Mathae 10:15 - Santali Common Language New Testament

¹⁵ Sạrigeń metapekana, bicạr dinre ona nagraha reakʼ khon Sodom ar Gomora reakʼge boroṅ ḍher sahaokʼa.

সান্তালী বাইবেল

¹⁵ Sạrigeń metapekana, bicạr dinre ona nagraha reakʼ khon Sodom ar Gomora reakʼge boroṅ ḍher sahaokʼa.

Mathae 10:15 Iomraidhean Croise

Mathae 12:36

Menkhan ińiń metapekana, okoe ạuṛi sạuṛi kathako roṛ, onko do bicạr dinre akoakʼ mimitʼ katha reakʼ lekha jokha emokʼ hoyokʼtakoa.

Mathae 5:18

Sạrigeń metapekana, serma ar dhạrti ạuri cabakʼ hạbicʼ, ạn-ạri reakʼ sanamakʼ kathako ạuri purạukʼ hạbicʼ ona ạn-ạri reakʼ mitʼ akhor se ṭuḍạkʼ hõ oho meṭaolena.

Mathae 7:22

Enhilokʼ do ạḍi hoṛko mitạńa, ‘E Probhu, E Probhu, ale do cetʼ am ńutumte bale nạbileda? Am ńutumte cetʼ bạṛicʼ jiuko bale oḍok giḍiletʼkoa? Am ńutumte cetʼ hahaṛa kạmiko bale kạmileda?’

Mark 6:11

Ar jãhã jaegaren hoṛ bako ataṅpe se kathako bako ańjom enḍekhan, ona jaegape bạgi oṭowakʼre apeakʼ jaṅga talka reakʼ dhuṛi hõ koṭa oṭokakʼpe jemon onage onko birudre goha hoyokʼ.”

Johan 12:48

Okoe iń bae bạsutạń ar ińakʼ katha bae ańjom uni lạgitʼ do bicạricʼ menaea. Oka kathań roṛakatʼ ona kathage mucạtʼ dinre uni do dusi menteye sạbudea;

Johan 6:39

Okoeye kolakadiń uniakʼ sana do noage je, uni okoekoe emakawạdiń onko modre mitʼṭen hõ alo jemoniń atʼko bickom mucạtʼ dinreń jiwetʼ beretʼkoa.

Johan 6:40

Ińren Babawakʼ sana do nõkʼõe jemon Hoponko beṅgetʼae ar unire pạtiạukʼ mitʼke mitʼko do jaejug jion tahentako. Ińge onko do mucạtʼ dinreń jiwetʼ beretʼkoa.”

Aposkạmi 17:31

ente uni do nonkan mitʼṭen dine nenḍa akada one ona dinre acʼe bahal akade mitʼṭen hoṛ hotete manwako dhoromteye bicạrko. Uni do gocʼko khone jiwetʼ beretʼ akadete sanam manwako ṭhen noae sạbud akada.”

1 Korinthiko 3:13

enḍekhan okoe oka lekae kạmi akatʼ ona do mońjte ńelokʼtaea. Ar bicạr dinre sodorokʼa, ente ona din reakʼ sodorokʼ do seṅgel talatege hoyokʼa. Ar okoeakʼ kạmi oka lekan ona do seṅgelgeye biḍạu aṭkara.

1 Thessalonikikko 5:4

Menkhan E boehako, ape do ńutre bạnukʼpea, onate ona din kombṛo leka hecʼ paṛaoapea mente. Ape sanamkoge marsal ar sińren hoṛ kanape. Ar ńindạ se ńutren hoṛ do bon baṅkana.

Ibriko 10:25

Adom adom hoṛakʼ mitʼ ṭhecʼ jarwakʼ reakʼ cetʼleka heowa menakʼtako, onka leka jarwakʼ do alo bon bạgi ma, bickom Mạsiakʼ hijukʼ din hạbicʼ mimitʼko jemon arhõ bon udgạuko.

2 Patras 2:6

Sodom ar Gomora nagraha seṅgelte ḍahao maraokate Isor do ona nagraharen hoṛkoe sạjạiletʼkoa ar nonkate uni doe udukʼatʼkoa, okoe Isor bako bhoktiae onko do cetʼ dosa hoyokʼ takoa mente;

2 Patras 2:9

Noako khon ńelokʼ kana, okoe Probhuko bhoktiaekan onko do biḍạu khon bańcaoko doe baḍaegea.

2 Patras 3:7

Ar Isorakʼ inạ mitʼ kathatege ńitokʼakʼ serma ar dhạrti do seṅgelte ḍahao maraokʼ lạgitʼ dohoakana; Isor bebhokti hoṛkoakʼ bicạr ar ḍahao marao din hạbicʼ ona do jogao dohoakana.

1 Johan 4:17

Nonkatege dulạṛ do aboakʼ ontorre purạte hoeakana jemon bicạr hilokʼ dil bon ńam, ente noa dhạrtire aboakʼ jion do uniakʼ jion lekagea.

Jihudạwakʼ ciṭhi 1:6

Ona chaḍa okoe serma goḍetko do akoakʼ ạidạri rukhiyạ baṅkate apnarakʼ jaega bạgikateko calaolen onkoakʼ katha disạipe. Ona maraṅ din reakʼ bicạr lạgitʼ Isor do onko jaejug ńutreye tol doho akatʼkoa.

Jihudạwakʼ ciṭhi 1:7

Sodom, Gomora ar onakin beṛhaeteakʼ joto nagrahakoren hoṛko hõ ṭhik onko lekageko laṭghaṭetʼ tahẽkana. Okoe jaejug seṅgelre khadlekʼ reakʼ kuṛạiko ńam noko do onkoakʼ nạmunạgeko hoeakana.