Mathae 23:34 - Santali Common Language New Testament

³⁴ Onate iń do nạbiko, ạkilanko, ar sostor baḍaeko ape ṭheniń koletʼkoa. Ar ape do onko modren adomko dope gocʼkoa ar adomko dope kruskoa. Ar adomko do apeakʼ sunạgogkorepe cạbukkoa ar mitʼ nagraha khon eṭakʼ nagrahatepe laga baṛakoa.

সান্তালী বাইবেল

³⁴ Ona iạte iń do nạbiko, ạkilanko, ar sostor baḍaeko ape ṭheniń koletʼkoa. Ar ape do onko modren adomko dope gocʼkoa ar adomko dope kuruskoa. Ar adomko do apeakʼ sunạgogkorepe cạbuktepe dalkoa ar mitʼ nagraha khon eṭakʼ nagrahatepe laga baṛakoa.

Mathae 23:34 Iomraidhean Croise

Mathae 10:23

Mitʼ nagrahare santao arko khedlepere eṭakʼ nagrahate dạṛpe. Sạrigeń metapekana, Israel disạm reakʼ sanam nagraha ar atokore ạuripe kạmi purạurege Manwa Hopon doe hijukʼa.

Mathae 13:52

Unre Jisui metatʼkoa, “Serma raj reaṅko cetʼakawan mitʼke mitʼ sostor baḍaeko do mitʼṭen oṛakʼ kisạ̃ṛ lekan kanako one okoe do acʼakʼ gola khon nawanakʼ ar mareakʼkoe oḍokketʼ.”

Mathae 23:31

Onate apnar birudre gohape emeda je, ape do nạbikoko khũnletʼkoren hoponko kanape mente.

Luk 24:47

Arhõ ol menakʼa, Jerusalem khon ehopʼkate sanam jạtko ṭhen kại ikạkʼ lạgitʼ mon ạcur porcarokʼa.

Johan 16:2

Sunạgog khonko oḍok idipea; ar nonkan okte hijukʼ kana one okoe apeko gocʼpe onko doko monejoṅa, Isorgeko sewawae kana mente.

Johan 20:21

Jisu do arhõe metatʼkoa, “Suluk ape ma. Baba cetʼleka ińe kolakadiń onkage iń hõ apeń koletʼpea.”

Aposkạmi 1:8

Menkhan sonot Jiu apereye hecʼlenre ape do daṛepe ńama, ar Jerusalem, goṭa Jihudạ, Samariạre, hẽ, dhạrti reakʼ mucạtʼ simạ hạbicʼge ińren gohakope hoyokʼa.”

Aposkạmi 11:27

Onako dinre adom nạbiko do Jerusalem khon Antiokiạteko hecʼena.

Aposkạmi 12:2

Uni do Johanren boeha Jakob tarwaṛeteye khũn ocokedea.

Aposkạmi 13:1

Antiokiạ manḍerre do thoṛa nạbi ar cecetʼkoko tahẽkana. Onkoakʼ ńutum do Barnabas, Nigerko metaekan Simeon, Kurene nagraharen Lukius, disạm cakʼlaoicʼ Herod sãoteye ạsul haralen Manaen ar Sạul.

Aposkạmi 14:19

Ado Antiokiạ ar Ikonium khon adom Jihudiko hecʼkate Pạul ar Barnabas birudre hoṛkoko bhiṅgṛạuketʼkoa. Unre Pạul do dhiriteko tińkedea ar gocʼenae hudiskate nagraha bahreteko or idikadea.

Aposkạmi 15:32

Jihudạ ar Silạs apnarhõ nạbi kin tahẽkana; onate unkin do aemakin galmaraoatʼkote onḍenko boehakin udgạuketʼkoa ar onkoakʼ pạtiạukin keṭecʼ ocoketʼtakoa.

Aposkạmi 5:40

Unre Gamalielakʼ katha leka mukhiyạko doko mitʼ motena. Onko do apostolko bhitrite hoho idikate dalko lạgitʼko hukumkeda. Ar ona tayom doko aṛakʼkatʼkoa arko hukumatʼkoa Jisu reaṅ jemon jãhãnakʼ ar aloko roṛ baṛae.

1 Korinthiko 2:6

Okoe Mạsiakʼ Jionreko hara sạbitʼ akan onko ṭhen do akel reakʼ kathagele roṛeda; menkhan ona akel do noa dhạrti reakʼ baṅkana, se noa jugren mukhiyạkoakʼ hõ baṅkana one okoe doko parom calakʼko kan;

1 Korinthiko 3:10

Isor ṭhen khon oka dayań ńamakatʼ ona hotetege iń do gạkhuṛ kạrigol leka rehetʼ iń bạisạu akada, ar eṭakʼko do ona cetanre oṛakʼko benao kana. Menkhan okoe okalekae benaokan ona reaṅ uni doe sontorokʼma.

Kolossiko lạgitʼ Pạul Apostolakʼ ciṭhi 1:28

Ale do uni Mạsi reaṅle porcareda, metakʼme Isorakʼ asambheṛ akel salakʼ mimitʼ hoṛle sontoretʼkoa arle cetʼako kana, jemon Mạsi hotetele purun daṛeako.

1 Thessalonikikko 2:16

Onko do aleko tạkicʼ darametʼlea jemon boṅgan hoṛ jạtrenko kại khon bańcaoko lạgitʼ jãhãn kathako alole lại daṛeako. Nonkate onko Jihudiko do siń sạṭupʼ kại cetan kạiko bojha joṅkana, ar Isorakʼ edre do purạte onkore hecʼ paṛaokʼ kana.

Ibriko 11:37

Dhiriteko tiń ocoyena, ạriteko getʼ paṛakʼ ocoyena ar tarwaṛeteko gocʼ ocoyena. Onko doko santao ocolena ar bạṛicʼko beohar ocolena, ar akoṭreko paṛaoen khan bhiḍi ar meromakʼ harta horokʼkateko ạcur baṛaekan tahẽkana.

Johan sodor 11:10

Onko do unkinakʼ mạ̃ṛĩ bako topa ocowakʼa. Ar unkin kin gocʼ akante noa dhạrtirenko doko kusikʼa arko rạskạkʼa. Hoṛko do sandesko kopola, ente okoe doko noa dhạrtiren kan onko do nukin barea nạbi iạte ạḍi ãṭ kosṭoko ńamleda.