Secunnu Matteu 4:23 - Rut la Cantica di li Cantici e Matteu 1861 (volgarizzato in dialetto siciliano)

²³ E Gesù firriava tutta la Galilia, nsignannu ntra li soi sinagoghi, e pridicannu lu vancelu di lu regnu, e sanannu ogni malatia, ed ogni nfirmità ntra lu populu.

Secunnu Matteu 4:23 Iomraidhean Croise

Secunnu Matteu 11:5

L’ orvi vidinu, li ciunchi caminanu, li libbrusi sunnu munnati, li surdi sentinu, li morti risurginu, li poviri sunnu evancelizzati:

Secunnu Matteu 12:9

Ed essennusinni jutu, arrivau ntra la sinagoga d’ iddi.

Secunnu Matteu 13:19

Qualunqui, chi senti la palora di lu regnu, e nun la ntenni, veni lu malu, e rapisci chiddu, chi era statu siminatu ntra lu so cori: chistu è chiddu, chi riciviu la simenza ntra la strata.

Secunnu Matteu 13:54

E arrivannu ntra lu so paisi, li nsignava ntra li soi sinagoghi, di manerachì ristavanu ammirati, e dicevanu: D’ unni cci veni a chistu sta sapienza, e sta virtù?

Secunnu Matteu 14:14

E niscennu vitti na gran turba, e mossu a cumpassioni d’ iddi, sanau chiddi, ca eranu malati.

Secunnu Matteu 24:14

E sarrà pridicatu stu vancelu di lu regnu pri tuttu lu munnu, pri testimonianza a tutti li genti: ed allura vinirrà la fini.

Secunnu Matteu 3:2

Dicennu: Faciti pinitenza: giacchì s’ avvicina lu regnu di li celi.

Secunnu Matteu 9:35

E firriava Gesù tutti li citati, e li casteddi, nsignannu ntra li soi sinagoghi, e pridicannu lu vancelu di lu regnu, e curannu ogni infirmità, ed ogni malatia.