Mathae 5:48 - Santali Common Language New Testament

⁴⁸ Onate aperen sermaren Baba cetʼlekae khạṭige, onkage ape hõ khạṭiko hoyokʼpe.

সান্তালী বাইবেল

⁴⁸ Onate aperen sermaren Baba cetʼlekae khạṭige, onkage ape hõ khạṭi hoyokʼpe.

Mathae 5:48 Iomraidhean Croise

Mathae 5:16

Onkage apeakʼ marsal do hoṛko samaṅre jolokʼtapema, jemon apeakʼ bhage kạmi ńelte aperen sermaren Babako sarhaoe.

Mathae 5:45

Jemon hoṛko ńelpe ape do sạrige serma Babaren hoponko kanape mente. Uni do jotoko cetanre acʼren siń candoe rakapʼ ocoyedea ar dhoromko ar bedhoromkoe dakʼako kana.

Mathae 5:47

Eken apekoren hoṛgepe joharakokan khan enḍekhan eṭakʼko khon bạ̃ṛti do cetʼpe cekayeda? Boṅgan hoṛ jạtrenko hõ cetʼ bako onkayeda?

Luk 6:36

Aperen baba cetʼ lekae mãyãwạnicʼkan, onkage ape hõ mãyãwanko hoyokʼpe.

Luk 6:40

Cela do guru khon bae maraṅa, menkhan joto cecetʼakʼe ńamlere guru lekae hoyokʼa.

2 Korinthiko 13:11

E boehako, jotowakʼko sudhrạupe ar sạbitokʼpe. Ińakʼ katha luturakʼpe, ar mitʼ monokʼpe, ar sulukte tahenpe. Enḍekhan dulạṛren ar sulukren Isor do ape tulucʼe tahena.

2 Korinthiko 13:9

Ente alele nijorlenre ar ape do jorankope hoelenre unre ale dole rạskạkʼ kana. Arle koejoṅ kana jemon jotowakʼpe sudhrạute sạbit utạrokʼ secʼpe laha idikʼ.

2 Korinthiko 7:1

E dulạṛiạ gateko, abon lạgitʼ noako gokʼakʼ menakʼte delabon, jel ar jiu reakʼ joto chut khon apnar bon saphakʼ ma, ar Isor botorae tulucʼ sonot reakʼ hortebon laha idikʼma.

Ephesiko lạgitʼ Pạul Apostolakʼ ciṭhi 3:1

Noa iạte iń Pạul do Isor ṭheniń koejoṅ kana. Ape okoe do boṅgan hoṛ jạtrenko kanpe ape lạgitʼge iń do Mạsi Jisuren kạidiń hoeakana.

Kolossiko lạgitʼ Pạul Apostolakʼ ciṭhi 1:28

Ale do uni Mạsi reaṅle porcareda, metakʼme Isorakʼ asambheṛ akel salakʼ mimitʼ hoṛle sontoretʼkoa arle cetʼako kana, jemon Mạsi hotetele purun daṛeako.

Kolossiko lạgitʼ Pạul Apostolakʼ ciṭhi 4:12

Epaphrase hõe joharape kana. Uni do aperen hoṛko modren mitʼ hoṛkanae ar uni do Jisu Mạsiren golamge. Uni do siń sạṭupʼ ape lạgitʼe koeyeda jemonpe sạbit utạrokʼ ar jotowakʼre Isorakʼ mone joṅakʼ baḍaekate khạṭi akanpe teṅgo ṭarhao daṛeakʼ.

Jakob 1:4

Ar ona soborige apeakʼ jionre purạte kạmire lagaope, jemon gạkhuṛ arpe niphuṭ utạr daṛeakʼ, metakʼme apeakʼ colonre okulạn alo tahen ma.

1 Johan 3:3

Okoe Mạsire noa ase dohoe uni do apnare khạṭikʼ kana cetʼleka Mạsiye khạṭige.