Secunnu Matteu 13:40 - Rut la Cantica di li Cantici e Matteu 1861 (volgarizzato in dialetto siciliano)

⁴⁰ Comu addunca s’ arricogghi la zizzania, e s’ abbrucia ntra lu focu: accussì succidirrà a la cunsumazioni di li seculi.

Secunnu Matteu 13:40 Iomraidhean Croise

Secunnu Matteu 12:32

E a cui parrirrà contra lu Figghiu di l’ omu, sarrà pirdunatu: cui però parrirrà contra lu Spiritu santu, nun sarrà pirdunatu nè ntra stu seculu, nè ntra lu futuru.

Secunnu Matteu 13:22

Cui però ricivi la simenza ntra li spini, è chiddu, chi senti la palora: ma li sullicitutini di lu seculu presenti, e l’ ingannu di li ricchizzi suffucanu la palora, e si renni infruttuusa.

Secunnu Matteu 13:39

Lu nnimicu poi, ca la siminau, è lu dimoniu. La messi però, è la fini di lu munnu: li mitituri poi, sunnu l’ ancili.

Secunnu Matteu 13:49

Accussì sarrà ntra la cunsumazioni di li seculi: vinirrannu l’ ancili, e spartirrannu li mali di menzu a li boni,

Secunnu Matteu 24:3

E mentri iddu sideva supra lu munti di l’ Olivitu, si cci accustaru segretamenti li discipuli, e cci dissiru: Dinni, quannu succidirrannu sti cosi? e quali sarrà lu signu di la to vinuta, e di la fini di li seculi?

Secunnu Matteu 28:20

Nsignannucci ad osservari tuttu chiddu, chi v’ aju ordinatu: ed eccu ca sugnu cu vuautri tutti li jorna, sinu a la cunsumazioni di li seculi.