Secunnu Matteu 10:41 - Rut la Cantica di li Cantici e Matteu 1861 (volgarizzato in dialetto siciliano)

⁴¹ Cui ricivi un profeta comu profeta, ricivirrà lu premiu di profeta: e cui ricivi un giustu comu giustu, ricivirrà lu premiu di giustu.

Secunnu Matteu 10:41 Iomraidhean Croise

Secunnu Matteu 16:27

Giacchì lu Figghiu di l’ omu vinirrà ntra la gloria di lu Patri so cu li soi ancili: ed allura ricompensirrà ad ognunu secunnu li soi azioni.

Secunnu Matteu 25:44

Allura rispunnirrannu puru chisti, dicennu: Signuri, quannu mai ti vittimu affamatu, o assitatu, o furasteri, o nudu, o malatu, o carzaratu, e non t’ avemu ajutatu?

Secunnu Matteu 25:45

Allura cci rispunnirrà, dicennu: In virità vi dicu: Ogni vota, ca nun l’ aviti fattu ad unu di li cchiù minimi di chisti, mancu l’ aviti fattu a mia.

Secunnu Matteu 6:1

Guardativi di fari la vostra giustizia in presenza di l’ omini, pri essiri da iddi taliati: vasinnò nun n’ avirriti premiu pressu vostru Patri, ca è ntra li celi.

Secunnu Matteu 6:18

Acciocchì tu nun lu facissi vidiri a l’ omini, ca fai lu dijunu, ma a to Patri, chi è nascostu: e to Patri, chi è nascostu, ti darrà lu to premiu.

Secunnu Matteu 6:4

Acciocchì la tua limosina sia ammucciuni, e lu to Patri, chi vidi in segretu, ti lu ricompensirrà.

Secunnu Matteu 6:6

Tu però, quannu fai orazioni, trasi ntra la to cammara, e chiusa la porta, prega a to Patri ammucciuni: e to Patri, ca vidi in segretu, ti lu ricompensirrà.

Secunnu Matteu 7:8

Giacchì qualunqui dumanna, ricivi: cu’ cerca, trova: e sarrà apertu a cui tuppulia.