Mathae 9:15 - Santali Common Language New Testament

¹⁵ Jisui metatʼkoa, “Jãwãe beṭa soṅgere tahen tulucʼ cetʼ bạriạtko doko bhabnakokʼa? Menkhan okte hijukʼ kana jãwãe beṭa do onko khone idiocokʼa. Ar unre onko doko upạsa.

সান্তালী বাইবেল

¹⁵ Jisui metatʼkoa, “Jãwãe beṭa soṅgere tahen tulucʼ cetʼ bạriạtko doko bhabnakʼa? Menkhan okte hijukʼ kana jãwãe beṭa do onko khone idiocokʼa. Ar unre onko doko upạsa.

Mathae 9:15 Iomraidhean Croise

Mathae 9:14

Tayomte Johanren celako do Jisu ṭhen hecʼkateko menkeda, “Ale ar Phạrusiko dole upạseda, menkhan amren celako do cedakʼ bako upạseda?”

Mathae 9:16

“Okoe hõ mare aṅgropre nawa kicricʼ do bako tạli jalada, ente ona mare kicricʼ khon nawa tạliakʼ do oṛecʼ hijukʼa ar onate oṛecʼ do arhõ lạṭukʼa.

Mark 2:19

Jisui metatʼkoa, “Jãwãe beṭa soṅgere tahen tulucʼ cetʼ bạriạtko doko upạs daṛekea? Tinạkʼ din soṅgere Jãwãe beṭae tahen unạkʼ din onko do bako upạsa.

Mark 2:20

Menkhan okte hijukʼ kana Jãwãe beṭa tinre onko khone idiocokʼa, unre onko doko upạsa.

Luk 17:22

Ona tayom acʼren celakoe metatʼkoa, “Nonkan dinko hijukʼ kana, ape do Manwa Hopon reakʼ mitʼṭen din ńelpe mena, menkhan bape ńelńama.

Luk 5:34

Jisui metatʼkoa, “Jãwãe beṭa soṅgere tahen tulucʼ cetʼ bạriạtko doko upạs oco daṛekekoa?

Luk 5:35

Menkhan okte darae kana Jãwãe beṭa do onko ṭhen khone idiocokʼa, ar unre onko doko upạsa.”

Johan 16:6

Iń do noakoń lại akawatʼpe iạte apeakʼ mon do dukte perecʼ akana.

Johan 3:29

Okoe ṭhen bạhui jimạ ocoakan uni kangeae jãwãe do. Ar lomta koṛa do jãwãe beṭawakʼ kathae ańjoma ar uniakʼ aṛaṅ ańjomteye rạskạkʼa. Onkage ińakʼ rạskạ hõ teheń do purạu akantińạ.

Aposkạmi 14:23

Unkin do mitʼke mitʼ manḍerre maraṅ mukhiyạ kin bahalketʼkoa ar okoe Probhu cetanreko biswạs akan tahẽkan, koejoṅ ar upạste uni Probhuakʼ tirege manḍerren hoṛkokin jimạkatʼkoa.

1 Korinthiko 7:5

Alope apan ạpinokʼa; menkhan solha mitʼkate koejoṅ lạgitʼ thoṛa din apan ạpin tahẽ hataṛokʼpe; ona tayom do ar hõ mitʼ ṭhenokʼpe jemon apeakʼ bin sambṛao iạte Soetan aloe biḍạupe.

2 Korinthiko 11:27

Mạsiakʼ sapʼdapʼ kạmire kosṭoreń paṛaolenre hõ ạḍiń khaṭao akana. Aema ńindạ jagwariń tahẽkana, reṅgecʼ ar tetaṅreń paṛaolena begor jomteń tahẽkana, rabaṅ ar laṅgaṭteń kosṭolena.

Johan sodor 19:9

Ona tayom uni serma goḍet doe metadińạ, “Noa katha olme, Bheḍa Hoponakʼ bapla bhojre okoekoko neota ocoakan onko doko bhạgangea.” Uni do noa katha hõe menkeda, “Noako do Isorakʼ katha kana, ar ona do sạrigea.”

Johan sodor 21:2

Ar ona sonot nagraha, metakʼme nawa Jerusalem do serma khon ar Isor ṭhen khon pheḍ hijukʼ kaniń ńelkeda. Cetʼleka bạhu do acʼren jãwãe lạgitʼe sajaoakan, onkage noa nagraha hõ sajao ocoakan tahẽkana.