Mark 2:17 - Santali Common Language New Testament

¹⁷ Noa katha ańjomkate Jisu do sostor baḍaekoe metatʼkoa, “Boge hoṛko lạgitʼ raranicʼ reakʼ jạruṛ do bạnukʼa, menkhan ruạkʼko lạgitʼ do jạruṛgea. Dhorom hoṛ hohoako lạgitʼ do bạń hecʼakana menkhan kại hoṛko lạgitʼgeń hecʼakana.”

সান্তালী বাইবেল

¹⁷ Noa katha ańjomkate Jisu do sostor baḍaekoe metatʼkoa, “Boge hoṛko lạgitʼ raranicʼ reakʼ jạruṛ do bạnukʼa, menkhan ruạkʼko lạgitʼ do jạruṛgea. Dhorom hoṛ hohoako lạgitʼ do bạń hecʼakana menkhan kại hoṛko lạgitʼgeń hecʼakana.”

Mark 2:17 Iomraidhean Croise

Mathae 18:10

“Ńelpe, noko kạṭicʼko modren mitʼ goṭen hõ alope nihạ̃tkoa; ińiń metapekana sermare onkoren goḍetko do sanam ghạṛicʼ ińren sermare menae Babawakʼ mẽtãhãko ńeleda.

Luk 15:10

Ińiń metapekana, mitʼṭen kại hoṛ mone ạcurle khan Isorren goḍetko talare hõ onkage rạskạ hoyokʼa.”

Luk 15:29

Uni do apattetʼe metadea, ‘ńelme, iń do nunạkʼ bochor khoniń joton ạguyetʼmea; menkhan mitʼ dhao hõ amakʼ hukum do bạń taṛam parom akada. Enhõ ińren gateko sãote hesecʼ sekrejokʼ lạgitʼ mitʼṭen gan merom hopon tanakʼ hõ bam emakawạdińa.

Luk 15:7

Ińiń metapekana, onkage kại khon mon ạcur bako moneakʼkan aregel are dhorom hoṛko khon bickom mitʼṭen kại hoṛ mone ạcuretʼkante sermare arhõ bạ̃ṛti rạskạ hoyokʼa.

Luk 16:15

Unre Jisui metatʼkoa, “Ape do hoṛko samaṅre dhorompe udugokʼ kana, menkhan Isor do apeakʼ mon reakʼe baḍaegea. Ente manwa ṭhen okaṭakʼ manotakʼkan, Isor samaṅre ona do hirkhạwakʼ kana.

Luk 19:10

Ente atʼakan ńamko ar bańcaoko lạgitʼge Manwa Hopon doe hecʼakana.”

Johan 9:34

Khange mukhiạko doko metadea, “Am ma kạirem janam akan ar alem cetʼale kana?” Noa menkate onko do somaj khonko oḍok gotʼkadea.

Johan 9:40

Adom Phạrusiko do Jisu sãoteko tahẽkana. Onko do noa katha ańjomte Jisuko metadea, “Enḍekhan ale hõ cetʼle kãṛãgea?”

Aposkạmi 20:21

Jihudi ar Junạniko ṭhen iń do jorkateń lại akada je, kại khon mon ạcurkate onko do Isor secʼ ruạṛokʼ hoyokʼtakoa ar Probhu Jisure biswạsokʼ jạruṛtakoa.

Aposkạmi 26:20

Damesekre okoe menakʼko pạhilre onko ṭhen, ar ona tayom do Jerusalemrenko ar goṭa Jihudirenko ar boṅgan hoṛ jạtrenko ṭhen hõń porcar akada je, onko do kại khon mon ạcurkate Isor secʼ ruạṛokʼ lek takoa, ar nonkan kạmi lek takoa one okaṭakʼte sạbudokʼ baṅma onko do monko ạcur akada mente.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạte saphakote eken acʼrengeko hoyokʼte eṭakʼko bhạlại lạgitʼko ahkaokʼ.