Philipiko lạgitʼ Pạul apostolakʼ ciṭhi 2:9 - Santali Common Language New Testament

⁹ Ar onatege Isor do sanam khon cetanreye dohokedea ar nonkan mitʼṭen ńutume emadea one ona do joto ńutum khon maraṅge,

সান্তালী বাইবেল

⁹ Ar onatege Isor do sanam khon cetanreye dohokedea ar nonkan mitʼṭecʼ ńutume emadea one ona do joto ńutum khon maraṅge,

Philipiko lạgitʼ Pạul apostolakʼ ciṭhi 2:9 Iomraidhean Croise

Mathae 11:27

“Ińren Baba do sanamakʼge ińakʼ tireye jimạ akada. Baba chaḍa Hopon do okoe hõ bako baḍaeyede kana ar Hopon chaḍa Baba hõ okoege bako baḍaeyedea, Hopon okoe ṭhen Baba sodoreye menjoṅkan unige uni doe baḍaeyea.

Mathae 28:18

Unre Jisu do hecʼsorkateye metatʼkoa “Serma ar dhạrti reakʼ sanam ektiạri iń ṭhen emakana.

Luk 10:22

‘‘Ińren Baba do ińakʼ tire sanamakʼe jimạ akada. Baba chaḍa okoe hõ bako baḍaea Hopon doe okoe kana, arhõ Hopon chaḍa okoe hõ bako baḍaea Baba doe okoe kana mente. Ona chaḍa Hopon okoe ṭhen Baba sodoreye menetʼkan eken unigeye baḍaea.’’

Johan 13:3

Jisu doe baḍaekan tahẽkana, Isor Baba do acʼakʼ tire jotowakʼe jimạ akada. Ar noa hõe baḍaekan tahẽkana, acʼ do Isor ṭhen khone hecʼakana ar uni ṭhengeye ruạṛ calao lạgidokʼ kana.

Johan 17:11

Iń do noa dhạrtire ar bạń tahen kana, menkhan onko do noa dhạrtire menakʼkoa; iń do am ṭheniń hijukʼkana. E sonoticʼ Baba, amakʼ oka ńutumem emakawạdiń ona ńutumte noko rukhiyạkom, jemon alaṅ cetʼ lekalaṅ mitʼge noko hõ onkage mitʼko tahen.

Johan 17:12

Iń do tinạkʼ din onko sãoreń tahẽkan unạkʼ din amakʼ oka ńutumem emakawạdiń ona ńutumteń rukhiyạ ạguakatʼkoa. Iń doń horho akatʼkoa ar onko mod khon okoe hõ bako nosṭo akana. Eken okoeakʼ nosṭokʼ reakʼ katha tahẽkan unigeye nosṭo akana, jemon sonot sostor reakʼ katha purạukʼ.

Johan 17:5

E Baba, dhạrti ạuri sirjạure am sãote oka ṭhonok tahẽkantiń, ona ṭhonok arhõ emạńme baṛe.

Aposkạmi 5:31

Isor do unige raj ar babańcaoicʼ menkate acʼakʼ jojomsa aṛere duṛube lạgitʼ ṭhonoke dan akawadea, jemon Israelkoakʼ mon ạcurtako lạgitʼ ạte emakote kại reakʼ ikại emako.

Ephesiko lạgitʼ Pạul Apostolakʼ ciṭhi 1:10

Uni doe niṭ akatʼ tahẽkana je, okte purạulen khan ona monsubạ purạu lạgitʼ serma ar dhạrti reakʼ jotowakʼ mitʼkate Mạsiakʼ ḍanṭao gobolreye ạguya.

Kolossiko lạgitʼ Pạul Apostolakʼ ciṭhi 1:18

Ona chaḍa unige acʼakʼ hoṛmoren, metakʼme manḍerren matha kanae. Unige pạhilicʼ ar unige pạhilre gocʼko khone jiwetʼ beretʼena, jemon unige jotowakʼren maraṅicʼe hoedaṛeakʼ.

2 Thessalonikiko 1:12

Enḍekhan aboren Isor ar Probhu Jisu Mạsiakʼ dayate aboren Probhu Jisuakʼ ṭhonok do ape hotete sodorokʼa, ar apehõ uni hotetepe ṭhonok ocokʼa.

Ibriko 1:4

Uni do acʼ apat ṭhen khon okaṭakʼ ńutume ńamakatʼ ar cetʼleka ona do serma goḍetkoakʼ ńutum khon hõ maraṅge, onkage uni do acʼtetʼ hõ serma goḍetko khon maraṅe hoeakana.

Ibriko 1:9

Am do dhoromem dulạṛeda ar bedhorom dom kurudakʼ kana; onate Isor, amren Isor do, amren soṅgetenko khon hõ bạ̃ṛti hulạs sunum lekae ojokʼ akatʼmea.”

Ibriko 12:2

Delabon, Jisu secʼ beṅgetʼ akae bon tahenma, one okoe do biswạs reakʼ rehetʼ are sạbit utạricʼ kan. Uni samaṅre oka rạskạ dohoakan ona lạgitʼge uni do manot secʼ bae moneyatʼte krusre gujukʼe sahaokeda ar ńitokʼ do Isorakʼ siṅghạson reakʼ jojomsa aṛereye duṛupʼ akana.

Ibriko 2:9

menkhan abo do Jisu bon ńel ńame kana. Uni do serma goḍetko khon thoṛa ghạṛicʼe huḍiń ocolena, jemon Isorakʼ dayate mimitʼ manwako lạgitʼ jiwiye em daṛeakʼ. Uni do duk sahaokateye gocʼlente man ar ṭhonok reakʼ raj mukuṭe dan akawadea.

1 Patras 3:22

Jisu do sermateye calao akana ar ńitokʼ Isorakʼ jojomsa aṛere menaea, ar sermaren goḍetko, ar ektiạrianko ar daṛeanko do uniakʼ gobolre menakʼkoa.

2 Patras 1:17

“Nuige ińren dulạṛiạ Hopon, one unireń kusi akan,” Serma khon roṛlen noa kathate Mạsi do Isor Baba ṭhen khon man ar ṭhonoke ńamleda.

3 Johan 1:7

Onko do Mạsi lạgitʼgeko oḍok hecʼakana ar bepạtiạuko ṭhen khon cetʼge bako hatao akada.

Johan sodor 1:5

Jisu kangeae pạtiạricʼ goha do ar gocʼko khon unige pạhil dhaoe jiwetʼ beretʼlena, ar dhạrtiren rapajkoren raj doe uni kangea. Uni do aboe dulạṛetʼbona ar acʼakʼ mãyãmte kại khone chaḍaoketʼbona.

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu ar uniren Mạsiakʼ hoyena.

Johan sodor 19:16

Ar uniakʼ kicricʼre ar bulure noa ńutum ol menakʼa, “Rajkoren raj, ar Probhukoren Probhu.”

Johan sodor 3:21

“Jitạukʼkate cetʼleka iń do ińren Baba tulucʼ uniakʼ siṅghạsonreń duṛupʼ akan, onkage okoeye jitạukʼa, uni do iń tulucʼ ińakʼ siṅghạsonre duṛupʼ reakʼ ạidạriń emaea.

Johan sodor 5:12

Onko do ãṭ aṛaṅte noa kathako menetʼkan tahẽkana: “Okoeṭakʼ Bheḍa Hopone gocʼ ocolen, unige ektiạri, dhon, akel, daṛe, manot, ṭhonok ar sarhao ńam lek kanae.”