Mathae 24:42 - Santali Common Language New Testament

⁴² “Onate ape do jagwar akae tahenpe, ente bape baḍae hilokʼrege aperen Probhu doe hijukʼa.

সান্তালী বাইবেল

⁴² “Onate ape do jagwar akae tahenpe, ente bape baḍae hilokʼge aperen Probhu Isor doe hijukʼa.

Mathae 24:42 Iomraidhean Croise

Mathae 24:36

“Menkhan okoe hõ ona din ar ona okte reakʼ do bako baḍaea, sermaren goḍetko hõ baṅ, Hopon hõ baṅ, eken Babageye baḍaea.

Mathae 24:43

Menkhan noa baḍaepe, oṛakʼ kisạ̃ṛe baḍaele khan oka pohor kombṛoe hijukʼa, enḍekhan uni do ebhengeye tahẽkokʼa, ar acʼakʼ oṛakʼ do ohogeye bhugạkʼ ocolea.

Mathae 24:44

Onate ape hõ sapṛao akan tahenpe, ente bape hudisetʼkan ghuṛirege Manwa Hopon doe hijukʼa.

Mathae 25:10

Ado onko lilhi kuṛi sunum kirińko sen akan tahẽkanrege Jãwãe beṭa doe hecʼena. Ar unre sapṛao akan tahẽkan kuṛiko do Jãwãe beṭa sãote bapla oṛakʼteko boloyena. Ar sanamkoko boloyen khan silpiń do sińena.

Mathae 25:13

“Onate jagwar akae tahenpe, ente ona din se ona okte reakʼ katha do bape baḍaea.”

Luk 21:34

“Sontor akae tahenpe, jemon apeakʼ mon do rij roṅ, ńũ bulokʼ ar gharońj reakʼ dạndite ten alo tahentape.

Luk 21:36

Onate jagwar tahenpe ar koejoṅpe jemon jãhãnakʼge hecʼape onakope parom idite Manwa Hopon samaṅrepe teṅgo daṛeakʼ.”

Romiko lạgitʼ Pạul Apostolakʼ ciṭhi 13:11

Un ghạṛicʼ okań roṛketʼ, ńit reakʼ okteko bujhạukate onka leka calakʼpe. Jạpitʼ khon ebhenokʼ reakʼ okte hoeakana, ente abo tinre bon pạtiạulen, un khon boroṅ ńitokʼge bańcao ńam reakʼ okte do artetʼ sorakana.

1 Korinthiko 16:13

Ape do jagwar tahenpe, biswạsre keṭecʼte teṅgo akan tahenpe, jhũkokʼpe ar daṛeanko hoyokʼpe.

1 Thessalonikikko 5:6

Onate eṭakʼko leka alo bon jạpitʼ joṅma, bickom jagwar akae bon tahente apnar bon sambṛaokʼma.

1 Patras 4:7

Nitokʼ do sanamakʼ reakʼ mucạtʼ okte seṭerakana. Onate apeakʼ mon do kajak akae dohoepe ar apnarte sambṛaokʼpe jemonpe koejoṅ.

1 Patras 5:8

Apnar sambṛaokʼpe ar sontorakae tahenpe, ente aperen bạiri Soetan do hạnḍrạukʼkan dhạcri kul lekae dhãoṛa dhạ̃uṛi baṛaekana jãhãegeye utʼgotʼkaea mente.

Johan sodor 16:15

Jisui meneda, “Ńelme, iń do kombṛo lekań hijukʼa. Bhạgangeae uni hoṛ, one okoe do jagware tahenkan ar acʼakʼ kicricʼkoe jogao dohoyetʼ, jemon laṅgaṭ alaoe dãṛãn ar hoṛko hõ uniakʼ lajaotetʼ aloko ńeltae.”