Mathae 12:46 - Santali Common Language New Testament

⁴⁶ Jisu do tinre onko gadel hoṛe galmarao akokan tahẽkana unre ńelpe, eṅgat ar boehakotae do acʼ tulucʼ galmarao lạgitʼ bahrereko teṅgo akan tahẽkana.

সান্তালী বাইবেল

⁴⁶ Jisu do tinre onko gadel hoṛe galmarao akokan tahẽkana unre ńelpe, eṅgat ar boehakotae do acʼ tulucʼ galmarao lạgitʼ bahrereko teṅgo akan tahẽkana.

Mathae 12:46 Iomraidhean Croise

Mathae 1:18

Jisu Mạsiakʼ janam do nonka leka hoelena. Jisuren eṅgat Mạriạm do Joseph tulucʼ baplakʼ reakʼ ṭhik akantae tahẽkana, menkhan unkin ạurikin mitʼ ṭhenokʼrege Sonot Jiu reakʼ daṛete Mạriạm doe bhạrti hoṛmoyena.

Mathae 12:47

Unre mitʼ hoṛ do hecʼkate uniye metadea. “Ńelme, eṅgam ar boehamteko do am tulucʼ galmarao lạgitʼ bahrereko teṅgo akana.”

Mathae 13:55

Nui do cetʼ kaṭmistiriren hopon doe baṅkana? Uniren eṅgat do cetʼ Mạriạm doe baṅkana? Ar uniren boehako do cetʼ Jakob, Joseph, Simon ar Jihudạ, doko baṅkana?

Mathae 2:20

“Ma beretʼme, gidrạ ar uniren eṅgattetʼ sotokʼkinte Israel disạmte ruạṛ calakʼme. Ente gidrạ goje lạgitʼ okoeko sendrakan tahẽkan onko doko gocʼena.”

Mark 2:21

“Okoe hõ mare kicricʼre nawa kicricʼ do bako tạli jalada. Arko onkae khan mare kicricʼ khon nawa rokʼakʼ do oṛecʼ hijukʼa. Onate oṛecʼ do artetʼge lạṭu idikʼa.

Mark 6:3

Nui do cetʼ uni kaṭmistiri doe baṅkana? Nui do cetʼ Mạriạmren hopon doe baṅkana? Jakob, Joses, Jihudạ ar Simon takoren boeha doe baṅkana? Uniren miserako cetʼ nonḍe abo talare bạnukʼkoa?” Nonkage hoṛko do Jisu iạte monre tạkijokʼko ehopʼena.

Luk 1:43

Ińren Probhuren eṅgat iń ṭhene hecʼakana, noa do cekate hoyena?

Luk 2:33

Simon gidrạ reakʼakʼ okakoe roṛketʼ onate gidrạren eṅgat-apat dokin hahaṛayena.

Luk 2:34

Inạ tayom Simon do onkoe bhoratʼkote Jisuren eṅgat Mạriạme metadea, “Isor do noae teṅgo akada, nui bale gidrạ iạte Israelko modre aema hoṛ doko ńurokʼa, arhõ aema doko rakapʼ ocokʼa. Nui do nonkan mitʼṭen cinhại hoyokʼa, uni birudre ḍher hoṛge kathako roṛa.

Luk 2:48

Ar uniren eṅgat-apat do uni ńelkatekin hahaṛayena. Eṅgattetʼ do uniye metadea, “E Beṭa, cedakʼem nonkaketʼ bona? Am baba ar iń do ạndukʼ mạndukʼliń sendra baṛayetʼmea.”

Luk 2:51

Inạ tayom uni do unkin sãote Nasaret atoteye ruạṛ calaoena ar unkinakʼ tabereye tahẽyena. Menkhan eṅgattetʼ do noako reaṅ monreye rebetʼ dohokada.

Luk 8:10

Unre Jisui metatʼkoa, “Ape do Isorakʼ raj reakʼ okoakʼkope baḍae ocoakana, menkhan eṭakʼko ṭhen do golpo talateń lạiyeda, jemon ńeńel tulucʼ aloko ńel ar ańjom tulucʼ aloko bujhạu.

Johan 19:25

Jisuren eṅgattetʼ, ar uniren eṅgattetʼren bokot kuṛi, Klopa rinicʼ Mạriạm, ar Magdalaren Mạriạm noko do Jisuakʼ krus ṭhenko teṅgo akan tahẽkana.

Johan 2:1

Niạ bar din tayom Gạlil reakʼ Kana nagrahare mitʼṭen bapla hoyena. Ar Jisuren eṅgat hõ onḍeye tahẽkana.

Johan 2:12

Ona tayom Jisu do acʼren eṅgattetʼ, boehako ar celako sãote Kapharnạhum nagrahateye calaoena, menkhan onḍe onko do ḍher din bako tahẽlena.

Johan 2:5

Unre Jisuren eṅgattetʼ do sapʼ dapʼkoe metatʼkoa, “Uni jãhãnakʼgeye metape onage onkaepe.”

Johan 7:10

Ado acʼren boehako porobteko senen khan acʼ hõ onḍeye calaoena, menkhan sodorte do baṅ bickom oko okotege.

Johan 7:3

Onate uniren boehakoko metadea, “Noa jaega bạgiyakʼte Jihudạ disạmte calakʼme, jemon okakom kạmikan ona do amren celakoko ńel daṛeakʼ.

Johan 7:5

Ar acʼren boehako hõ Jisu do bako pạtiạuaekan tahẽkana.

Aposkạmi 1:14

Onko jotoge biswạsi maejiuko ar Jisu eṅgat Mạriạm ar uniren boehako tulucʼ mitʼ monte koejoṅre jamaṛ akanko tahẽkana.

1 Korinthiko 9:5

Eṭakʼ sanam apostolko, Probhuren boehako ar Kephasteko cetʼ leka akoren bạhuko seletʼ porcarko oḍokokʼkan, onkage Mạsire pạtiạukʼ akan bạhuko seletʼ porcar oḍokokʼ reakʼ ạidạri do cetʼ bạnukʼtalea?

Galathiko lạgitʼ Pạul Apostolakʼ ciṭhi 1:19

Unre Probhuren boeha Jakob chaḍa eṭakʼ jãhãe apostolko sãote ińakʼ ńapam do baṅ hoelena.