Mark 7:9 - Santali Common Language New Testament

⁹ Arhõe metatʼkoa, “Isorakʼ hukumko bạgikate manwakoakʼ cạliko pańja do bhagegepe baḍae kana.

সান্তালী বাইবেল

⁹ Arhõe metatʼkoa, “Isorakʼ hukumko bạgikate manwakoakʼ cạliko pańja do bhagegepe baḍaekana.

Mark 7:9 Iomraidhean Croise

Mark 7:13

Nonkate hecʼ ạgu akan ạri-cạlikope cetʼako kante Isorakʼ kathape ạuṛiakʼeda. Ona chaḍa noa lekanakʼ arhõ ạḍi utạrpe kạmiyeda.”

Mark 7:3

Phạrusiko ar sanam Jihudiko do sedaeren dhorom guruko okaṭakʼ niạmko emakan ona niạm lekate ti begor ạbukte do jom hõ bako jometʼ tahẽkana.

Mark 7:5

Onate Phạrusiko ar sostor baḍaeko do Jisuko kulikedea, “Hapṛamko khon hecʼạgu akan ạri-cạli do amren celako cedakʼ bako manaoeda? Onko do begor ti ạbukteko jom ńuiyeda.”

Romiko lạgitʼ Pạul Apostolakʼ ciṭhi 3:31

Noa biswạs iạte cetʼ ạn-ạriko bon mạutạyeda? Tis hõ baṅ, bickom ạn reakʼ katha sạrikana mente bon sạbudetʼ kana.

2 Korinthiko 11:4

Ente okoe Jisu reakʼ kathale porcar akatʼ, uni chaḍa jãhãe eṭakʼ Jisuakʼ kathae porcarape se okoe sonot Jiupe ńamakade uni chaḍa eṭakʼ lekan Jiupe ńame, se oka bhage sombatpe ataṅakatʼ ona khon eṭakʼ lekan bhage sombatpe ńametʼkanre ape do ạḍi rạskạ salakʼge onape ataṅetʼ kana.

Galathiko lạgitʼ Pạul Apostolakʼ ciṭhi 1:14

Iń umerren aema Jihudiko khon hõ ona dhoromre iń do ạḍitetʼiń laha idilena. Ona chaḍa ińren hapṛamko ṭhen khon okako ạri-cạli hecʼ ạguakan ona reaṅ hõ ạḍi jidiń tahẽkana.

Galathiko lạgitʼ Pạul Apostolakʼ ciṭhi 2:21

Isorakʼ noa daya do bạń ạuṛiakʼ ocoa, ente ạn-ạri manaote manwa do Isor ṭhen dhorome hoyokʼ khan enḍekhan Mạsi do ạuṛiakʼgeye gocʼlena.”

2 Thessalonikiko 2:4

Isor mementeakʼ cetʼko menakʼ onako sanamakʼ birudre ar sewa ocokʼ jotowakʼ birudreye teṅgokʼte uni do apnarte maraṅe udugokʼa; ar Isorakʼ mundilre duṛupʼkate acʼge Isor menteye udugokʼa.