Romiko lạgitʼ Pạul Apostolakʼ ciṭhi 6:3 - Santali Common Language New Testament

³ Noa katha do cetʼ bape baḍaea je, abo okoe Mạsi Jisure bon bạptis akan, abo do uniakʼ gujukʼre seletʼkatege bon onka akada mente?

সান্তালী বাইবেল

³ Noa katha do cetʼ bape baḍaea je, abo okoe do Mạsi Jisure bon bạptis akan, abo do uniyakʼ gujukʼre seletʼkatege bon onka akada mente?

Romiko lạgitʼ Pạul Apostolakʼ ciṭhi 6:3 Iomraidhean Croise

Galathiko lạgitʼ Pạul Apostolakʼ ciṭhi 3:27

Ente tinạkʼ hoṛ Mạsirepe bạptis akan, ape do kicricʼ leka Mạsipe horokʼ akawana.

Romiko lạgitʼ Pạul Apostolakʼ ciṭhi 6:8

Abo do tinre Mạsi tulucʼ bon gocʼakana unre bon pạtiạukʼ kana je, uni tulucʼ jiwetʼ hõ bon tahena.

1 Korinthiko 12:13

Abon do baṅ dobon Jihudikan, baṅ dobon boṅgan hoṛ jạtrenkokan, baṅ dobon golamko kan, baṅ dobon sạdhinko kan, jotoge ini mitʼ sonot Jiu hotete bon bạptis akana; ar jotokoge ini sonot Jiuge bon ńam akadea.

1 Patras 3:21

Noa do hoyokʼ kana bạptisma reakʼ mitʼṭen nạmuna one okaṭakʼte ńitokʼe bańcaope. Bạptismate apeakʼ hoṛmo khon mạilạye ocokʼ giḍi daṛeakʼa ona do baṅ; Isor ṭhen noa do mitʼṭen bhage bibek reakʼ hohokana. Ape do Jisu Mạsiakʼ gujukʼ ar jiwetʼ beredokʼ hotetepe bańcao ocoakana.

Aposkạmi 2:38

Patrase roṛ ruạṛatʼkoa, “Kại khon mon ạcurtape ar Jisu Mạsi ńutumte bạptisokʼpe. Ar ape do dan lekate sonot Jiupe ńamea.

Mathae 28:19

Onate sanam jạtren hoṛko ṭhen calakʼpe ar ińren celakope. Ar Baba, Hopon, Sonot Jiu ńutumte bạptiskope.

Jakob 4:4

E baṅ pạtiạukʼko, ape do cetʼ bape baḍaea, dhạrti tulucʼpe gatekʼ do Isorren bạiripe hoyokʼa mente? Onate jãhãe dhạrtiren gate hoyokʼe menjoṅkan khan uni do apnarte Isorren bạiriye hoyokʼkana.

1 Korinthiko 9:13

Ape do cetʼ bape baḍaea, okoe mundil reakʼko kạmikan onko do mundil khonge jomakʼko ńama, ar okoe pinḍreko kạmikan onko do pinḍre jãhãnakʼge samaṅokʼkan ona reakʼ hạṭińko ńama mente?

Romiko lạgitʼ Pạul Apostolakʼ ciṭhi 7:1

E boehako ape ma ạn-ạrikope baḍaege. Ape do cetʼ bape baḍaea, manwa jiwetʼ tahen bhorge ạn do uni cetanreye mạlikokʼ kana mente?

Romiko lạgitʼ Pạul Apostolakʼ ciṭhi 6:16

Ape do cetʼ bape baḍaea, golam leka jãhãeakʼ gobolrepe tahen ar uniakʼ hukumkope bataotae khan uniren golamkope hoyokʼ kana mente? Onkage ape do kạiren golam hoyokʼtepe gujukʼa, ar baṅkhan Isorren golam leka dhoromakʼkope kạmiya.

Aposkạmi 19:5

Ado noa katha ańjomkate onko celako do Probhu Jisu ńutumte bạptismako ataṅkeda.

1 Korinthiko 6:9

Ape do cetʼ bape baḍaea, bedhoromko do Isorakʼ raj bako ạidạrijoṅa mente? Alope bulạukʼa; baṅ do loṭghuṭiko, baṅ do boṅga sewako, baṅ do laṭghaṭko, baṅ do laṅcạṅgiạko, baṅ do jojognako;

1 Korinthiko 5:6

Sarhaokʼ do ape lạgitʼ baṅ bhagea. Ape do cetʼ bape baḍaea je, kạṭicʼ culuṅ khạmi do joto sipiyakʼ holoṅgeye phulạu ocoea mente? Ape khon ona mare khạmi oḍok giḍikakʼpe;

Aposkạmi 8:16

ente unhạbicʼ hõ onko cetanre sonot Jiu do bae hecʼakan tahẽkana; eken Probhu Jisu ńutumte onko doko bạptis ocoakan tahẽkana.

2 Korinthiko 13:5

Apnarge biḍạu aṭkarokʼpe, Mạsire sạri biswạs menakʼtapea se baṅ. Apnarge biḍạu sạbudokʼpe. Ape do cetʼ bape bujhạueda, Jisu Mạsi do apeakʼ ontorre menaea mente? Ar sạbudokʼre belek mente alope ṭarhaokʼa.

1 Korinthiko 15:29

Menkhan gocʼko iạte okoeko bạptisokʼkan, onkoakʼ do cetʼ hoyokʼtakoa? Ente gocʼko bako jiwetʼ beretʼ ocokʼkan khan onko do cedakʼ gocʼko iạteko bạptisokʼ kana?

1 Korinthiko 3:16

Ape do cetʼ bape baḍaea, ape do Isorakʼ mundil kanape ar Isorren Jiu do apeakʼ ontorreye girobasokʼkana mente?

1 Korinthiko 6:19

Se bape baḍaea, apeakʼ ontorre okoeye tahenkan ar okoe do Isor ṭhen khonpe ńamakade, uni sonot Jiuakʼ tahen mundilge apeakʼ hoṛmo hạṭińko kana mente?

1 Korinthiko 9:24

Ape do cetʼ bape baḍaea ńir enecʼre sanamkogeko seledokʼa, menkhan eken mitʼ hoṛge kuṛại doe ńama? Onate ape hõ nonka dạṛpe jemon kuṛạipe ńam daṛeakʼ.

1 Korinthiko 10:2

Mose tulucʼ midokʼ lạgitʼge onko do rimil ar doreãoreko bạptis ocolena.