Secunnu Matteu 15:31 - Rut la Cantica di li Cantici e Matteu 1861 (volgarizzato in dialetto siciliano)

³¹ Di manerachì li turbi ristavanu ammirati vidennu li muti, chi parravanu, li ciunchi, chi caminavanu, l’ orvi, chi videvanu: e nni davanu gloria a lu Diu d’ Isdraeli.

Secunnu Matteu 15:31 Iomraidhean Croise

Secunnu Matteu 15:30

E cci ncugnau na gran turba, chi carriava cu idda muti, orvi, ciunchi, infirmi, e tanti autri: e li jittaru a li soi pedi, e li sanau:

Secunnu Matteu 18:8

Si però la to manu, o lu to pedi ti dunanu scannalu: tagghialu, e jettalu luntanu di tia: è megghiu pri tia trasiri ntra la vita c’ un pedi, o cu na manu di menu, ca aviri dui manu, o dui pedi, ed essiri jittatu ntra lu focu eternu.

Secunnu Matteu 21:14

E si cci accustaru ntra lu tempiu orvi, e ciunchi: e li sanau.

Secunnu Matteu 8:10

E Gesù avennulu ntisu, si maravigghiau, e dissi a chiddi, chi lu siquitavanu: Vi dicu in virità, tanta fidi nun l’ aju truvatu in Isdraeli.

Secunnu Matteu 9:32

E comu chisti nisceru, eccu cci fu presentatu un mutu, ca era spirdatu.

Secunnu Matteu 9:33

E scacciatu lu diavulu, lu mutu parrau, e li turbi si maravigghiaru, dicennu: Mai si vitti na cosa simili in Isdraeli.

Secunnu Matteu 9:8

Li turbi poi vidennu chistu appiru timuri, e glorificaru a Diu, ca avia datu sta potestà a l’ omini.