1 Peter 3:2 - New Testament in Braid Scots 1904 (William Wye Smith)

² As they behauld yere pure mainner oʼ life, fuʼ oʼ reverence.

1 Peter 3:2 Iomraidhean Croise

Ephesians 5:33

Nane‐the‐less be ye, ilk ane oʼ ye, sae loʼein his wife, eʼen as his ain sel; and the wife, hae reverence for her husband.

Ephesians 6:5

Ye servants, mind yere maisters iʼ the flesh, wiʼ reverence and trimlin, in aefauldness oʼ yere heart, as to Christ!

Philippians 1:27

Only, in siccan a way as is wordie oʼ the Gude‐word, airt yere lives; sae that gin I come and see ye, or gin I be frae ye, I may be hearin oʼ ye, that ye staun siccar iʼ ae spirit, wiʼ ae saul joined thegither, for the faith oʼ the Gude‐word;

Philippians 3:20

For oor citizen‐richts are in Heeven, oot oʼ whilk fain look we for a Saviour, the Lord Jesus Christ;

Colossians 3:22

Servants, be biddable in aʼ things to yere maisters iʼ the flesh; no by way oʼ ee‐service, as men?-?pleasers, but in aefauldness oʼ heart, fearin the Lord.

1 Timothy 4:12

Lat nae man lichtlie yere youth, but be ye a paittern oʼ them that believe, in word, in conducʼ in love, in lealness, in pureness.

1 Peter 1:15

But eʼen as he wha bade ye is holie, do ye yersels be holie in aʼ mainner oʼ leevin;

1 Peter 2:12

Conductin yersels wiʼ honor amang the Gentiles; sae that whan they speak again ye as ill‐doers, they may, seein yere gude warks, glorify God in the day oʼ his comin amang them.

1 Peter 3:1

In siclike mainner, ye wives, be biddable wiʼ yere ain husbands; sae that gin ony yield‐na tae the word, they may, eʼen wantin the word, be won by the gude‐leevin oʼ their wives;

1 Peter 3:3

Whase buskin let it no be aʼ ootward — the braidin oʼ hair, and wearin oʼ gowd, and dinkin‐oot in braws:

2 Peter 3:11

Seein than, that aʼ thir things are to be dissolvʼt, whatna persons soud ye aʼ the time be, in holie habits oʼ leevin, and warks oʼ godliness,