Secunnu Matteu 26:40 - Rut la Cantica di li Cantici e Matteu 1861 (volgarizzato in dialetto siciliano)

⁴⁰ E jiu unni li soi discipuli, e li truvau durmennu, e dici a Petru: Accussì nun putistivu vigghiari cu mia un’ ura?

Secunnu Matteu 26:40 Iomraidhean Croise

La Cantica di li Cantici 5:2

Iu dormu, e lu me cori vigila: la vuci di lu me dilettu, ca tuppulia: Aprimi, soru mia, amica mia, palumma mia, immaculata mia: giacchì la me testa è vagnata di l’ acquazzina, e li me capiddi di li stizzi di la notti.

Secunnu Matteu 25:5

E lu spusu essennu in ritardu, a tutti cci vinni lu sonnu e s’ addurmisceru.

Secunnu Matteu 26:35

Petru cci dissi: Ancurchì iu duvissi muriri cu tia, nun ti nighirrò. E lu stissu dissiru tutti li discipuli.

Secunnu Matteu 26:38

Allura cci dissi: La me anima è afflitta nsinu a la morti: ristativi ccà, e vigghiati cu mia.

Secunnu Matteu 26:41

Vigilati, e prigati, ca nun trasissivu in tentazioni. Lu spiritu veramenti è prontu, ma la carni è debuli.

Secunnu Matteu 26:43

E turnau di novu, e li truvau durmennu: giacchì l’ occhi d’ iddi eranu aggravati.