Romiko lạgitʼ Pạul Apostolakʼ ciṭhi 1:1 - Santali Common Language New Testament

¹ Iń Pạul Jisu Mạsiren golam do Rom nagraharen biswạsiko ṭhen noa ciṭhiń oletʼkana. Isor do acʼren apostol hoyokʼ lạgitʼe hoho akawạdińa ar uniakʼ bhage sombat porcar lạgitʼ hõe bachao akadińạ.

সান্তালী বাইবেল

¹ Iń Pạul Jisu Mạsiren golam do Rom nagraharen biswạsiko ṭhen noa ciṭhiń oletʼkana. Isor do acʼren apostol hoyokʼ lạgitʼe hoho akawạdińa ar uniyakʼ bhage sombat porcar lạgitʼ hõe bachao akadińạ.

Romiko lạgitʼ Pạul Apostolakʼ ciṭhi 1:1 Iomraidhean Croise

Mark 1:14

Johan hajotreye bhorao ocoyen khan Jisu do Gạlil Prodeshteye calaoena. Ar noa katha menkate uni do Isorakʼ bhage sombat porcare ehopʼena,

Johan 12:26

Jãhãege ińakʼe kạmikan khan uni do ińe pańjańma. Iń okareń tahena ińren kạmiạko hõ onḍegeko tahena. Jãhãege ińakʼe kạmikan khan Baba do uniye manotea.

Johan 15:15

Iń do golam bạń metapekana, ente kisạ̃ṛ cetʼe cekakan golam do ona bae baḍaea; menkhan iń do gateń metapekana, ente Baba ṭhen khon okań ańjomakatʼ onage apeń baḍae ocoakatʼpea.

Johan 15:20

Ińakʼ noa katha do alope hiṛińa, guti do acʼren kisạ̃ṛ khon bae maraṅa. Onate hoṛko iń gojeńko kurumuṭuyetʼ khan ape hõko onkapea; ar ińakʼ kathako ańjom khan apeakʼ katha hõko ańjoma.

Aposkạmi 13:9

Unre Sạul okoe do Pạulko metaekan uni do sonot Jiuteye perecʼente Eluma secʼ beṅgetʼ uricʼkateye metadea,

Aposkạmi 20:24

Menkhan iń ṭhen do ińakʼ jiwi reakʼ jãhãn dam bạnukʼa. Ińakʼ sana do noage, jemon mucạtʼ hạbicʼ iń ṭarhao daṛeakʼ, metakʼme Probhu Jisu oka kạmi lạgitʼ dạyike emakawạdiń ona jemoniń purạu daṛeakʼ. Ona kạmi do hoyokʼ kana Isorakʼ daya reaṅ bhage sombat reakʼ goha emokʼge.

Aposkạmi 21:40

Ado maraṅ subedarakʼ hukume ńamketʼ khan Pạul do siṛhi cetanreye teṅgoyena ar ti tulkate hoṛko thirokʼ lạgitʼe isạrawatʼkoa. Arko thiren khan Pạul do Ibri pạrsiteye metatʼkoa.

Aposkạmi 22:21

“Unre Probhu do ińe metadińạ, ‘Do calakʼme, ente iń do sạṅgińte boṅgan hoṛ jạtrenko ṭheniń kolmea.’ ”

Aposkạmi 22:7

Ar iń do otreń bhindạṛena ar okoe coṅe mitạńkaniń ańjomkeda, ‘E Sạul, E Sạul cedakʼem khedeń kana?’

Aposkạmi 26:1

Unre Agrippa do Pạule metadea, “Apnar reaṅ roroṛiń aṛakʼam kana.” Unre Pạul do ti tiạrkate acʼ reaṅ noa kathae roṛkeda,

Aposkạmi 26:14

Unre ale sanamkoge otrele bhindạṛena ar iń do mitʼṭen aṛaṅ Ibri pạrsite mitạń kaniń ańjomkeda, ‘E Sạul, E Sạul, cedakʼem khedeń kana? Jạnum bạisạu akatʼ ṭheṅgare kolsaete apnarakʼge cetʼ bam loksaneda?’

Aposkạmi 27:23

Ente ińiń okoeren kan ar okoeyiń sewawaekan uni Isorren mitʼṭen goḍet do ńindạ iń pheḍre teṅgoyenteye metadińạ,

Aposkạmi 9:15

Menkhan Probhu do Ananiạse metadea, “Do calakʼme, ente boṅgan hoṛ jạtrenko ar onkoren rajko ar Israelko ṭhen porcar lạgitʼ, iń do uni hoṛgeń bachao akadea.”

Romiko lạgitʼ Pạul Apostolakʼ ciṭhi 1:16

Jisu Mạsi reaṅ noa bhage sombat iạte iń do bạń lajaokʼ kana, ente noa bhage sombat do Isorakʼ daṛe kana one oka hotete uni do sanam biswạsiko kại khone bańcaoko. Pạhilte do Jihudiko, ar ona tayom do boṅgan hoṛ jạtrenkoge.

Romiko lạgitʼ Pạul Apostolakʼ ciṭhi 1:5

Uni hotete ar uniakʼ ńutum iạte ale do daya ar apostol hudạle ńamakada, jemon sanam jạtren hoṛko pạtiạukʼte Isorakʼko bataotae.

Romiko lạgitʼ Pạul Apostolakʼ ciṭhi 1:9

Isorren Hopon reaṅ bhage sombat porcarte ińakʼ goṭa ontorte iń do Isoriń sewawae kana. Iń do tinạkʼ dhaoiń koejoṅkan unạkʼ dhaoge apeń disạ akatʼpea, ar onaren goha do unige.

Romiko lạgitʼ Pạul Apostolakʼ ciṭhi 11:13

E boṅgan hoṛ jạtrenko, metape kạnạń, boṅgan hoṛ jạtrenko ṭhen apostol lekate ińakʼ kạmiko do ạḍi manot salakʼ iń ńeleda.

Romiko lạgitʼ Pạul Apostolakʼ ciṭhi 15:16

Sonot Jiu hotete okoe Jihudikoko bachao doho ocoakan, onko do Isor ṭhen jemon samaṅokʼakʼko hoedaṛeakʼ ona iạte uniakʼ bhage sombat lại pasnaore naeke kạmiyiń kạmi kana.

Romiko lạgitʼ Pạul Apostolakʼ ciṭhi 15:29

Ińiń baḍaea ape ṭheniń senlenre iń do Mạsiakʼ purạ puri bhoriń iditoraea.

Romiko lạgitʼ Pạul Apostolakʼ ciṭhi 16:18

ente nonkanko hoṛ do aboren Probhu Mạsiren golam hoyokʼ baṅkate apnar lacʼgeko moneakʼkana. Onko do sebel ar luhum suhum kathate sojhe monan hoṛko bulạuetʼkoa.

Romiko lạgitʼ Pạul Apostolakʼ ciṭhi 16:25

Jisu Mạsi reaṅ oka bhage sombat iń porcaretʼkan ona bhage sombat hotete ṭarhao dohope reakʼ daṛe do Isorakʼ menakʼgetaea. Ar ḍher jug hạbicʼ Isor do acʼakʼ okoakʼko reaṅ okoege bae lại akawatʼkoa,

1 Korinthiko 1:1

Isorakʼ monejoṅ ar uni hohote iń Pạul do Mạsi Jisuren mitʼṭen celań hoeakana. Iń ar boeha Sosthenes do Korinthi nagraha reakʼ Isorakʼ manḍerren hoṛko ṭhen, metakʼme ape ṭhen liń oletʼkana. Mạsi Jisu sãote jopoṛao hotete Isor do acʼakʼ monsubạ leka apeye bachao doho akatʼpea ar acʼren hoṛko hoyokʼ lạgitʼe hohoakatʼpea. Ape ṭhen ar eṭakʼ sanam jaegare okoe do aboren Probhu Jisu Mạsi Probhu menteko aṅgocede onko ṭhen ạliń do noa ciṭhi liń oleda. Uni do aboren ar onkoren hõ Probhu kanae.

1 Korinthiko 9:1

Iń do cetʼ sạdhin doń baṅkana? Iń do cetʼ apostol doń baṅkana? Aboren Probhu Jisu do cetʼ bạń ńṭoṭhadea? Probhu lạgitʼ okaṭakʼ iń kạmi akatʼ ona reakʼ jo do cetʼ ape dope baṅkana?

2 Korinthiko 1:1

Iń Pạul do Isorakʼ monejoṅ lekage Mạsi Jisuren mitʼṭen apostoliń hoeakana. Iń do aboren boeha Timothi ar Korinthi nagraha reakʼ Isorakʼ manḍer ar Akhaea Prodesre menakʼko Isorren sanam hoṛko ṭhen noa ciṭhiń oletʼkana.

2 Korinthiko 11:5

Menkhan ińakʼ bujre onko “Soros utạr” apostolko khon do oka secʼte hõ bạń komaoa.

2 Korinthiko 11:7

Isor emakʼ bhage sombat apeko ṭhen begor damteń porcar akatʼte apnariń copotʼ akana jemonpe usul ocokʼ. Noa iạte cetʼ iń doń kại akada?

2 Korinthiko 12:11

Iń do bebujgeń hoeakana, menkhan apegepe jormoṭkedińa; ente apege sarhaoiń reakʼ lek tahẽkantapea. Ar cele hõń baṅkanre hõ enhõ aperen onko “Soros utạr” apostolko khon cetʼte hõ bạń komaoa.

2 Korinthiko 2:12

Iń do Troas nagrahare Mạsiakʼ bhage sombat porcar lạgitʼ senkateń ńelkeda, Probhu do onḍe kạmi lạgitʼ mitʼṭen ạte emakawạdińa.

2 Korinthiko 4:5

Ale apnar reaṅ do bale porcareda, bickom Jisu Mạsi doe Probhu kana mentele porcarede kana ar Jisu lạgitʼge aperen golamle hoeakana.

Galathiko lạgitʼ Pạul Apostolakʼ ciṭhi 1:1

Iń Pạul do Mạsiren mitʼṭen apostol kạnạń. Noa apostol hudạ jãhãe manwa ṭhen khon se jãhãe manwa hotete do bạń ńamakada, bickom Jisu Mạsi ar Isor Baba, one okoe do Mạsi gocʼko khone jiwetʼ beretʼkede, uni hotetegeń ńamakada.

Ephesiko lạgitʼ Pạul Apostolakʼ ciṭhi 1:1

Iń Pạul do Isorakʼ sanate Mạsi Jisuren mitʼṭen apostoliń hoeakana. Ephesus nagrahare okoe doko Isorren hoṛkan ar okoe do Jisu Mạsireko pạtiạu akan onko ṭhen noa ciṭhiń oletʼkana.

Ephesiko lạgitʼ Pạul Apostolakʼ ciṭhi 1:13

Ar apekohõ sạriakʼtetʼ reakʼ kathako kanape, metakʼme kại khon bańcao reakʼ bhage sombatpe ańjomketʼte Mạsirepe pạtiạu akana. Ar Mạsi tulucʼpe kolom mitʼakante Isor do acʼren gokʼicʼ sonot Jiu hoteteye mohor chap akatʼpea.

Ephesiko lạgitʼ Pạul Apostolakʼ ciṭhi 4:11

Unige adom do apostolko, adom do nạbiko, adom do bhage sombat porcarko ar adom do sapʼdapʼko ar cecetʼko menkateye bahalketʼkoa.

Philipiko lạgitʼ Pạul apostolakʼ ciṭhi 1:1

Timothi ar iń Pạul do Jisu Mạsiren golam kanaliń. Ạliń do Jisu Mạsi tulucʼ kolom mitʼ akan Isorren okoeko hoṛ do Philipi nagrahare menakʼko onkoren gupiko ar sapʼdapʼko ṭhenliń oleda.

Philipiko lạgitʼ Pạul apostolakʼ ciṭhi 2:11

ar mitʼke mitʼ alaṅko aṅgocma je, Isor Babawakʼ ṭhonok lạgitʼ Jisu Mạsigeye Probhu kanae mente.

Kolossiko lạgitʼ Pạul Apostolakʼ ciṭhi 1:1

Iń Pạul do Isorakʼ sanate Jisu Mạsiren mitʼṭen apostoliń hoeakana. Kolossiạ nagrahare okoe doko Isorren hoṛkan ar Mạsire mitʼakan biswạsi boehakanko, onko ṭhen iń ar Timothi do noa ciṭhi liń oleda. Aboren Baba Isor do daya ar suluke dan apema.

Kolossiko lạgitʼ Pạul Apostolakʼ ciṭhi 1:25

Isor do acʼakʼ katha ape ṭhen purạte porcar reakʼ bhar ińreye emakatʼte iń do manḍerren mitʼṭen sapʼdapʼicʼ iń hoeakana.

1 Thessalonikikko 2:2

Ar noa katha hõpe baḍaegea, noa lahare ale do Philipi nagraharele khed ocolena ar bemanot hõle bemanot ocolena. Menkhan noa tạkicʼakʼko tahẽkanre hõ aboren Isor ṭhen khon dil ńamkate uniakʼ bhage sombat reakʼ katha ale do khulạsategele lạiyatʼpe tahẽkana.

1 Thessalonikikko 2:8

Apere khạndri dulạṛ menakʼtalete eken Isorakʼ bhage sombat moto do bale emapekana, bickom ape lạgitʼ apnarakʼ jiwi sudhạ emokʼ lạgitʼ hõ rạjigele tahẽkana, ente aleren do ạḍi dulạṛiạko kanape.

1 Thessalonikikko 2:9

E boehako, aleakʼ mehnot ar kosṭo reakʼ katha do khạṭigepe disạ akada. Ape ṭhen Isorakʼ bhage sombat porcar jokhecʼ ale do siń ńindạle mehnot akada, jemon ape okoeren bojha hõ alole hoyokʼ.

1Timothi 1:1

Iń pạul do aboren babańcaoicʼ Isor ar Jisu Mạsiakʼ hukumte apostoliń hoeakana. Ar aboakʼ sanam as do Mạsi Jisurege.

1Timothi 2:7

ar noa goha emokʼ lạgitʼ Isor do lại jạhiricʼ, apostol ar boṅgan hoṛ jạtrenko ṭhen biswạs ar sạriạkʼren cecetʼicʼe bahal akadińạ. Iń do sạriakʼgeń roṛeda, eṛe do baṅ.

2Timothi 1:11

Ar noa bhage sombat lạgitʼge uni do jạhiricʼ, apostol ar cecetʼicʼ menteye bahal akadińạ.

Titus lạgitʼ Pạul Apostolakʼ ciṭhi 1:1

Iń Pạul do Isorren golam ar Jisu Mạsiren mitʼṭen apostoliń hoeakana, jemon Isorre bachao hoṛko biswạs reakʼ horteń ạgu daṛeako, ar Isor bhokti sãote oka sạriakʼtetʼ menakʼ ona baḍae lạgitʼ iń goṛo daṛeako.

Ibriko 5:4

Maraṅ naeke hoyokʼ reakʼ man do okoe hõ apnarte bae hatao daṛeakʼa, menkhan Isor okoeye hohoae unige ona reakʼ man doe ńama, cetʼleka Isor do Aron maraṅ naeke hoyokʼ lạgitʼe hohoade tahẽkan.

Ibriko 7:26

Nonkan mitʼṭen sonoticʼ, bin dusiyicʼ ar niphuṭ utạricʼ maraṅ naekege jạruṛ tahẽkan tabona. Uni do kại hoṛko khone begargea ar Isor do serma khon hõ bạ̃ṛti usule rakapʼ akadea.

Jakob 1:1

Isor ar Probhu Jisu Mạsiren golam iń Jakob do dhạrti reakʼ sanam jaegareko chir chạtur akan Jihudikoren gel bar bõsrenko johariń emako kana.

1 Patras 4:17

Bicạr reakʼ okte do hoeakana ar ona do Isorakʼ gharońjren hoṛko khonge ehobokʼa. Ar ona bicạr do abo khonge ehopʼlen khan, enḍekhan okoe Isorakʼ bhage sombat bako manao akatʼ onko do cetʼ dosa hoyokʼtakoa?

2 Patras 1:1

Iń Simon Patras do Jisu Mạsiren mitʼṭen golam ar apostolge. Aboren Isor ar babańcaoicʼ Jisu Mạsi doe dhoromgea, ar ona iạte ape hõ ale leka inạ bin mucạtʼ damrepe biswạs akana. Ar noa iạte ape ṭhen niạ ciṭhiń oleda.

Jihudạwakʼ ciṭhi 1:1

Iń do Jisu Mạsiren golam ar Jakobren boeha Jihudạ kạnạń. Isor Baba okoekoe hoho are dulạṛakatʼko ar Jisu Mạsi okoekoe rukhiyạ akatʼko onko ṭhen noa ciṭhiń oleda.

Johan sodor 1:1

Noa puthire okako olakan ona do Jisu Mạsigeye sodor akada. Noako reaṅ Isor do Mạsi ṭhene sodorleda, jemon thoṛa ghạṛicʼ khange hoyokʼ lạgidokʼkan ghoṭnako acʼren golamkoe baḍae ocoko. Mạsi do acʼren goḍete kolkedete acʼren golam Johan do noa reaṅakʼkoe baḍae ocoledea.

Johan sodor 22:6

Tayomte uni serma goḍet doe metadińạ, “Noako katha do pạtiạr ar sạrigea. Probhu Isor, one okoe do nạbiko hoteteye roṛletʼ tahẽkan, uni do acʼren goḍete kolakadea, jemon thoṛa ghạṛicʼ khange okaṭakʼ hoy lạgidokʼkan, ona do acʼren golamkoe udukʼ daṛeako.”

Johan sodor 22:9

Menkhan uni doe metadińạ, “Men, alo; iń do am ar amren biswạsi boehako, metakʼme nạbiko ar okoe do noa puthi reakʼ sanamakʼ kathako manaoetʼkan onkoren são golam kạnạń. Isorge baṛe sewawae me.”