Romiko lạgitʼ Pạul Apostolakʼ ciṭhi 1:16 - Santali Common Language New Testament

¹⁶ Jisu Mạsi reaṅ noa bhage sombat iạte iń do bạń lajaokʼ kana, ente noa bhage sombat do Isorakʼ daṛe kana one oka hotete uni do sanam biswạsiko kại khone bańcaoko. Pạhilte do Jihudiko, ar ona tayom do boṅgan hoṛ jạtrenkoge.

সান্তালী বাইবেল

¹⁶ Jisu Mạsi reaṅ noa bhage sombat iạte iń do bạń lajaokʼ kana, ente noa bhage sombat do Isorakʼ daṛe kana one oka hotete uni do sanam biswạsiko kại khone bańcaoko. Pạhilte do Jihudiko, ar ona tayom do boṅgan hoṛ jạtrenkoge.

Romiko lạgitʼ Pạul Apostolakʼ ciṭhi 1:16 Iomraidhean Croise

Mark 8:38

Niạ piṛhiren bepạtiạu ar kại hoṛko talare iń ar ińakʼ kathako iạte jãhãegeye lajaokʼ, enḍekhan Manwa Hopon hõ sonot goḍetko soṅgekate acʼren Apatakʼ ṭhonokanteye hijukʼre uni hoṛ iạteye lajaokʼa.”

Luk 9:26

Jãhãege iń ar ińakʼ katha iạteye lajaokʼ khan, Manwa Hopon hõ tinre acʼ ar acʼren Apatakʼ ar sonot goḍetkoakʼ ṭhonokanteye hijukʼa unre acʼ hõ uni hoṛ iạteye lajaokʼa.

Johan 7:35

Jisuakʼ noa kathate Jihudi mukhiạko do ako talareko menkeda, “Nui hoṛ do okateye calakʼte babon ńam daṛeaea? Baṅ do Junạniko talare chir chạtur akan Jihudiko ṭhen senkate Junạnikoe cetʼako?

Aposkạmi 3:26

Ar ape mimitʼko apeakʼ bạṛicʼ hor khon ạcurokʼte bhorape lạgitʼge Isor do ape ṭhen acʼren Guti Jisui kolledea.”

Romiko lạgitʼ Pạul Apostolakʼ ciṭhi 10:17

Enḍekhan ńelokʼkana, Isorakʼ katha ańjom iạtege biswạs do hijukʼkana, ar Mạsi reaṅ do porcar talate ańjomokʼ kana.

Romiko lạgitʼ Pạul Apostolakʼ ciṭhi 15:29

Ińiń baḍaea ape ṭheniń senlenre iń do Mạsiakʼ purạ puri bhoriń iditoraea.

Romiko lạgitʼ Pạul Apostolakʼ ciṭhi 2:9

Okoe bạṛicʼakʼko kạmikan onko mimitʼko do duk saset ar santaoko ńama. Pạhilre Jihudiko, ar ona tayom do boṅgan hoṛ jạtrenko.

Romiko lạgitʼ Pạul Apostolakʼ ciṭhi 4:11

Khatna ạurire biswạs iạtege Isor do dhorom menteye lekhakedea ar onage tahẽkana uniakʼ sạbudokʼ reakʼ cinhạ. Enḍekhan ńelokʼkana, khatna begorte okoe do eken biswạs hotete dhorom menteko ataṅ ocokʼkan, onko sanamkoren hõ Abraham deo baba kana.

1 Korinthiko 15:2

Okaṭakʼ kathań porcaratʼpe tahẽkan onage kajakte sapʼ akaepe tahen khan enḍekhan ona bhage sombat hotete kại khon bańcaope ńametʼa, khạjuk apeakʼ pạtiạu ạuṛiakʼ alo hoyokʼ.

1 Korinthiko 2:2

Ińiń goṭawan tahẽkana, ape ṭhen tahen jokhecʼ Jisu Mạsige metakʼme, kruslediyicʼ Jisu Mạsi baḍaeye chaḍa ar cetʼge bạń baḍaea.

1 Korinthiko 2:4

ińakʼ porcar ar ińakʼ roṛre hoṛko rạmjạu ocoko leka akelte perecʼ bidiyạ hõ baṅ tahẽkana, bickom onare sonot Jiuakʼ daṛege ńelokʼkan tahẽkana,

1 Korinthiko 9:12

Noa lạgitʼ ape cetanre eṭakʼkoakʼ bakhra menakʼtako khan enḍekhan ale do artetʼ ńam lek dole baṅkana? Menkhan ona hok do bale laṛcaṛeda bickom sanamakʼle sahaoeda, jemon Mạsiakʼ bhage sombat porcarre jãhãn tạkicʼakʼ alole hoyokʼ.

1 Korinthiko 9:18

Enḍekhan ińakʼ kuṛại do cetʼ? Ona do noage je, bhage sombatiń porcar bodolte ińakʼ oka paona menakʼ ona hatao baṅkate begor poesate onań kạmi daṛeakʼ.

2 Korinthiko 2:12

Iń do Troas nagrahare Mạsiakʼ bhage sombat porcar lạgitʼ senkateń ńelkeda, Probhu do onḍe kạmi lạgitʼ mitʼṭen ạte emakawạdińa.

2 Korinthiko 4:4

Bin pạtiạukʼ hoṛkoakʼ mon niạ jugren Deb doe kãṛã akatʼtakoa jemon onko do bhage sombat reakʼ marsal aloko ńelńam. Noa bhage sombatre do Mạsiakʼ ṭhonok bamberokʼ kana, ar nui Mạsi kangeae Isorakʼ muṭhạn reakʼ sodorokʼtetʼ.

2 Korinthiko 9:13

Ar apeakʼ noa dangeye sạbudetʼ kana je, ape do biswạsiko kanape mente, ar ona ńelte onko do Isorko sarhaoea, ente ape do Mạsi reaṅ bhage sombatrepe pạtiạu akante uni gobolrenpe hoeakana ar soṛa monte onko ar eṭakʼko jotope dan akatʼkoa.

Galathiko lạgitʼ Pạul Apostolakʼ ciṭhi 1:7

Ona do jãhãn bhage sombatge baṅkana. Enrehõ adom hoṛ menakʼkoa one okoe do sulukte bako tahẽ ocoape kan, ar Mạsi reaṅ bhage sombat bodolko monejoṅkan.

1 Thessalonikikko 2:13

Ale do siń sạṭupʼ Isorle gun manao joharae kana, ente Isorakʼ katha ańjomkate tinrepe pạtiạulena unre manwawakʼ katha mente do baṅ, menkhan Isorakʼ katha mentegepe ataṅkeda. Ar sạrige ona do Isorakʼ katha kangea. Ape okoepe pạtiạu akan, apeakʼ ontorrege ona katha doe kạmiyeda.

1Timothi 1:11

Ṭhonokren Isorakʼ maraṅ bhage sombat lekate okaṭakʼ cecetʼakʼ menakʼ, onage hoyokʼ kana sạri cecetʼakʼ. Ar noa bhage sombat porcar reakʼ dạyik do iń cetanreye emakada.

2Timothi 1:12

Ar ona iạte noako dukiń jomakada; ar enrehõ bạń lajaokʼ kana, enteń baḍaea okoereń bhorsa akana mente. Iń doń khạṭi akawana, uni ṭhen okań dohoakatʼ ona do Mạsiakʼ hijukʼ din hạbicʼ rukhiyạ lạgitʼ daṛe menakʼtaea mente.

2Timothi 1:16

Onesiphoros gharońjrenko Probhui mãyã akoma; uni do ạḍi dhaoye cerṭha ocoakadińa, ar ińakʼ hajot iạte bae lajaolena.

2Timothi 1:8

Onate aboren Probhu reaṅ goha emokʼ do alom lajaokʼa, ar uni iạte hajotre minạń, onate hõ alom lajaokʼa. Ona bodolte Isor okaṭakʼ daṛeye emakatʼme ona daṛete uniakʼ bhage sombat porcar lạgitʼ iń tulucʼ duk jomme.

Ibriko 4:12

Isorakʼ katha do jiwetʼgea ar jojaoakʼ kangea ar dene banar dharanakʼ tarwaṛe khon hõ bạ̃ṛti lasergea. Noa katha do manwa jiwi ar jiu, uṭi ar tumul hạṭiń begar hạbicʼ hõ sobokʼakʼ kana ar manwa ontor reakʼ sanam monejoṅakʼ ar hudisko biḍạu aṭkarakʼ kana.

1 Patras 4:16

Menkhan Khristan lekate jãhãe duke jomlere aloe lajaokʼma, bickom uniakʼ do ona ńutum menakʼtaete Isore sarhaoema.