Mark 16:1 - Santali Common Language New Testament

¹ Ado Jirạukʼ mãhã paromen khan Magdalaren Mạriạm, Jokob eṅgat Mạriạm, ar Salomiteko do mạ̃ṛĩre ojokʼakʼ lạgitʼ mońj so mosolako kiriń ạgukeda.

সান্তালী বাইবেল

¹ Ado Jirạukʼ mãhã paromen khan Magdalaren Mạriạm, Jokob eṅgat Mạriạm, ar Salomiteko do mạ̃ṛĩre ojokʼakʼ lạgitʼ mońj so mosolako kiriń ạgukeda.

Mark 16:1 Iomraidhean Croise

Mark 14:3

Unre Jisu do Bethaniạren murhucʼ jom rugi Simonakʼ oṛakʼreye tahẽkana. Ado jojome duṛupʼ akan tahẽkanre mitʼṭen maejiu do ponḍ dhiri cukạkʼre ạḍi daman jaṭamaṅsi sunumanteye hecʼena. Ar cukạkʼ rạputʼkate uni do Jisuakʼ bohokʼre ona sunume dulkeda.

Mark 14:8

Uni do okae daṛeakatʼ onageye kạmi akada. Uni do topayiń lạgitʼe sapṛaoedeńte laharege sunume ojokʼ ạdińa.

Mark 15:40

Ar maejiuko hõ sạṅgińre teṅgokateko ạri bạndhiyetʼ tahẽkana. Onko modre Magdalaren Mạriạm, huḍiń Jakob ar Josestekinren eṅgat Mạriạm ar Salomitekoko tahẽkana.

Mark 15:42

Enhilokʼ do sapṛaokʼ din, metakʼme jirạukʼ mãhã laha din tahẽkana.

Mark 15:47

Jisuakʼ mạ̃ṛĩ okare dohoyen, ona do Magdaloniren Mạriạm ar Joses eṅgat Mạriạmtekin hõkin ńelkeda.

Mark 16:2

Ar hapta reakʼ pạhil din setakʼ jokhecʼ, cando rakabokʼ sãote onko do topa ṭhenko calaoena.

Mark 16:8

Onko maejiu do cetʼhõ bako bujhạu daṛeakʼte thar tharaokʼ tulucʼ topa dander khon oḍokkateko dạṛkeda. Onko do nunạkʼko botorena je, botorte okoe hõ cetʼge bako lạiatʼkoa.

Luk 23:54

Ona din do tahẽkana jirạukʼ mãhã reakʼ sapṛaokʼ din. Ar jirạukʼ mãhã do ehopʼ lạgidokʼkan tahẽkana.

Luk 23:56

Ona tayom ruạṛ senkate uniakʼ hoṛmore lạgitʼ mahkaokʼ sunum ar mosolako tearkeda. Ar ona tayom do Moseakʼ hukum leka jirạukʼ mãhã hilokʼ doko jirạuena.

Luk 24:1

Ado hapta reakʼ pạhil hilokʼ ạḍi setakʼre onko maejiu do ona mahkaokʼ mosolawante topa ṭhenko calaoena.

Johan 19:25

Jisuren eṅgattetʼ, ar uniren eṅgattetʼren bokot kuṛi, Klopa rinicʼ Mạriạm, ar Magdalaren Mạriạm noko do Jisuakʼ krus ṭhenko teṅgo akan tahẽkana.

Johan 19:31

Ona din do porob reakʼ sapṛaokʼ din tahẽkana. Ar dosar hilokʼ jirạukʼ mãhã tahẽkante Jihudi mukhiạko do ona dinre krus cetanre mạ̃ṛĩko tahen do bako khojlakʼa. Onate Pilạt ṭhenko nehõrena jemon krusre menakʼkoakʼ jaṅga rạputʼkate krus khonko pheḍ idiko.