Secunnu Matteu 16:21 - Rut la Cantica di li Cantici e Matteu 1861 (volgarizzato in dialetto siciliano)

²¹ D’ allura in poi Gesù accuminzau a dichiarari a li soi discipuli, ca abbisugnava, ca iddu jissi a Gerusalemmi, e suffrissi cosi assai da li anziani, da li Scribi, e da li capi di li sacerdoti, e fussi misu a morti, e risuscitassi lu terzu jornu.

Secunnu Matteu 16:21 Iomraidhean Croise

Secunnu Matteu 12:40

Giacchì comu Giona stetti ntra la ventri di la balena pri tri jorna, e tri notti, accussì lu Figghiu di l’ omu starrà ntra li visciri di la terra pri tri jorna, e pri tri notti.

Secunnu Matteu 16:22

E Petru pigghiannulu di parti, accuminzau a riprennirlu dicennu: Sforasia, Signuri, chi mai t’ abbegna chistu.

Secunnu Matteu 16:28

Vi dicu in virità, ca cci sunnu di chiddi, ca sù ccà presenti, ca nun pruvirrannu la morti, prima chi vidissiru lu Figghiu di l’ omu arrivari ntra lu so regnu.

Secunnu Matteu 17:12

Però iu vi dicu, ca Elia è già vinutu, e nun l’ hannu ricanusciutu, ma nn’ hanuu fattu tuttu chiddu, chi nn’ hannu vulutu. E di la stissa manera sarrà trattatu da iddi lu Figghiu di l’ omu.

Secunnu Matteu 17:9

E scinnennu iddi da lu munti, Gesù li cumannau, dicennu: Nun dirriti a nuddu sta visioni, prima ca lu Figghiu di l’ omu sia risuscitatu da li morti.

Secunnu Matteu 20:28

Siccomu lu Figghiu di l’ omu nun vinni pri essiri sirvutu, ma pri serviri, e dari la so vita, pri riscattu di tanti.

Secunnu Matteu 26:2

Sapiti, ca doppu dui jorna è Pasqua, e ca lu Figghiu di l’ omu sarrà cunsignatu pri essiri crucifissu.

Secunnu Matteu 26:47

Mentri stava parrannu, eccu Giuda unu de li dudici, e cu iddu una gran turba cu spati e vastuni mannati da li capi di li sacerdoti, e da l’ anziani di lu populu.

Secunnu Matteu 27:12

Ed essennu accusatu da li capi di li sacerdoti, e da l’ anziani, nun rispusi nenti.

Secunnu Matteu 27:63

E dissiru: Signuri, nn’ avemu arrigurdatu, ca ddu sedutturi dissi, mentri era vivu: Doppu tri jorna risuscitirrò.

Secunnu Matteu 28:6

Nun è ccà: pirchì arrisuscitau, comu dissi. Viniti a vidiri lu locu, unni era misu lu Signuri.