Secunnu Matteu 13:44 - Rut la Cantica di li Cantici e Matteu 1861 (volgarizzato in dialetto siciliano)

⁴⁴ Lu regnu di li celi è comu un tesoru ammucciatu ntra un tirrenu: ca comu un omu lu trova, l’ ammuccia, e tuttu allegru si nni va, e vinni tuttu chiddu, chi avi, e s’ accatta ddu tirrenu.

Secunnu Matteu 13:44 Iomraidhean Croise

Secunnu Matteu 13:24

Nautra parabula cci proposi, dicennu: Lu regnu di li celi è simili ad un omu, chi siminau simenza bona ntra lu so campu.

Secunnu Matteu 13:46

Lu quali truvata na perna prizziusa si nni va, e si vinni tuttu chiddu, chi avi, e si l’ accatta.

Secunnu Matteu 13:47

E ancora lu regnu di li celi è comu na riti jittata ntra lu mari, ca pigghia ogni sorti di pisci.

Secunnu Matteu 19:21

Gesù cci dissi: Si voi essiri perfettu, va, vinniti chiddu, chi hai, e dunalu a li poviri, ed avirrai un tesoru ’n celu: e veni appressu a mia.

Secunnu Matteu 19:27

Allura Petru rispunnennu, dissi: Eccu ca nui avemu lassatu tuttu, e semu vinuti appressu a tia: chi sarrà dunca di nui?

Secunnu Matteu 19:29

Ed ognunu, chi avrà abbannunata la casa, o li frati, o li soru, o lu patri, o la matri, o la mugghieri, o li figghi, o li tirreni pri amuri di lu nomu miu, ricivirrà centu pri unu, e possedirrà la vita eterna.

Secunnu Matteu 6:21

Pirchì unni è lu to tesoru, ddà puru è lu to cori.