Mathae 27:19 - Santali Common Language New Testament

¹⁹ Ado Pilạt tinre bicạr duṛupʼakʼreye duṛupʼ akan tahẽkana unre uniren oṛakʼ hoṛ do kathae roṛgotʼkada, “Uni dhoromicʼ do jãhãnakʼ alom cekaea, ente uni iạte teheń kukmũte ạḍi duk iń ńamakada.”

সান্তালী বাইবেল

¹⁹ Ado Pilạt tinre bicạr duṛupʼakʼreye duṛupʼ akan tahẽkana unre uniren oṛakʼ hoṛ do kathae roṛgotʼkada, “Uni dhoromicʼ do jãhãnakʼ alom cekayea, ente uni iạte teheń kukmũte ạḍi duk iń ńam akada.”

Mathae 27:19 Iomraidhean Croise

Mathae 1:20

Ado Joseph noako reakʼ tinreye gunạnokʼkan tahẽkana unre Probhuren mitʼṭen goḍet do kukmũte uni ṭhen ńel ocoyenteye menkeda, “E Dạud bõsren Joseph; Mạriạm baplaye do alom botorokʼa, ente uniakʼ kukhire okoeye janam akan uni do sonot Jiu reakʼ daṛetegeye janam akana. Uniren do mitʼṭen koṛa gidrại hoyokʼtaea.

Mathae 2:19

Herode gocʼen khan Probhuren mitʼṭen goḍet do Misor disạmre Joseph ṭhen kukmũte ńel ocoyenteye menkeda,

Mathae 2:22

Ona jokhecʼ Jihudạre Herod tayom uniren hopon Arkhilạus do raje tahẽkana. Ar Joseph do noa kathae ańjomketʼ khan onḍe calakʼ doe botorena. Tayomte uni do kukmũte hukume ńamketʼ khan Gạlil Prodeshteye calaoena,

Mathae 27:18

Ente Pilạt doe baḍaekan tahẽkana, onko do hiskạ iạte Jisuko soprotakadea.

Mathae 27:24

Pilạt do cetʼ hõ bae dhejeda bickom arhõ gulmal hoyokʼ kane ńelketʼ khan dakʼ hataokate hoṛko samaṅre ti ạbukenteye menkeda, “Nui hoṛakʼ mãyãm lạgitʼ iń do bạń dạyikokʼa; apege ńeljoṅpe.”

Mathae 27:4

“Kại akadạń, ente bin dusạnicʼ gocʼ ocoye lạgitʼ iń soprot akadea.” Onkoko metadea, “Onate aleakʼ do cetʼ? Amge ńeljoṅme.”

Luk 23:41

Alaṅ ma lek reakʼ ar kạmi akatʼ lekage sạjại laṅ ńametʼ, menkhan nui do cetʼ hõ bae dos akada.”

Luk 23:47

Noa ńelte Romren subedar do Isor sarhaokedeteye menkeda, “Sạrige nui do bin dusạngeye tahẽkana.”

Johan 19:13

Noa katha ańjomkate Pilạt do Jisu bahreteye ạgukedea ar dhirite tolakʼ mitʼṭen bicạr jaegareye duṛupʼena. Ibrite ona jaega do Gabbathako metakʼkan tahẽkana.

Aposkạmi 12:21

Unre Herod do mitʼṭen dine goṭakeda. Ar ona dinre uni do raj kicricʼ horokʼkate siṅghạsonreye duṛupʼena ar onko hoṛe galmaraoatʼkoa.

Aposkạmi 18:12

Ado Gallio tinre Akhaearen disạm cakʼlaoicʼ tahẽkana unre Jihudiko do jomkao mitʼkate Pạulko sapʼkedea ar bicạre lạgitʼ adalotteko ạgukedea.

Aposkạmi 18:16

Noa katha menkate uni do adalot khon oḍokko lạgitʼe hukumkeda.

Aposkạmi 18:17

Unre Jihudiko do sunạgogren mukhiyạ Sosthenesko sapʼkedete adalot samaṅregeko dalkedea; menkhan Gallio do cetʼge bae mẽtʼ luturada.

Aposkạmi 25:10

Unre Pạul doe menkeda, “Iń do ńitokʼ Kạisạrakʼ bicạr duṛupʼakʼ samaṅreń teṅgo akana ar Rom sorkar ṭhen bicạr ocokʼge lek kantińạ. Am hõ bes okocʼtem baḍaegea je, Jihudiko cetanre jãhãn behokakʼ do bạń kạmi akada.

Aposkạmi 25:17

“Ado onko Jihudiko iń sãoteko hecʼen khan begor bilomte dosar hilokʼge bicạri lạgitʼ iń duṛupʼena ar uni hoṛ ạguye reakʼ iń hukumkeda.

Aposkạmi 25:6

Phestus do onko talare irạl se gel din tahẽkate Kạisạriạteye ruạṛ calaoena. Ar dosar hilokʼ uni do bicạr duṛupʼakʼreye duṛupʼente acʼ samaṅre Pạul ạguye lạgitʼe hukumkeda.

1 Patras 2:22

Uni do bae kại akada uniakʼ mocare jãhãn phor phundi baṅ tahẽkana.

1 Johan 2:1

E ińren dulạṛiạ gidrạko, jemon alope kại, onate ape ṭhen noako kathań olede. Ar jãhãegeye kại eman akatʼ khan enḍekhan Baba ṭhen roṛ goṛo abon lạgitʼ mitʼ hoṛ menaea; uni do Jisu Mạsige, one uni doe dhoromicʼkan.