Mathae 18:3 - Santali Common Language New Testament

³ “Sạrigeń metapekana, mon ạcurkate kạṭicʼ gidrạko leka bape hoelen khan serma rajre ohogepe bolo daṛelena.

সান্তালী বাইবেল

³ “Sạrigeń metapekana, mon ạcurkate kạṭicʼ gidrạko leka bape hoylen khan serma rajre ohogepe bolo daṛelena.

Mathae 18:3 Iomraidhean Croise

Mathae 13:15

Noko hoṛkoakʼ ontor do goṛdho akana ar lutur hõ tepetʼakan takoa, onko do mẽtʼko jạpitʼ akada, jemon mẽtʼte aloko ńeńel, luturte aloko ańjom ar ontorte aloko bujhạu, ar bogekʼ lạgitʼ iń ṭhen aloko ruạṛ hijukʼ.

Mathae 18:2

Unre Jisu do mitʼṭen kạṭicʼ gidrạ hoho sorkate onko talare teṅgo kedeteye metatʼkoa,

Mathae 18:4

Onate jãhãege nui kạṭicʼ gidrạ leka acʼteye nindhạnokʼ unige serma rajre sanamko khone maraṅa.

Mathae 19:14

Jisu do onkoe metatʼkoa, “Kạṭicʼ gidrạko iń ṭhen hecʼ ocoakope, alope manakoa, ente serma raj do nonkankoakʼ kangea.”

Mathae 19:23

Unre Jisu do acʼren celakoe metatʼkoa, “Sạrigeń metapekana, kisạ̃ṛ hoṛko lạgitʼ serma rajte bolokʼ do muskilgea.

Mathae 5:18

Sạrigeń metapekana, serma ar dhạrti ạuri cabakʼ hạbicʼ, ạn-ạri reakʼ sanamakʼ kathako ạuri purạukʼ hạbicʼ ona ạn-ạri reakʼ mitʼ akhor se ṭuḍạkʼ hõ oho meṭaolena.

Mathae 5:20

Ińiń metapekana, apeakʼ dhorom do Phạrusiko ar sostor baḍaeko khon baṅ soroslentape khan ape do serma rajre ohogepe bolo daṛelena.

Mathae 6:16

‘‘Apepe upạsre phạsiạrako leka mẽtãhã do alope mirluṅtapea. Ente onko do hoṛko ṭhen udugokʼ lạgitʼko upạseda ar bohokʼ ar mẽtãhãre torocʼko ojokʼ joṅkana. Sạrigeń metapekana onko do akoakʼ kuṛạiko ńam horayeda.

Mathae 6:2

“Onate koeyem emokʼre phạsiạra hoṛko leka do alom onkaea. Ente onko do hoṛko ṭhen sarhao ocokʼ lạgitʼ sunạgogre ar kulhikore siṅgạ oroṅate koeko emakokana. Sạrigeń metapekana, onko do akoakʼ kuṛạiko ńam horayeda.

Mathae 6:5

‘‘Apepe koejoṅre phạsiạra hoṛko leka do alope onkaea, ente onko do hoṛko ṭhen ńel ocokʼ lạgitʼ sunạgog ar dobạṭiạkore teṅgokate koejoṅko kusiyakʼkana. Sạrigeń metapekana, onko do akoakʼ kuṛạiko ńam horayeda.

Mark 4:12

sonot sostor reakʼ katha leka, ‘ńeńel doko ńeńelgea menkhan bako oroma, ańjom doko ańjomgea, menkhan bako bujhạua. Jemon aloko ạcurokʼ ar alo ikạkʼtako.’ ”

Luk 13:24

“Sakṛa duạrte bolokʼ lạgitʼ lạgiạ paṛaokʼpe. Ińiń metapekana, ḍher hoṛge bolokʼ lạgitʼko kurumuṭuya, menkhan bako bolo daṛeakʼa.

Luk 22:32

Menkhan iń do am lạgitʼ iń koeyeda, jemon amakʼ biswạs alo ḍigạukʼtam. Am do iń ṭhenem ruạṛ hijukʼre amren noko boehakom keṭecʼkoa.”

Johan 1:51

Jisui menkeda, “Sạrigeń metapekana, serma jhicʼ akanpe ńela ar Isorren goḍetko do Manwa Hopon ṭhen pheḍ hijukʼ ar rakapʼ calakʼkanpe ńelkoa.”

Johan 3:3

Jisu do Nikodemuse metadea, “Sạrigeń metam kana, jãhãe hoṛ dosar karte bae janamlen khan Isorakʼ raj do ohoe ńel daṛelea.”

Johan 3:5

Jisui menkeda, “Sạrigeń metamkana, dakʼ ar sonot Jiu khon bae janamlen khan okoe hõ Isorakʼ rajte ohoe bolo daṛelena.

Aposkạmi 28:27

Noko hoṛakʼ ontor do goṛdhoyentakoa, lutur hõ tepetʼ akan takoa, ar mẽtʼ doko jạpitʼ akatʼtakoa, jemon mẽtʼte aloko ńeńel, luturte aloko ańjom, ar ontorte aloko bujhạu, ar bogekʼ lạgitʼ iń ṭhen aloko ruạṛ hijukʼ.

Aposkạmi 3:19

Onate kại khon mon ạcurtape ar Isor secʼ ruạṛokʼpe jemon apeakʼ kạiko meṭaokʼtape;

1 Korinthiko 14:20

E boehako, bujre gidrạko leka do alope hoyokʼa. Ar bạṛicʼakʼre apeakʼ mon do bale gidrạko leka hoyokʼtape ma, menkhan bujre do sẽṛã hoṛ lekankoge hoyokʼpe.

1 Patras 2:2

Nawa janam bale gidrạ leka apeakʼ jiure hara rakabokʼ lạgitʼ khạṭi toa ńam reakʼ gagojokʼpe, jemon onatepe hara rakabokʼte purạ puri bańcaokʼ secʼpe laha idikʼ.

2 Patras 1:11

Noa iạte aboren Probhu ar babańcaoicʼ Jisu Mạsiakʼ jaejug rajosṭire jid salakʼpe ataṅ ocokʼa.