Mathae 16:24 - Santali Common Language New Testament

²⁴ Ona tayom Jisu do acʼren celakoe metatʼkoa, “Jãhãe ińakʼ horte hijukʼ sanayede khan uni do acʼakʼ kusi sanaleka aloe calakʼma; menkhan acʼakʼ kruse gogma ar ińe pańjańma.

সান্তালী বাইবেল

²⁴ Ona tayom Jisu do acʼren celakoe metatʼkoa, “Jãhãe ińakʼ horte hijukʼ sanayede khan uni do acʼakʼ kusi sanaleka aloe calakʼma; menkhan acʼakʼ kuruse gogma ar ińe pańjańma.

Mathae 16:24 Iomraidhean Croise

Mathae 10:38

Okoe acʼakʼ krus gokʼkate bae pańjayiń uni hõ iń lek doe baṅkana.

Mathae 27:32

Ado onḍe khonko oḍok hijukʼkan tahẽkanre palṭonko do Kurini nagraharen Simon ńutuman mitʼṭen hoṛko ńamkedea. Ar Jisuakʼ krus gokʼ iditae lạgitʼko sapʼ paṭetʼkedea.

Mark 10:21

Jisu do uniye beṅgetʼadea ar dulạṛ salakʼe metadea, “Mitʼṭen jinis dom bạki akada. Do calakʼme, ar oka menakʼtam ona ạkhrińkate reṅgecʼ orecʼko dan akome. Onate sermare dhonem ńama. Ar inạ tayom do hecʼkate ińren cela hoyokʼme.”

Mark 15:21

Ado ona jokhecʼ Kurene nagraharen Simon ńutuman mitʼṭen hoṛ do ato secʼ khon ona horteye calakʼkan tahẽkana. Uni do Aleksander ar Ruphustekinren apate tahẽkana. Palṭonko do Jisuakʼ krus gokʼiditae lạgitʼko sapʼ paṭetʼkedea.

Mark 8:34

Noa tayom celako ar gadel hoṛko acʼ ṭhen hoho sorkateye metatʼkoa, “Jãhãege ińakʼ horte hijukʼe monejoṅ uni do acʼakʼ sana leka aloe calakʼma; bickom acʼakʼ krus gokʼkateye pańjayiń ma.

Luk 14:27

Okoe acʼakʼ krus gokʼkate iń tayomte bae hijukʼ, uni hõ ińren cela ohoe hoedaṛelena.

Luk 23:26

Ado Jisuko idiyede kan tahẽkanre Kureniren Simon ńutuman mitʼ hoṛ do ato secʼ khone oḍok hijukʼkan tahẽkana. Unre palṭonko do uniko sapʼpaṭetʼkedete tarenre krusko ladeadea jemon Jisu tayomte onaye gokʼ idiy.

Johan 19:17

Ar Jisu do acʼakʼ krus gokʼkate khạpriko metakʼ mitʼṭen jaegateye senena. Ona jaega reakʼ ńutum do Ibrite Golgothako metakʼkan tahẽkana.

Johan 21:19

Isorakʼ ṭhonok sodortae lạgitʼ Patrasakʼ cetʼleka gujukʼ hoyokʼtaea ona bujhạu ocoe lạgitʼ Jisu do noa kathae roṛkeda. Ar noae roṛketʼ khan Patrase metadea, “Dela pańjańme.”

Johan 21:22

Jisu do Patrase metadea, “Ạuriń ruạṛ hijukʼ hạbicʼe tahẽ hataṛokʼ khan amakʼ do cetʼ? Menkhan am do iń pańjańme.”

Kolossiko lạgitʼ Pạul Apostolakʼ ciṭhi 1:24

Ape lạgitʼ oka duk sasetiń jometʼkan onate iń doń rạskạkʼ kana. Mạsiakʼ hoṛmo reakʼ, metatʼme manḍerko lạgitʼ uniakʼ oka duk saset ńit hõ sarecʼ menakʼ ona do ińakʼ hoṛmoreń purạueda.

1 Thessalonikikko 3:3

jemon noako duk ar sasetrepe paṛaolenre okoe hõ alope pạc ruạrokʼ. Ar ape hõpe baḍaegea, duk ar saset do abon lạgitʼ dohoakana.

2Timothi 3:12

Okoe Mạsi Jisu tulucʼ joṛao mitʼkate Isor bhoktite din khemaoko menjoṅkan onko do jotogeko khed ocokʼa.

1 Patras 2:21

Isor do noa lạgitʼgeye hohoakatʼpea, ente Mạsi hõ ape iạte duk jomkate ape lạgitʼ nạmunae doho oṭoakada, jemon uni lekape colon,