Mathae 8:29 - Santali Common Language New Testament

²⁹ Unkin do nonkan haḍrapkin tahẽkana, ona horte okoe hõ bako parom daṛeakʼkan tahẽkana. Ado kikiạuatekin menkeda, “E Isorren Hopon, ale tulucʼ amakʼ do cetʼ? Okte ạuri hoyokʼrege sasetle lạgitʼem hecʼakana?”

সান্তালী বাইবেল

²⁹ Unkin do nonkan haḍrapkin tahẽkana, ona horte okoe hõ bako parom daṛeakʼkan tahẽkana. Ado kikiạuatekin menkeda, “E Isorren Hopon, ale tulucʼ amakʼ do cetʼ? Okte ạuri hoyokʼrege sasetle lạgitʼem hecʼakana?”

Mathae 8:29 Iomraidhean Croise

Mathae 4:3

Unre Soetan do hecʼkate uniye metadea, “Isorren Hopon kan khanem enḍekhan noako dhiri piṭhạ hoe ocoeme.”

Mathae 8:30

Onko khon thoṛa sạṅgiń ńokʼre ạḍi utạr sukriko ạtińkan tahẽkana.

Mark 1:24

Uni do ãṭ aṛaṅte hohoateye menkeda, “E Nasaretren Jisu, ale tulucʼ amakʼ do cetʼ? Nosṭole lạgitʼem hecʼ akana? Baḍaegeạń am dom okoe kana; am do Isorren uni sonoticʼ kanam.”

Mark 3:11

Ar bạṛicʼ jiuko do uniko ńelle khange uni samaṅreko bhindạṛokʼkan tahẽkana ar kikiạuateko metaekan tahẽkana, “Am dom Isorren Hopon kana.”

Luk 4:34

“E Nasaretren Jisu, ale tulucʼ amakʼ do cetʼ? Nosṭole lạgitʼem hecʼakana? Baḍaegeạń okoe kanam; am do Isorren uni sonoticʼ kanam.”

Luk 4:41

Unre ạḍi utạr hoṛko khon bạṛicʼ jiuko hõko oḍok calaoena. Onko bạṛicʼ jiuko do kikiạuate memenko ehopʼena, “Am dom Isorren Hopon kana.” Onko do Mạsi kanae menteko baḍae akade tahẽkana. Ona iạte uni do onkoakʼ mocae bondketʼtakoa.

Luk 8:28

Ado Jisui ńelkede khan kikiạuate otre taberente ãṭ aṛaṅteye menkeda, “Maraṅ Isorren Hopon Jisu, iń tulucʼ amakʼ do cetʼ? Dayakate alom sasetińạ.”

Johan 2:4

Jisui menkeda, “Henda go noa babotre iń tulucʼ amakʼ do cetʼ? Ińakʼ okte do ńit hõ ạuriakʼa.”

Aposkạmi 16:17

Uni kạ̃ṛmĩ do Pạul ar ale tayom tayomte hijukʼte hohoateye menetʼ tahẽkana, “Nukin hoṛ do maraṅ Isorren guti kanakin. Ar cetʼlekate kại khon bańcao ńamokʼa onagekin lạiape kana.”

Jakob 2:19

Am do mitʼ Isorrem pạtiạu akana? Bhagegea! Menkhan bạṛicʼ jiuko hõ coṅ ona mako pạtiạukʼkan ar botorteko dhak dhakaokʼkan.

2 Patras 2:4

Serma goḍetkoko kạiletʼre Isor do onko bae aṛakʼ giḍiletʼkoa, bickom norok reakʼ ńut ghaḍlakʼreye giḍiletʼkote bicạrko lạgitʼe dohoakatʼkoa.

Jihudạwakʼ ciṭhi 1:6

Ona chaḍa okoe serma goḍetko do akoakʼ ạidạri rukhiyạ baṅkate apnarakʼ jaega bạgikateko calaolen onkoakʼ katha disạipe. Ona maraṅ din reakʼ bicạr lạgitʼ Isor do onko jaejug ńutreye tol doho akatʼkoa.