Mathae 13:11 - Santali Common Language New Testament

¹¹ Uniye roṛ ruạṛatʼkoa, “Ape do serma raj reakʼ okoakʼkope baḍae ocoakana, menkhan onko do baṅ emakatʼkoa.

সান্তালী বাইবেল

¹¹ Uniye roṛ ruạṛatʼkoa, “Ape do serma raj reakʼ okoakʼkope baḍae ocoakana, menkhan onko do baṅ em akatʼkoa.

Mathae 13:11 Iomraidhean Croise

Mathae 13:10

Tayomte celako do Jisu ṭhen hecʼsorenteko metadea, “Am do golpoko hotete hoṛko cedakʼem cetʼako kana?”

Mathae 16:17

Jisui roṛ ruạṛadea, “Jona hopon Simon, am dom bhạgangea, ente okoe manwa hõ am ṭhen noa do bae sodorakada; menkhan ińren sermaren Babageye sodor akatʼmea.

Mathae 19:11

Jisui metatʼkoa, “Sanam hoṛ noa katha do ohoko manao daṛelea; menkhan okoeko em ocoakan eken onkogeko daṛeakʼa.

Mathae 20:23

Unre Jisui metatʼkinạ, “Ińakʼ bạti reakʼ ma ben ńũige, menkhan ińakʼ jojomsa ar ińakʼ leṅgasa aṛere duṛupʼko reakʼ ektiạri do bạnukʼtińạ. Ona do ińren Baba okoe lạgitʼe dohoakatʼ onkogeko ńama.”

Mark 10:40

menkhan ińakʼ jojomsa ar leṅgasare duṛupʼ ben reakʼ ektiạri do bạnukʼtińa. Onako jaega do okoe lạgitʼ tear akan eken onkogeko ńama.”

Mark 4:11

Jisui metatʼkoa, “Ape do Isorakʼ raj reakʼ sạri okoakʼkope baḍae ocoakana, menkhan eṭakʼko ṭhen do golpo talate lạiạgokʼ kana,

Luk 8:10

Unre Jisui metatʼkoa, “Ape do Isorakʼ raj reakʼ okoakʼkope baḍae ocoakana, menkhan eṭakʼko ṭhen do golpo talateń lạiyeda, jemon ńeńel tulucʼ aloko ńel ar ańjom tulucʼ aloko bujhạu.

Johan 6:65

Ona iạteye menkeda, “Onateń metapekana, Ạpuń daṛe bae emape khan okoe hõ iń ṭhen do ohope hecʼ daṛelena.”

Johan 7:17

Jãhãe uniakʼ sanaleka senokʼe menjoṅ khan enḍekhane bujhạu daṛeakʼa noa cecetʼakʼ do Isor secʼ khonakʼ kana se iń nij khoniń roṛeda.

Aposkạmi 16:14

Ar okoekoko ańjometʼkan tahẽkan onko modre Thuạtirạ nagraharen Ludiạ ńutuman mitʼṭen maejiue tahẽkana. Uni do beguni roṅ reakʼ kicricʼe kiriń ạkrińetʼ tahẽkana. Ar Jihudi bae tahẽkanre hõ uni do Isore sewawaekan tahẽkana. Probhu do Ludiạwakʼ ontor nonkae jhicʼketʼtaea jemon uni do Pạulakʼ katha monteye ańjom are pạtiạukʼ.

Romiko lạgitʼ Pạul Apostolakʼ ciṭhi 11:25

E boehako, apnarte jemon budanko alope monejoṅ onate iń do mitʼṭen sạri okowakʼ baḍae ocopeń menjoṅ kana. Ona sạriakʼ do noage, boṅgan hoṛ jạtrenkoakʼ lekha ạuri purạukʼ hạbicʼ ḍher bhag Israelkoakʼ ontor do keṭecʼge tahena.

Romiko lạgitʼ Pạul Apostolakʼ ciṭhi 16:25

Jisu Mạsi reaṅ oka bhage sombat iń porcaretʼkan ona bhage sombat hotete ṭarhao dohope reakʼ daṛe do Isorakʼ menakʼgetaea. Ar ḍher jug hạbicʼ Isor do acʼakʼ okoakʼko reaṅ okoege bae lại akawatʼkoa,

1 Korinthiko 13:2

Nạbi leka roṛ reakʼ ektiạri tahentiń, ar sanam okoakʼ iń baḍae daṛeakʼ ar joto lekan akel tahentiń, se buruko ucạṛ daṛeakʼ leka purạ biswạs tahentiń, menkhan dulạṛ bạnukʼ tiń khan, cetʼ porho hõ bạnukʼtińạ.

1 Korinthiko 15:51

Ańjompe, iń do mitʼṭen okoakʼ iń lạiape kana. Sanamkoge bon gujukʼa ona do baṅa, menkhan bon pheraokʼa;

1 Korinthiko 2:14

Okoe Jiurene baṅkan, uni do Isorren Jiu ṭhen khon oka hijukʼ ona bae aṅgoca; ente uni ṭhen ona do lelhawakʼ kana. Uni do onako bae baḍae daṛeakʼa, ente sonot Jiu bae cetʼae khan onako do ohoe tojbij daṛelea.

1 Korinthiko 2:7

menkhan ale do Isorakʼ akelte perecʼ akan okoakʼ kathakole roṛeda, one oka do dhạrti ạuri sirjạu khon Isore niṭ dohoakatʼ tahẽkan jemon uniakʼ ṭhonok reakʼ bhạgiạdar bon hoedaṛeakʼ.

1 Korinthiko 4:1

Hoṛ do nonka lekako bujhạule ma je, ale do Mạsiren sapʼdapʼko kanale ar Isorakʼ sạri okoakʼko baḍae ocoko reakʼ bhar do alerege emakana.

1 Korinthiko 4:7

Am do eṭakʼko khonem begargea mente okoe hõ bako monejoṅ kana. Nonkanakʼ cetʼ menakʼtama one okaṭakʼ do dan lekate bam ńamakatʼ? Arem ńam akatʼ khan cedakʼ begor ńamicʼ leka dom sarhaokʼ kana?

Ephesiko lạgitʼ Pạul Apostolakʼ ciṭhi 1:18

Iń do arhõń koeyeda apeakʼ ontor reakʼ mẽtʼ baṛe jhijokʼtape, jemon uniye hohoapere apeakʼ ontorre okape as akan onape bujhạu daṛeakʼ; ar ona sãote noa hõ jemonpe bujhạu daṛeakʼ je, uni ṭhen uniren hoṛko do tinạkʼ maraṅ dhon kanako ar okoeko bon pạtiạu akan aboakʼ ontorre uniakʼ tinạkʼ maraṅ daṛe kạmiye kạmikana mente. Noa do inạ mitʼ maraṅ daṛege,

Ephesiko lạgitʼ Pạul Apostolakʼ ciṭhi 1:9

Uni do okalekae khojletʼ ar Mạsi hotete okaleka laha khongeye ṭhik doho akatʼ tahẽkan, onka lekage uni do acʼakʼ okoakʼ monsubạkoe baḍae ocoletʼ bon tahẽkana.

Ephesiko lạgitʼ Pạul Apostolakʼ ciṭhi 5:32

Noa okoakʼ do maraṅgea, menkhan iń do Mạsi ar uniakʼ manḍer reaṅ kathań roṛeda.

Ephesiko lạgitʼ Pạul Apostolakʼ ciṭhi 6:19

Iń lạgitʼ hõ koejoṅpe jemon kathań roṛre Isor do nonkan pạrsiye emạń jemon dil salakʼ uniakʼ bhage sombat reakʼ sạri okoakʼkoń porcar daṛeakʼ.

Kolossiko lạgitʼ Pạul Apostolakʼ ciṭhi 2:2

Ińakʼ monejoṅakʼ do noage jemon onko do ontorre udgạuko ńamte dulạṛreko tol midokʼ, ar Mạsi reaṅko bujhạute oka khạṭitetʼ ńamokʼ ona reaṅ purạ khạṭitetʼ jemon asambheṛko lab joṅ. Ar ona khạtirte Isorakʼ sạri okoakʼko, metakʼme Mạsiko baḍae orom daṛeaea.

1Timothi 3:16

Isor bhokti reakʼ sạri okoakʼ je maraṅge ona do jotokogeko aṅgoca. Ona sạritetʼ do noage, Uni do manwa lekateye sodorena; ar Jiureye dhorom ocoyena; serma goḍet do uniko ńelledea; sanam jạtko ṭhen uni reaṅ porcarlena; dhạrtiren hoṛko do unireko pạtiạuena; ar serma ṭhonokre uni doe rakapʼ ocoyena.

1Timothi 3:9

Onko do sapha bibekte jemon Mạsiakʼ dhorom biswạs reakʼ sạri okoakʼko sapʼ doho daṛeakʼ.

Jakob 1:5

Apeko modre jãhãe akel reakʼ okulan menakʼtae khan uni do Isor ṭhene koejoṅma, ar Isor do onae emaea, ente uni do begor ạṛiste mimitʼko asambheṛe dan akoa.

1 Johan 2:20

Menkhan ape do uni sonoticʼ ṭhen khonpe ojokʼ ocoakana, metakʼme sonot jiupe ńam akadea ar jotoge sạriakʼpe baḍae akada.

1 Johan 2:27

Menkhan ape do Mạsi ṭhen khonpe ojokʼ ocoakana, metakʼme sonot Jiupe ńam akadea. Uni do apeakʼ ontoreye tahena. Onate eṭakʼ okoeakʼ hõ cecetʼakʼ do baṅ jạruṛapea. Sanamakʼ reaṅ sonot Jiugeye cetʼapea. Uni doe sạriyicʼ kana, ar bae eṛea. Onate cetʼleka Mạsire tahene cetʼape onkage Mạsire tahenpe.