Colossians 1:28

Wham we declare, warnin ilka man, and teachin ilka man in aʼ wisdom, that we soud present ilka man perfete in Christ.

Colossians 4:12

Epaphras salutes ye, wha is frae ʼmang ye, a servitor oʼ Jesus Christ: at aʼ times warslin in yere behauf in prayer, that ye may be made to staun complete, and wiʼ fuʼ assurance in aʼ things oʼ the wull oʼ God.

Hebrews 13:21

Mak ye perfete in ilka gude thing for the workin oʼ his wull, doin in ye that whilk is weel‐pleasin afore his face, throwe Jesus Christ: tae wham be glorie for evir and evir! Amen.

James 1:26

Gin ony ane thinks to be doin religious service, and commauns‐na his tongue, but mislippens his ain heart, this aneʼs religious service is nocht ava.

James 1:4

But let lang‐tholing hae its perfeteness, sae as ye may be perfete and complete, wanting in naething.

James 2:10

For whasae may keep the hail law, and yet stoiter in ae thing, has become guilty oʼ aʼ.

1 Peter 3:10

“For ye that wad loʼe life, and see gude days, let him gar his tongue cease frae ill, and his lips that they speak‐na guile.

1 Peter 5:10

But the God oʼ aʼ gude‐favor, wha caʼd ye to his evir‐bidin glorie, in Christ Jesus, whan ye hae tholed a wee, himsel will mak ye perfete, mak siccar, mak strang!