Mathae 5:9 - Santali Common Language New Testament

⁹ Sulukokʼkogeko bhạgana, ente onko do Isorren hoponko ńumogokʼa.

সান্তালী বাইবেল

⁹ Sulukokʼkogeko bhạgana, ente onko do Isorren hoponko ńumogokʼa.

Mathae 5:9 Iomraidhean Croise

Mathae 5:45

Jemon hoṛko ńelpe ape do sạrige serma Babaren hoponko kanape mente. Uni do jotoko cetanre acʼren siń candoe rakapʼ ocoyedea ar dhoromko ar bedhoromkoe dakʼako kana.

Mathae 5:48

Onate aperen sermaren Baba cetʼlekae khạṭige, onkage ape hõ khạṭiko hoyokʼpe.

Luk 20:36

Onko do ar bako gujukʼa, ente onko do serma goḍet lekako hoyokʼa. Onko do Isoren hoponko hoyokʼa ente gocʼko khonko jiwetʼ beretʼ ocoakana.

Luk 6:35

Menkhan ape do aperen bạiriko dulạṛkope ar onko bhạlạikope. Ar baṅ ńam ruạṛokʼ askate pańca emakope. Enḍekhan ape lạgitʼ maraṅ kuṛại menakʼa, ar ape do sanam dayawạnicʼ Isorren hoponpe hoyokʼa, ente uni do gun baṅ manaoko ar bạṛicʼko hõe dayawako kana.

Aposkạmi 7:26

Dosar hilokʼ Mose do barea Israel hoṛ lạṛhạikane ńelketʼkinạ. Unre sulukokʼ lạgitʼe metatʼkinạ, ‘Henda ho, boehakan coṅ ben, enḍekhan aben talare cedakʼ nonka bạṛicʼ do ben beohareda?’

Romiko lạgitʼ Pạul Apostolakʼ ciṭhi 12:18

Daṛeakʼ bhor sanam hoṛko sãote sulukte tahenpe.

Romiko lạgitʼ Pạul Apostolakʼ ciṭhi 8:14

ente okoe Isorren Jiu hoteteko ạyur ocokʼkan onkoge Isorren hoponko hoyokʼa.

Romiko lạgitʼ Pạul Apostolakʼ ciṭhi 8:16

Sonot Jiu hõ acʼge aboakʼ ontorre noa gohae emetʼkana je, abo do Isorren gidrạko kana bon.

Romiko lạgitʼ Pạul Apostolakʼ ciṭhi 8:19

Isorren hoponko tinre ona ṭhonokteko sodorokʼa ona lạgitʼ sanam sirjon do gagocokʼ tulucʼe ńel horeda.

1 Korinthiko 6:6

Ona bodolte ape do boeha birudrepe lạliskana, ar ona hõ bepạtiạrko ṭhenge!

2 Korinthiko 13:11

E boehako, jotowakʼko sudhrạupe ar sạbitokʼpe. Ińakʼ katha luturakʼpe, ar mitʼ monokʼpe, ar sulukte tahenpe. Enḍekhan dulạṛren ar sulukren Isor do ape tulucʼe tahena.

2 Korinthiko 5:20

Onate Mạsi ńutumte paṭhaonako lekate ale do kathale roṛeda. Isor hõ acʼge ale hotete hoṛko ṭhene nehõrokʼ kana. Onate Mạsi ńutumte noale ajijokʼ kana, “Jemon Isor tulucʼ pe mitʼ ruạṛokʼ.”

Galathiko lạgitʼ Pạul Apostolakʼ ciṭhi 5:22

Menkhan sonot Jiu reakʼ jo do, dulạṛ, rạskạ, suluk, sobori, susṭob, bhạlại, pạtiạr,

Ephesiko lạgitʼ Pạul Apostolakʼ ciṭhi 4:1

Onate Probhure kạidi akanicʼ iń nehõrape kana, Isor oka lạgitʼe hohoakawatʼpe ona reakʼ lek leka colonpe.

Philipiko lạgitʼ Pạul apostolakʼ ciṭhi 4:2

Euodiạ ar Suntukh, iń do biseskaete noań nehõraben kana, Probhu tulucʼ ben kolom mitʼ akante aben do mitʼ mon akae jemon ben tahen.

Kolossiko lạgitʼ Pạul Apostolakʼ ciṭhi 3:13

Ape apere sahaokʼpe ar jãhãe birudre apeakʼ jãhãn dos reakʼ menakʼtae khan uni do ikạkaepe. Probhu cetʼlekae ikạ akatʼpe onkage ape hõ eṭakʼko ikạkako lektapea.

Ibriko 12:14

Sanam hoṛko tulucʼ sulukte tahen ar sonot hoyokʼ lạgitʼ ahkaokʼpe. Sonot begor Probhu do okoe hõ bako ńelńamea.