Mathae 16:18 - Santali Common Language New Testament

¹⁸ Ińiń metam kana, am dom Patras kana, ar noa dhiri cetanrege ińakʼ manḍereń benao rakaba. Norok reakʼ oka daṛege onare bae jitạu daṛeakʼa.

সান্তালী বাইবেল

¹⁸ Ińiń metam kana, am dom Patras kana, ar noa dhiri cetanrege ińakʼ manḍereń benao rakaba. Norok reakʼ oka daṛege onare bae jitạu daṛeakʼa.

Mathae 16:18 Iomraidhean Croise

Mathae 10:2

Onko gelbar apostolkoakʼ ńutum do nõkʼõe nonka; pạhil do Patrasko metae Simon, ar uniren boeha Andreas, Sabdaeren hopon Jakob ar uniren boeha Johan, Philip ar Bartholomae;

Mathae 11:23

Ar E am Kaparnạhum! Baṅ do serma hạbicʼem usul ocokokʼ? Tishõ baṅa, am do patal puri hạbicʼem ńurhạ ocokʼa. Okako hahaṛa kạmi amre hoeakan, ona Sodomre hoelen khan enḍekhan teheń hạbicʼ tahẽkokʼa honaṅ.

Mathae 18:17

Ar onkoakʼ katha hõ bae ańjomle khan enḍekhan manḍerrenko lạiakome. Ar manḍerrenkoakʼ katha hõ bae ańjom khan uni do boṅgan hoṛ jạtren se mạsul uṭhạu hoṛko leka bujhạuem.

Mathae 4:18

Jisu do Gạlil doreão aṛe aṛeteye calakʼkan tahẽkanre Simon, okoe do Patrasko metaekan ar uniren boeha Andreas tạkine ńel ńamketʼkinạ. Unkin do doreãore jhạlikin oḍaokan tahẽkana, ente unkin do jạilạkin tahẽkana.

Mathae 7:24

“Onateń metapekana, jãhãege noako kathae ańjom ar ona lekae calakʼ uni do nonkan budan hoṛ kanae, okoe do dhiri cetanre oṛakʼe benaoketʼ.

Johan 1:42

Ar Andreas do Jisu ṭhen Simone ạgukedea. Jisu do Simon beṅgetʼ adeteye metadea, “Am do Johan hopon Simon kanam, menkhan am do kephasem hoho ocokʼa.” Noa ńutum reakʼ mane do Patras, metakʼme dhiri.

Aposkạmi 2:47

Onko do jao ghuṛi Isorko sarhaoede tahẽkana ar sanam hoṛge onkoko manotetʼkokan tahẽkana. Ar okoe kại khon bańcaokʼko ńametʼ tahẽkan Probhu do biswạsiko tulucʼ jao hilokʼ onkoe juṭucʼ idiketʼkoa.

Aposkạmi 20:28

Ape do apnar lạgitʼ sontor akae tahenpe, ar okoe sonot Jiu biswạsikoren horhoyicʼ lekate ape cetanreye emakan onko lạgitʼ hõ sontor akae tahenpe. Gupiyicʼ do cetʼleka acʼakʼ palren bhiḍikoe ńel todarotetʼko onkage ape hõ Isorakʼ manḍerko ńel todarotpe. Ente Isor do acʼakʼ mãyãmte onako manḍerre kirińakada.

Aposkạmi 8:1

Ar onḍe Sạul hõ uni gocʼ ocokʼre rạjigeye tahẽkana. Enhilokʼ Jerusalem manḍerren hoṛko upạrte maraṅ okocʼ khed ehopʼena. Onate apostolko chaḍa sanam biswạsiko do Jihudạ ar Samariạ disạm reakʼ ṭoṭhakoreko chir chạturena.

1 Korinthiko 15:55

“E gujukʼ okortam jit do? E gujukʼ okortam suṅgạ do?”

Galathiko lạgitʼ Pạul Apostolakʼ ciṭhi 2:9

Onko manotan hoṛ, metakʼme Jakob, Kephas ar Johan do noako ńelteko bujhạu daṛeatʼ tahẽkana, Isor ṭhen khon dayań ńamakada mente. Onko ar ạliń talare oka helmel menakʼ ona udug lạgitʼ onko do Barnabas ar iń tulucʼ jojomtiko milạukeda. Arko rạjiyena, ạliń do boṅgan hoṛ jạtrenko ṭhenliń calakʼa ar onko do Jihudiko ṭhenge.

Ephesiko lạgitʼ Pạul Apostolakʼ ciṭhi 3:10

Uni doe onkaleda jemon Mạsiakʼ manḍer hotete sermaren sanam cakʼlaoko ar ektiạrianko ṭhen aema lekate sodor akan Isorakʼ akel ńitokʼ sodorokʼ.

Ephesiko lạgitʼ Pạul Apostolakʼ ciṭhi 5:32

Noa okoakʼ do maraṅgea, menkhan iń do Mạsi ar uniakʼ manḍer reaṅ kathań roṛeda.

Kolossiko lạgitʼ Pạul Apostolakʼ ciṭhi 1:18

Ona chaḍa unige acʼakʼ hoṛmoren, metakʼme manḍerren matha kanae. Unige pạhilicʼ ar unige pạhilre gocʼko khone jiwetʼ beretʼena, jemon unige jotowakʼren maraṅicʼe hoedaṛeakʼ.

1Timothi 3:5

Jãhãe apnarakʼ gharońj calao bae baḍae khan uni do cekate Isorakʼ manḍer doe jotona?

Ibriko 12:28

Onate okaṭakʼ rajosṭi baṅ dal dalaokʼ, ona rajosṭi bon ńam joṅkante dela, Isor bon gun manao joharaema. Enḍekhan Isor okalekae kusiyakʼ ona leka bhokti ar botor salakʼ bon sewa daṛeaea.

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu ar uniren Mạsiakʼ hoyena.

Johan sodor 21:14

Ona nagraha reakʼ pạcrire gelbar goṭecʼ rehetʼ tahẽkana ar onako cetanre Bheḍa Hoponren gelbar goṭen apostolkoakʼ gelbar goṭecʼ ńutum tahẽkana.