Mathae 4:24 - Santali Common Language New Testament

²⁴ Uniakʼ katha do Siriạ disạm reakʼ sanam jaegakore pasnao idiyena. Ar hoṛko do ạḍi lekan rog bighinte sasetokʼkanko, bhut capaṛ akatʼko, mirgi ar mitʼ kaṛ gocʼ rogteko jạbun akanko Jisu ṭhenko ạguketʼkoa. Ar uni do onko sanamkoe bogeketʼkoa.

সান্তালী বাইবেল

²⁴ Uniyakʼ katha do Siriạ disạm reakʼ sanam jaegakore pasnao idiyena. Ar hoṛko do ạḍi lekan rog bighinte sasetokʼkanko, bhut capaṛ akawatʼko, mirgi ar mitʼ kaṛ gocʼ rogteko jạbun akanko Jisu ṭhenko ạguketʼkoa. Ar uni do onko sanamkoe bogeketʼkoa.

Mathae 4:24 Iomraidhean Croise

Mathae 12:22

Inạ tayom bhut capaṛ akawade mitʼṭen hoṛ do Jisu ṭhenko ạgukedea. Uni do guṅgạ ar kãṛãgeye tahẽkana. Ar Jisu do uniye bogekedea.

Mathae 14:1

Onako oktere Herod do Jisu reaṅe ańjomketʼ khan acʼren kạmiạkoe metatʼkoa, “Nui doe Johan bạbạptisicʼ kana; unige gocʼko khone jiwetʼ beretʼ akana.

Mathae 15:22

Ar ńelpe, Kananren mitʼṭen maejiu do oḍok hecʼkate hohoateye menkeda, “E Probhu, Dạudren Hopon, mãyãwạńme baṛe, ente hoponerań do bạṛicʼ jiue capaṛ akawadete ạḍitetʼe sasetokʼ kana.”

Mathae 17:15

“E Probhu hoponiń baṛe mãyãwaeme. Uni do mirgi rogte ạḍiye sasetokʼkana. Ente ghane uni do seṅgelre ar ghane do dakʼreye bhindạṛokʼa.

Mathae 17:18

Ado Jisu uniye dhomkaokede khan bạṛicʼ jiu do uni khone oḍok calaoena, ar koṛa do unregeye boge utạrena.

Mathae 4:23

Jisu do Gạlil Prodesh reakʼ sanam jaegakore dãṛã dãṛãte Jihudikoakʼ sunạgogkore cetʼakoe ehopʼena. Ona chaḍa uni do serma raj reakʼ bhage sombat porcar ar hoṛkoakʼ sanam lekan rog bighin ar ruạ hasokoe bogeyetʼtako tahẽkana.

Mathae 8:28

Inạ tayom Jisu do doreão hanasa Gadarikoakʼ elakateye calaoena. Unre bạṛicʼ jiu capaṛ akatʼkin barhoṛ do mạ̃ṛĩ poḍa khon oḍokente Jisu ṭhenkin hecʼena.

Mathae 8:33

Ar okoekoko gupikan tahẽkan onko do atoteko ńir senente jotowakʼko lạikeda. Ḍherkaete onko do bhut capaṛ akatʼkin hoṛ reaṅko lạikeda.

Mathae 8:6

“E Probhu, ińren guti do aṭetʼreye jaṛao akana. Uni do mitʼkaṛ gocʼ rogte ạḍitetʼe sasetokʼ kana.”

Mathae 9:26

Ar noa katha do ona elaka reakʼ sanam jaegare pasnao idiyena.

Mathae 9:35

Jisu do nagraha nagraha ar ato ato senkate sunạgogkore cetʼako ar serma raj reakʼ bhage sombat porcarakoe ehopʼena. Ona chaḍa sanam lekan ruạ hasokoe bogeyetʼtako tahẽkana.

Mark 1:28

Ar noa iạte Gạlil Prodesh reakʼ joto jaegakore Jisuakʼ katha do ạḍi usạra pasnao idiyena.

Mark 1:32

Ado enhilokʼ candoe hạsuren khan ạyupʼ jokhecʼ hoṛko do joto lekan rugi ar bhut capaṛ hoṛko Jisu ṭhenko ạguketʼkoa.

Mark 2:3

Ona jokhecʼ mitʼṭen mitʼkaṛ gocʼ rog hoṛ do pon hoṛte gokʼkate uni ṭhenko ạgukedea.

Mark 2:4

Menkhan bhiṛ iạte Jisu ṭhen bako idi seṭer daṛeadea. Onate onko do Jisu okareye tahẽkan ṭhik ona coṭ reakʼ calko ocokʼkeda. Ar ona phãkte parkom sudhạ uni rugi hoṛ do latarteko pheḍgotʼkadea.

Mark 2:9

Nui rugi hoṛ do okaṭakʼ metae algawa, ‘amakʼ kại ikạyen tama’ se, ‘beretʼkate, amakʼ parkom kuṭuṅtam ar taṛamme?’

Luk 2:2

Siriạren disạm cakʼlaoicʼ Kurinio oktere niạge pạhil dhao ńutum ol ocoe hoelena.

Luk 4:14

Jisu do sonot Jiu reakʼ daṛeteye perecʼen khan Gạlil Prodesteye ruạṛ calaoena. Ar uniakʼ sombat do ona ṭoṭha reakʼ goṭa ṭạnḍire pasnao idiyena.

Luk 4:38

Inạ tayom Jisu do sunạgog bạgikate Simonakʼ oṛakʼteye calaoena. Unre Simonren hanhartetʼ do ruạteye jạbun akan tahẽkan. Ar uni bogeye lạgitʼ Jisuko nehõradea.

Luk 5:15

Enrehõ Jisuakʼ sombat do arhõ pasnao idiyena. Uniakʼ katha ańjom lạgitʼ ar rog khon bogekʼ lạgitʼ ạḍi utạr hoṛ do uni ṭhen hijukʼko ehopʼena.

Luk 5:24

Menkhan jemonpe baḍae daṛeakʼ Manwa Hopon do dhạrtire kại ikại reakʼ ektiạri menakʼtaea mente,” Khange Jisu do uni mitʼ kaṛ gocʼ rog hoṛe metadea, “Metam kạnạń, ma beretʼme, parkom kuṭuṅtam ar oṛakʼ calakʼme.”

Luk 7:17

Jisuakʼ noa katha do Jihudạ Prodes ar ona beṛhaeteakʼ sanam jaegakore pasnao idiyena.

Johan 10:21

Eṭakʼko doko menkeda, “Noa do bhut capaṛ hoṛakʼ katha do baṅkana. Bhut do cetʼ kãṛã hoṛakʼ mẽtʼe beṅgetʼ oco daṛekea?”

Aposkạmi 10:38

Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Aposkạmi 15:23

Ado onko hotete noa ciṭhiko kolkeda: Antiokiạ, Siriạ ar Kilikiạren biswạs akan boṅgan hoṛ jạtren boehako ṭhen ale apostolko ar manḍerren murubiko, metakʼme aperen boehako do noa ciṭhile olape kana. Apeakʼ suluk hoyokʼma.

Aposkạmi 15:41

Pạul do Siriạ ar Kilikiạ talateye parom calao idiyente sanam manḍerkore pạtiạukoe keṭecʼketʼtakoa are daṛe ocoketʼkoa.

Aposkạmi 28:9

Ado noa ghoṭna tayom ona dipren sarecʼ sanam rugiko hecʼkateko boge ocoyena.

Aposkạmi 8:7

Ar ḍher hoṛko khon bạṛicʼ jiuko do ãṭ aṛaṅte hohoateko oḍokena ar mitʼkaṛ gocʼ hoṛ ar leḍhako hõko bogeyena.