Mathae 13:19 - Santali Common Language New Testament

¹⁹ Jãhãege serma rajosṭi reakʼ katha ańjomkatehõ bae bujhạu khan unre Soetan doe hijukʼa ar uniakʼ monre oka katha er akan onae ạtkira. Ona hor aṛere ńurlen itạ reakʼte do nonkan hoṛ reaṅge roṛ akana.

সান্তালী বাইবেল

¹⁹ Jãhãege serma rajosṭi reakʼ katha ańjomkatehõ bae bujhạu khan unre Soetan doe hijukʼa ar uniyakʼ monre oka katha er akan onae ạtkira. Ona hor aṛere ńurlen itạ reakʼte do nonkan hoṛ reaṅge roṛ akana.

Mathae 13:19 Iomraidhean Croise

Mathae 12:26

Soetan do Soetane oḍok giḍiye khan uni do apnar bhitriregeye hạṭińokʼa. Enḍekhan uniakʼ rajosṭi do cekate ṭikạukʼtaea?

Mathae 13:20

Ar cạṭạni hasare ńuren itạ reakʼte do onko reaṅ roṛ akana okoe do serma raj reakʼ katha ańjomkate unrege rạskạteko ataṅetʼkan,

Mathae 13:38

Goḍa do dhạrti kana ar bhage itạ do serma rajren hoṛ kanako. Ar Soetanren hoṛ doko sama ghãs kana.

Mathae 4:23

Jisu do Gạlil Prodesh reakʼ sanam jaegakore dãṛã dãṛãte Jihudikoakʼ sunạgogkore cetʼakoe ehopʼena. Ona chaḍa uni do serma raj reakʼ bhage sombat porcar ar hoṛkoakʼ sanam lekan rog bighin ar ruạ hasokoe bogeyetʼtako tahẽkana.

Mathae 5:37

Ape do, ‘Hẽ khan hẽ,’ ar ‘Baṅ khan baṅpe,’ Ar noa khon bạ̃ṛtiakʼ okaṭakʼkan, ona do Soetan ṭhen khonge hijukʼa.

Mark 4:15

Ar hor aṛere ńuren itạte do nonkanko reaṅge roṛ akana okoe do ona kathako ańjomketʼ, menkhan Soetan hecʼkate unrege onkoakʼ ontorre erakan kathakoe halaṅ ạtkira.

Luk 10:9

Ar ona atoren ruạkʼ hasokʼkan hoṛko bogekope ar lạiakope, ‘Isorakʼ raj do ape ṭhen sorakana.’

Luk 9:2

Ona tayom Isorakʼ raj porcar ar rugiko bogeko lạgitʼe kolketʼkoa.

Johan 18:38

Pilạt do uniye metadea, “Sạriakʼ do cetʼ kana? Noa katha menkate uni do arhõ bahrete senkate Jihudi mukhiyạkoe metatʼkoa, “Iń do nuiakʼ cetʼ dosge bạń ńametʼtaea.

Johan 8:43

Cetʼ iạte ińakʼ kathako bape bujhạueda? Ente ape do ińakʼ roṛ bape sahao daṛeakʼ kana.

Aposkạmi 17:32

Ado gocʼko arhõko jiwetʼ beredokʼa menteko ańjomketʼ khan onko modren adomko doko cigạriadea, menkhan eṭakʼko doko menkeda, “Ale do noa reaṅ arhõle ańjoma.”

Aposkạmi 18:15

Menkhan jãhãnakʼ katha reakʼ, jãhãeakʼ ńutum reakʼ ar apeakʼ ạn-ạriko babot reakʼ kan khan, enḍekhan apetege phanḍaope baṛe. Onako babot reakʼ do bạń bicạrkatapea.”

Aposkạmi 20:25

“Iń do ńitokʼ noa kathań baḍaea je, ape okoeko ṭhen senkate Isorakʼ rajosṭi reakʼ iń porcar akatʼ onko okoege iń do ar bako ńeleńa.

Aposkạmi 28:23

Onko do Pạul são ńapamokʼ lạgitʼ mitʼṭen dinko goṭakeda. Ar Pạul okareye tahẽkan onḍe do onko chaḍa arhõ aema hoṛko hecʼena. Unre Pạul do setakʼ khon ạyupʼ hạbicʼ Isorakʼ raj reaṅe galmaraoatʼkoa are bujhạuatʼkoa. Uni do Moseakʼ ạn-ạri ar nạbikoakʼ puthi khon hõ Jisu reaṅe bujhạu akokan tahẽkana.

Romiko lạgitʼ Pạul Apostolakʼ ciṭhi 1:28

Nonkate manwa do Isor bako manaoedete Isor hõ kại monreye soprotkatʼkoa, ar onatege manwa do be ṭhikakʼko kạmikana.

Romiko lạgitʼ Pạul Apostolakʼ ciṭhi 14:17

Isorakʼ rajre jom ar ńũ do maraṅakʼ do baṅkana; maraṅ katha do hoyokʼ kana, dhorom ar suluk ar rạskạge Sonot Jiure.

Romiko lạgitʼ Pạul Apostolakʼ ciṭhi 2:8

Menkhan okoe akoakʼ sana lekako senokʼ, ar sạriakʼ baṅ bataokate bedhoromakʼko bataoetʼkan, Isor do onko ạḍi bạṛicʼe sạjạikoa.

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye emakadińạ.

2 Thessalonikiko 2:12

Ar okoe sạriakʼre pạtiạukʼ baṅkate behokakʼ kạmire rạskạko ńametʼkan onko sanamko uni doe bicạr dusikoa.

Ibriko 2:1

Onate akabon ańjomakatʼ ona manao lạgitʼ arhõ moneakʼ lek tabona, jemon ona khon alo bon pharakokʼ.

1 Johan 3:12

Onateń meneda, Kạin leka jemon alo bon hoyokʼ ma. Kạin do Soetanren hoṛe tahẽkana uni do acʼren boehae khũnledea. Menkhan cedakʼe khũn ledea? Ente uni do bạṛicʼakʼkoe kạmiyetʼkan tahẽkana, ar uniren boeha do dhorome kạmikan tahẽkana.

1 Johan 5:18

Baḍaeabon, Isor khon janamicʼ do kạire bae tahena. Ar okoe Isor khone janamakan unige uni doe rukhiạyea, ar Soetan do bae joṭetʼ daṛeaea.

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼ bona jemon sạri Isor bon baḍae orom daṛeae. Okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.