Secunnu Matteu 6:25 - Rut la Cantica di li Cantici e Matteu 1861 (volgarizzato in dialetto siciliano)

²⁵ Perciò vi dicu, nun vi curati troppu di zoccu manciati pri la vostra vita, nè di comu cuprirriti lu vostru corpu. Nun è la vita cchiù di lu cibu, e lu corpu cchiù di lu vistimentu?

Secunnu Matteu 6:25 Iomraidhean Croise

Secunnu Matteu 10:19

Quannu però vi purtirrannu, nun aviti bisognu di pinsari comu, o zoccu dirriti: mentri sapriti ntra chidda ura, zoccu aviti a diri.

Secunnu Matteu 13:22

Cui però ricivi la simenza ntra li spini, è chiddu, chi senti la palora: ma li sullicitutini di lu seculu presenti, e l’ ingannu di li ricchizzi suffucanu la palora, e si renni infruttuusa.

Secunnu Matteu 6:31

Perciò nun vi dati tantu pinseri, dicennu: Zoccu mancirremu, o zoccu vivirremu, o di chi nni vistirremu?

Secunnu Matteu 6:34

Nun vi pigghiati addunca pinseri di lu ndumani. Pirchì lu ndumani pigghirrà cura di se stissu. Basta ad ogni jornu lu so mali.