Philipiko lạgitʼ Pạul apostolakʼ ciṭhi 2:1 - Santali Common Language New Testament

¹ Enḍekhan Mạsi tulucʼpe kolom mitʼakan iạte uskur mon ńamokʼkan khan, ar Mạsiakʼ dulạṛ iạte jiwire juḍạsi ńamokʼkan khan, sonot Jiu ar ape talare helmel menakʼ khan, apeakʼ ontorre mãyã ar daya menakʼ khan,

সান্তালী বাইবেল

¹ Enḍekhan Mạsi tulucʼpe kolom mitʼakan iạte uskur mon ńamokʼkan khan, ar Mạsiyakʼ dulạṛ iạte jiwire juḍạsi ńamokʼkan khan, sonot Jiu ar ape talare helmel menakʼ khan, apeakʼ ontorre mãyã ar daya menakʼ khan,

Philipiko lạgitʼ Pạul apostolakʼ ciṭhi 2:1 Iomraidhean Croise

Luk 2:25

Unre Jerusalemre Simon ńutuman mitʼṭen dhorom ar Isor bhokti hoṛe tahẽkana. Uni do Israelkoakʼ jiwi raṛecʼe ńel hohorkan tahẽkana.

Johan 14:18

“Bạń ṭũạr oṭokapea; iń do ape ṭheniń hijukʼa.

Johan 14:27

“Iń do ape lạgitʼ suluk iń doho oṭokakʼ kana, ińakʼ sulukge apeń emape kana; dhạrti cetʼ lekae emokʼkan onka do bạń emokʼ kana. Apeakʼ ontor do alo khad badaokʼtapema ar monre botor hõ alo tahentape ma.

Johan 17:13

“Ńitokʼ do am ṭheniń hijukʼ kana, ar ińakʼ rạskạte onkoakʼ ontor jemon perejokʼtako onate dhạrtire tahenrege noako kathań roṛeda.

Aposkạmi 2:46

Onko do din hilokʼ mundilreko jarwakʼkan tahẽkana ar oṛakʼ oṛakʼ piṭhạ kecag tulucʼ rạskạ salakʼ soṛa monte mitʼteko jom ńũiyetʼ tahẽkana.

Aposkạmi 4:32

Mạsire pạtiạu akan sanamkoge mon ar jiwite mitʼko tahẽkana. Onko do okaṭakʼge apnarakʼ kana mente bako dạbiyetʼkan tahẽkana, bickom sanamakʼge apan ạpin jạruṛakokan lekako beoharetʼ tahẽkana.

Romiko lạgitʼ Pạul Apostolakʼ ciṭhi 5:5

Noa as do bae lajao ocobona, ente Isore emakan sonot Jiu hotete aboakʼ ontor do acʼakʼ dulạṛteye perecʼ akada.

Romiko lạgitʼ Pạul Apostolakʼ ciṭhi 8:26

Noa chaḍa aboakʼ nijortetʼre sonot Jiu doe goṛo abon kana. Ar cetʼ leka koejoṅ lek tabon ona do babon baḍae kana, menkhan oka roṛte baṅ sodorokʼ onkan kũhrạu tulucʼ sonot Jiu do acʼge abo lạgitʼe nehõrokʼ kana.

1 Korinthiko 12:13

Abon do baṅ dobon Jihudikan, baṅ dobon boṅgan hoṛ jạtrenkokan, baṅ dobon golamko kan, baṅ dobon sạdhinko kan, jotoge ini mitʼ sonot Jiu hotete bon bạptis akana; ar jotokoge ini sonot Jiuge bon ńam akadea.

1 Korinthiko 15:31

E boehako, aboren Probhu Jisu Mạsire ape reaṅ okaṭakʼle suhukʼetʼkan ona suhukʼre iń do dinạm hilokʼgeń gujukʼ kana.

1 Korinthiko 3:16

Ape do cetʼ bape baḍaea, ape do Isorakʼ mundil kanape ar Isorren Jiu do apeakʼ ontorreye girobasokʼkana mente?

2 Korinthiko 13:14

Aboren Probhu Jisu Mạsiakʼ daya ar Isorakʼ dulạṛ ar sonot Jiu reakʼ helmel ape jotoko tulucʼ baṛe tahenma.

2 Korinthiko 2:14

Isoriń sarhaoede kana, Mạsi tulucʼ bon mitʼ akante ar Isor do acʼakʼ jitạuakʼre jaogeye ạyuretʼbon kana. Mạsi baḍaeye do mitʼṭen mahkaokʼ kan so leka. Isor do acʼakʼ jitạuwakʼre ona jut so ale hotete sanam jaegareye mahkao ocoyeda.

Galathiko lạgitʼ Pạul Apostolakʼ ciṭhi 4:6

Ape dope hoponko kante Isor do acʼren Hoponren Jiu aboakʼ ontorreye kolkedea. Ar uni Jiu Isor do Abba, metakʼme Baba menteye hohoae kana.

Galathiko lạgitʼ Pạul Apostolakʼ ciṭhi 5:22

Menkhan sonot Jiu reakʼ jo do, dulạṛ, rạskạ, suluk, sobori, susṭob, bhạlại, pạtiạr,

Ephesiko lạgitʼ Pạul Apostolakʼ ciṭhi 4:4

Isore hohoakatʼpe iạte apere eken mitʼṭen asge menakʼa, mitʼ hoṛmoge menakʼa ar mitʼ sonot Jiuge menaea,

Philipiko lạgitʼ Pạul apostolakʼ ciṭhi 1:8

Mạsi Jisuakʼ mãyã monte ape tinạkʼ iń dulạṛetʼpe ona reakʼ goha do Isorge.

Philipiko lạgitʼ Pạul apostolakʼ ciṭhi 3:3

Abo kangeabon sạriakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Kolossiko lạgitʼ Pạul Apostolakʼ ciṭhi 2:2

Ińakʼ monejoṅakʼ do noage jemon onko do ontorre udgạuko ńamte dulạṛreko tol midokʼ, ar Mạsi reaṅko bujhạute oka khạṭitetʼ ńamokʼ ona reaṅ purạ khạṭitetʼ jemon asambheṛko lab joṅ. Ar ona khạtirte Isorakʼ sạri okoakʼko, metakʼme Mạsiko baḍae orom daṛeaea.

Kolossiko lạgitʼ Pạul Apostolakʼ ciṭhi 3:12

Onate Isor okoekoe bachao akawan onko sonotko ar dulạṛiạko lekate mãyãkʼ mon, dulạṛ, mạ̃hir, nindhạn ar soborite apnar sajaokʼpe.

Ibriko 6:18

Isorakʼ gokʼakʼ ar kiriyạ do tis hõ baṅ bodolokʼa. Okoe secʼ hõ Isor do eṛe bae roṛa, uni do noa gokʼakʼreye kiriyạ akana, jemon abo samaṅre oka as menakʼ ona kajakte sapʼ dohoe lạgitʼ bạ̃ṛti udgạu bon ńam.

1 Patras 1:2

Isor Baba do acʼakʼ monsubạ lekage apeye bachao akatʼpea, ar acʼ lạgitʼge sonot Jiu do apeye begar dohoakatʼpea. Noa reakʼ monsubạ do hoyokʼ kana, jemon ape do Jisu Mạsirepe gobolokʼ ar uniakʼ mãyãm reakʼ chiṭiạu hotetepe sapha ocokʼ. Isor do aema daya ar suluke danape ma.

1 Johan 3:24

Okoe uniakʼ hukume bataoetʼkan uni do unireye tahenkana ar acʼ hõ unireye tahenkana. Ar okoeṭakʼ sonot Jiue emakatʼ bon uni sonot Jiu hotete bon bujhạu daṛeakʼa, uni do aboakʼ ontorreye tahenkana mente.

1 Johan 4:12

Isor do okoege tishõ bako ńṭoṭhadea. Ar abo mimitʼko bon dupulạṛ khan, enḍekhan bon bujhạu daṛeakʼa, Isor do aboakʼ ontorre menaea ar uniakʼ dulạṛ do aboakʼ ontorre purạteye kạmiyeda.

1 Johan 4:16

Baḍaegea bon Isor do aboe dulạṛetʼ bona, ar uniakʼ dulạṛre aboakʼ biswạs menakʼ tabona mente. Isor do acʼtetʼgeye dulạṛ kana. Ar dulạṛre okoeye tahen kan, uni do Isorregeye tahenkana ar Isor do unireye tahenkana.